عنوان الموضوع : خطبتي الي جلست سنه!!
مقدم من طرف منتديات نساء الجزائر
خطبتي الي جلست سنه!!
السلام عليكم والرحمه
بصراحه انا مشكلتي صارت وانتهت لكني للآن حاسه اني حايسه ومو فاهمه شي
انا انخطبت تقريبا العام في ذو الحجه ووافقت بعد الحاح ابوي علي، انا كنت رافضه لاني ماكنت احسه الزوج المناسب لي
وادري كل شي قسمه ونصيب بس الواحد ياخذ بالاسباب ويسوي الي يقدر عليه.......... والمكتوب بيصير
الزبده اني وافقت وانا في نفسي شي وبنفس الوقت مو مقتنعه فيه بس عشان افرح ابوي.. بس طول الخطبة وابوي يتفق مع ابوه
على اشياء انا مدري عنها ولا ادري وش يصير حولي؟ حتى بأمور الملكه ولو انه بدري بس ابوي يبي يعرف وش افكارهم وكذا
وانا ماكنت ادري حتى لو كان مجرد كلام.. واخس شي يوم ابوي قال لاعمامي على خطبتي وانا ماكنت ابي احد يدري
لانه بنت خالتي انخطبت العام الي قبله وقالوا للناس وماجلست غير شهرين وانفكت الخطبه..... وادري انه نصيب
لكن انا ماخذه على حديث الرسول (اتموا اموركم بالكتمان) ارتاح نفسيا صراحه....! غير نظرت الناس الي تجيب المرض استغفرالله
والحين تفركشت خطبتي قبل كم يوم والحمدلله على كل حال ... ولو اني ارتحت صراحه بس شي يقهر انه تجلسين سنه معلقه
ماتدرين اذا بتتزوجينه ولالا؟ ومستغربه من رد امه انه السبب وبكل بساطه انه البنت قصيره !!! وييييينك من اول توك تكتشف ؟؟
طبعا غير اذا كانوا اهله يمشونها علينا وكذا !!! بس هو صح انه اطول مني وشفته انا وابوي قلي بعد بس ماخذتها سالفه !!
والمفروض الاهل يكون لهم دور ويتكلموا مع الولد ويقولون له المواصفات الي شافوها بالدقيق لانه عارفين ولد عن ولد يفرق وش يبي البنت تكون وكيف؟
^ اعتبرووها فضفضه "") ‘ الزبده......
الحين اذا انخطبت مره ثانيه حابه تساعدوني حبتين
يوم شوفة الاهل وش ألبس ؟ طويل / قصير ؟ وسيع -مب مرا- / ضيق ؟ ... وبعد يوم الشوفه مع الولد وش ألبس وش الافضل ؟
والشي الاهم في انه لو ماعجبني الولد او ما ارتحت له شلون افهم ابوي واقنعه ؟!! ، ترى انا بعد ابي افرحه بس مب بشي ماحبيته وماعجبني :"/
ووشلون اقوله مايقول لأحد لين يحددوا وقت نعقد فيه ذيك الساعه نخبر الناس عشان تجهز وكذاااا ......
وربي يعطيكم العافيه على هالقسم الرائع ""
>>>>> ردود الأعضـــــــــــــــــــاء على الموضوع <<<<<
==================================
اممممممممممممممممممممممممممممممم *.*
اذا ما ارتحتي قولي لابوج بصراحة انا ما ارتحت له ومب حابة يصير فيني مثل ما صار بالخطبة اللي طافت
و قولي له ما ابا حد يعرف لين يوم الملجة
بالنسبة للبس اممممم ما اعرف بس الافضل تكوني عارفة هم كيف عاداتهم وانتو كيف وبعدها تقرري
لانه في اعتقادي اذا هم ما يلبسون قصير جدام بعض ( اقصد الحريم ) ممكن يستغربون منج اذا لبستي قصير وبيقولون جريئة و غيره من الكلام ...
