وسواس الموت تكفون تعبت مجابة

عنوان الموضوع : وسواس الموت تكفون تعبت مجابة
مقدم من طرف منتديات نساء الجزائر

وسواس الموت تكفون تعبت



السلام عليكم

شخباركم ..

انا عندي وسواس وخوف من الموت
خصوصا قبل النوم احس ملك الموت فوق راسي من كثر الخوف
واحس بخفقان بقلبي وتوتر فضيع الاحساس هذا عندي يومياً
مو قادره امارس حياتي طبيعيه داما افكر بالموت تعبت كثيررر
طول اليوم وسواس وقلق وتوتر وخوف من وقت النوم
يومي كلللله افكر في وقت النوم حياتي صارت مالها طعم
يعني اذا جلست الصباح من النوم افكر في الموت قبل النوم
طواااال اليوم لحد وقت النوم حالتي صعبا جدا تعبت كثيرررررر
اخاف من الموت قبل النوم وليس في النوم نفسه

ارجوكم ابي حل الله يرضى عليكم

>>>>> ردود الأعضـــــــــــــــــــاء على الموضوع <<<<<
==================================

,, مرحبا اختي نفس حالتي بالضبط ,, تعبت نفسيا وجسديا وعقليا كرهت كل شي ,, احس ملك الموت قريب لي وصابتني الحاله من شهر 1 ليومك هذا اخاف من الضلام وما اقدر اختلي لحالي اخاف ,, رحت لشيخ وقرا علي وماصار شي بس حسيت بتنمل ورجفه ,,الرجفه من خوفي من الشيخ اتوقع ,,وحطيت زيت مقري لمدة اسبوع بس مافاد واخاف اسمع قرآن بالليل بس مدري ليش .. كنت خايفه فيني مس بس عرفت اللي فيني وسواس دامه مانفع الزيت ,, قلت مالي الا حل واحد اني اواجه مشكلتي بنفسي عشان اتغلب عليها وبالفعل حاولت وقعدت اقنع نفسي ان الموت قضاء وقدر واللي كاتبه ربي يصير وانصحك ماتتعمقين بأفكارك خلي افكارك خارجيه ,, وبديت اتحسن شوي شوي ,, اذا جابولك سيرة موت حاولي تتناسين وقوي نفسك ترا الشيطان يزيد وساوسك اشغلي نفسك بأي شي عشان ماتفكرين كثير ., انا جتني الحاله من الطفش اما الحين صرت بالنهار اشغل نفسي وارهق نفسي عشان بالليل ع طول انام من التعب ,,
,,, سوري طولت عليك وانصحك انك تواجهي مشكلتك بنفسك ,,محد يحس بالنار الا واطيها ,,
,,,,,, تحياتي ,,,,, دودي

,,

__________________________________________________ __________

اممممم انصحك تتقربين من ربك اكثر وان شاء الله قلبك
بيتحسن وكل شي فيك بيتحسن .. حاولي تصومين .. وبدال ما تفكرين
فـ هل اشيا .. حاولي تتقربين من ربك (اقري قرآن ، صلاة الوتر .. استغفررري)

ودامك تفكرين فـ هل اشيا .. على الاقل لما تفكرين فـ الموت .. فكري
إنك على سبيل المثال إن ملك الموت فوقك (لا سمح الله) وانتي باقيلك
شوي وينآخذ روحك فـ لازم تسوين خير قبل ما ياخذ روحك .. صلللي
وفكري فـ ربك وعذابه .. علشان تصلين وتستغفرين وتسوين خييير بدل ما
تفكرين وتفكرين بدون فايده .. (مجرد فكره)

واخر شي حبيت اقولك شي الصراحه انا اطبقه وكثيير استفيد منه ..
انا عندي جوال .. وفيه ملاحظات انا امخزنها وحاط (امنزل) فيها
كل الادعيه اللي مخصصه حق وقت النوم .. و بعضهم بس كذا حاطهم
لانهم (الادعيه) مهمه او احسها يعني ممتازه او فيها اشيا اتمنى تتحق لي
فـ كل ما اشوف دعاء حلو او ينقع لقبل النوم .. على طول احطه فـ هل ملاحضه
في جوالي .. والحين عندي لسته طويله فيها ادعيه كثيره منوعه على جوالي
بعضهم انا سمعتهم وكتبتهم بنفسي و اغلبيتهم من النت او الواتس اب .. او البلاك بيري
انسخهم والصقهم .. وقبل ما اناام لاازم اقرا هل ادعيه اللي امسجلهم عندي وارتاااح الحمدلله

فـ انصحك تطبقين هل شي ..
اللهم اجعل كل ما حصل وسوف يحصل ويحصل الان خيرا لي ولنا فـ الدنيا
و الاخره .. يا ارحم الرحمين
-
اللهم قني عذابك يوم تبعث عبادك

__________________________________________________ __________

عليكم السلام .. نسيت ارد السلام https://said.xplainer.net/images/smi...8-yds6b3uo.gifhttps://said.xplainer.net/images/smi...8-n0gfapyo.gifhttps://said.xplainer.net/images/smilies/rose.gif

__________________________________________________ __________

الله يشفيك ويرفع عنك يارب اشغلي نفسك بالذكر اختي وحصني نفسك
ودائما رددي سبحان الله والحمدالله ولااله الا الله والله اكبر راح تحسي براحه وانشراح بصدرك
اذا رددتيها الله يعطيكي الصحه والعافيه وطوله العمر يارب

__________________________________________________ __________

السلام عليكم.. مررت بنفس حالتك بالضبط.. لدرجة أن أمي كانت تبكي بسبب هذا الوسواس الذي كان بداخلي.. فكما قالت الأخت التي ردت في الرد الأول كل هذا من الشيطان .. يحاول أن يخوفك
أنا أيضا قرأ علي خالي القران و ماصارلي شي.. و أيضا حاولت أتعالج بنفسي دون مساعدة أحد
وكما ذكرت الأخت.. عالجت نفسي بنفسي..
نصيحتي لك أنك تكثرين قراءة القران والمعوذتين
وأن تبقي على وضوء
شفاك الله وعافاك
تحياتي