مشكلة اختي مجابة

عنوان الموضوع : مشكلة اختي مجابة
مقدم من طرف منتديات نساء الجزائر

مشكلة اختي





اختي اكبر مني و بنتها الحين بالمتوسطه
شنو المشكلخ
المشكله لما كانت البنت صغيره بعمر ثلاث سنين و طالع
اذا تكلمت البنت مع روحها
وقلنا لها لا عيب الواحد مايكلم روحه يصير مجنون
نشغلها بأي شي تسولف مع الصغار او تتفرج تلفزيون ومن هالمجرى
اختي كانت تقول لاااا خلوها بكيفها

وصلت 5 سنوات بعمرها و اذا هاوشوها اخواني لا تكلمين روحج
قالت اختي لا خلووها

و اذا كان عندنا سالفه والا شي
قالت لها اختي قومي روحي سولفي هناك
ونقول لها مايصير لا تنجن البنت

و اختي بطبعها عنيده وماتسمع حق احد ..


انا معورني قلبي ع البنت
الحين البنت عمرها 14 صح طفله بس هم مو صغيره

لما اسهر اسمع شخص يسولف وقرقه
اطلع بشوف منو اللي قاعدين
الاقي البنت قاعده ع الايباد و تسولف مع نفسها
او تمشي ع المرايه و تسولف ..

و صارت ماتعرف تسولف
عندي بنت اخت ثانيه اصغر منها بالابتدائيه
و اسم الله عليها طلقه بكلامها
حتى لو هذي اللي بالابتدائي كلمت احد كبير في المجلس
يسكتون الباقي يسمعونها
عكس هذي اللي بالمتوسطه كأنها طفله لما تتكلم يسمعها شخص شخصين مجامله
و الباقين يكملون سالفتهم ...

مسكت البنت ع جمب و قلت لها غلط تسولفين مع نفسك بعدين خلاص تصيرين ماتتحكمين بنفسك
و تتفشلين عند الناس و صديقاتك
قالت تعودت ...

الا وتجي اختي تقول شتسوون ؟
قلت لها اقولها لا تكلم نفسها مو زين


قالت لا عادي ماعليه خليهت تتكلم توسع صدرها ..

اختي لا مباليه و البنت صارت خبله تقريبا


رجاء مابي اي دعاوي او قلة ادب ..

ابي الحل بنظركم شنو !؟






>>>>> ردود الأعضـــــــــــــــــــاء على الموضوع <<<<<
==================================

اممممممممممممممممممممممممممممممممم *.*
صدقيني انه البنت مفتقدة للكلام مع اهلها يعني امها وابوها
و غير انه لا صار عندكم سالفة او اي شي امها تقول لها تروح بعيد
واختج انصحيها وذكريها انه الله بيحاسبها على تعاملها مع بنتها
يمكن هي تحس انه تصرفها عادي لكن تأثيره على بنتها كبير
و اذا تبين تساعديها انتي ايلسي وياها وسولفي وياها
و خليها تطلع اللي في خاطرها كله عندج
الله يهدي اختج و الله تقطع قلبي على بنتها و انا ما اعرفها
و يزاج الله كل خير على اهتمامج و خوفج عليها
موفقة

استغفر الله العظيم الذي لا إله إلا هو الحي القيوم و أتوب إليه https://said.xplainer.net/images/smilies/rose.gif https://said.xplainer.net/images/smilies/rose.gif https://said.xplainer.net/images/smilies/rose.gif

__________________________________________________ __________

ما اتوقع انه شي غلط بالعكس احسه شي حلو <<<< ككفف
ما تدرين يمكن تصير عبقرية اذا كبرت =)

__________________________________________________ __________

السلام عليكم اختى اولا مستحيل ندعى او نقل ادبنا معقولة مع اخت مسلمة تحتاج مساعدة منا والله سادعى لكى على حرصك عليها ولامها بالهداية وللبنت بالشفاء العاجل لاكن اختنا الكريمة اعرضيها على اخصائى نفسى سولفى معاها احتضينها يمكن تفتقد حنان امها وعطفها عليها عوضيها اسمعى لها وانصتى حتى لو خبلة يكفى شعورها لما تحس احد يهتم لسواليفها الخبلة صديقنى باذن الله راح تتشافا تماما واسئل الله عز وجل الشفاء العاجل لها اسئلك يارب باسمك الاعظم الذى اذا دعيت به اجبت واذا سئلت به اعطيت ان تشفيها شفاء لا يغادر سقما وربى يجعل مثواكى ومثوا اختك وبنتها الفردوس الاعلى تقبلى مرورى اختى الفاضلة

__________________________________________________ __________

انا اقولك لازم تكلمين انتي معاها وتقربي منها وخليها تتعلم منك وعلميها

الله يوفقك في مساعدتها

__________________________________________________ __________

- تكلمي انت ِ مع البنت واشغلي وقتها
- دخلي شخص كبير ف الموضوع يفهم اختك ويوعيها
- ممكن تكتبي لاختك رسالة ع الواتس عن الشيء هذا
ودعميه بمقولات علمية
- احتوي البنت واشغليها