و بالاخير ما خاب من استخار والله يكتب لج ما فيه الخير
موفقة
استغفر الله العظيم الذي لا إله إلا هو الحي القيوم و أتوب إليه https://said.xplainer.net/images/smilies/rose.gif https://said.xplainer.net/images/smilies/rose.gif https://said.xplainer.net/images/smilies/rose.gif
__________________________________________________ __________
حبيبتي / "ما أصابك لم يكن ليخطئك وما اخطأك لم يكن ليصيبك " الحمدلله اللي يدبر امورنا برحمته وصدددقيني طال الزمن ولا قصر ربي راح يكشف لك ان هذا الانساان ابدا ما كان مناسب لك وممكن لو تزوجتيه يحدث انفصال فالحمدلله ان الامور وصلت لهنا وانا عارفة انك مو مقتنعة من اول لكن قهرر السنة اللي جلستي مخطوبة فيها ..
المهم حبيبتي بخصوص لو خطبك أحد وما عجبك قولي لأبوك او خلي امك تكلمه انه الزواج اساااسه راحة لو انت مو مرتاحة ما ينفع تكملين وان اللي يروح يجي احسن منه بإذن الله -لازم تقنعون ابوك - تجنبا لأي مشاكل ممكن تصير ..
و اذا انخطبتي المرة الجاية وجو اهل الولد يشوفونك البسي شي مناسب لجسمك وتقاسيمه يعني ما يبينك مثلا تخينه او نحيفة بزيادة او يبرز شي مو حلو بجسمك بالعكس البسي شي يناسبك و يبرز انوثتك وف نفس الوقت ساتر ومرتب ماله داعي التعري الزايد ابدا .
ويوم الشوفة البسي الشي اللي تطلعين فيه عند اقاربك الرجال ، لبس محتشم ويكون اللون مناسب بشرتك هذا اهم شي و كل شي بسيط اجمل ، بساطة بس بذوق وجمال .
والله ييسرلك الخير
__________________________________________________ __________
موضوع الزواج بصراحه الافضل ان اعمامك يدرون قبل الملكه وتصرف والدك صحيح انه قال لاعمامك مع ان هالشي قلتي مايريحك!!! بالعكس لمصلحتك يمكن اعمامك سمعو عن الخاطب ولاشي او يساعدون والدك بالسؤال عنه بالعكس لازم اهلك يدرون حتى خوالك يعني ماتدرين يمكن سمعو عنه ويمكن يعرفون اهله من طرف ناس ولا شي ولايقربون لفلان وعلان ....الكتمان في الزواج يكون افضل احيانا اذا كانت مثلا ممكن تحصل مشاكل او غيره وحسد لقدر الله مثلا او فيه احد من عايلتك تحسين ممكن يفركش عليك الخطبه هنا ممكن يكون الكتمان افضل ....وبالنسبه انه معلقك سنه كامله فعلا هم غلطانين وقلتي انه شايفك وعذرهم انك قصيره!! عذر غير مقنع بالمره وزي ماقلتي المفروض ينسحبون من اولها اول ماشافوك اهله وشافك مو عقب سنه كامله يقولون هالكلام!! وثاني شي قلتي انك مو مقتنعه فيه اصلا ووافقتي لرضى والدك وهذا خطا كبيرررر جدا غلط توافقين على شخص لمجرد رضى احد حتى لو كان والدك له كل الاحترام لكن هذي حيااتك ولازم توافقين عن قناعه تامه ويكون لك كلمه وراي ! والحمد الله ان هالخاطب راح ولاتتضايقين ولاتاسفين عليه دليل انه تافه وتركك لسبب تافه ويكفي معلقك سنه واخرتها قال قصيره!!!! دليل صغر عقله وتفاهته https://said.xplainer.net/images/smi...8-yds6b3uo.gif.وسبب يضحك صراحه وغير مقنع ابدا .......والله يعوضك باللي احسن منه ....بالنسبه للشوفه اذا اهل الخاطب يجون البسي لبس مريح حلو وانيق وسيع او ضيق اللي يريحك واذا تبين تحطين مكياج حطي خفيف جداا كوني طبيعيه جدا ومثل ما انتي وبالنسبه لشوفة الخاطب البسي لبس حلو ومحتشم فستان طويل مثلا او تنوره مع بلوزه ونزلي شعرك سويه مرتب والمكياج خفييييف جدا والافضل ماتحطين مكياج ابدا علشان يشوفك على طبيعتك احسن والله يعوضك خير
__________________________________________________ __________
البنات ماقصروا الله يوفقك ويتمم لك على خير
__________________________________________________ __________
الي ماله كبير يشتريلو كبيير وان شاور يبى مصلحتك وخايف عليكي
وعمانك ماراح يضروكي
