لحقوا علي.. مجابة

عنوان الموضوع : لحقوا علي.. مجابة
مقدم من طرف منتديات نساء الجزائر

لحقوا علي..



لحقوا علي يا بنات امي تسوي فتنه بيني وبين خواتي وتكرهني انا بالذات وتفضل خواتي عليي وانا ولا مرة قالت لي كلمه حلوة كله دعاوي الله لايوفقج والله يلعنج وربي تعبت منها..اليوم اختي قبلوها فالكليه وكلنا فرحانين لها المهم جلسنا نتغدا وقالت امي اختكم نرجس ما زوجناها وريم بعد ما ابا ازوجها ابيها تدرس وانا ما اعرف شو اللي خلاني اتدخل يمكن لان ما سمعت اسمي وقلت لها وانا يعني ابا زوج مثلا بتزوجوني قالت انا ما قلت كذا وانتي غيورة وحسوده من خواتج وانا والله العظيم كنت امزح معها وهي قلبت جد ..قلتلها ليش اغار انا دارسه والحين اخر سنه بالجامعه يعني بدرس مثلها وما في احد يحسد اخته وجلست تسبني وتعق علي كلام حتى حسيت اختي من نظراتها تقول هذي صدق غيرانه مني وانا وهي مثل السمن ع العسل ما بيينا اي مشاكل..وجات امي تسوي هالفتنه والله العظيم كرررهت نفسي ولما طلعت من الغرفه سمعتها تقول هذي غيرانه لا ما قبلوها فالكليه اللي انتي داخلتها (تشيشها علي) تحسدج ع هالشي..وعصبت ورجعنا نتهاوش..،يا ناس ليش اغار دام انا تخصصي احسن منها ودارسه ف جامعه مو كليه واخر سنه يعني بتوظف قبلها حتى!! انا ما اكره اختي بالعكس فرحت لها وباركتلها واهتميت بالموضوع ورحنا نشوف اقسام الجامعه من اللابتوب واختي عادي..بس اهي مصرة اني غيرانه منها..تعاملني اردى معامله من بين خواني ويوم اسولف تغير السالفة تعببببت والله تعبت فالنهايه هذي امي بس والله كرهت هالعيشه.. قولولي شسوي اذا انتحرت بروح النار..واذا جلست ع هالحال بموووت من معاملتها لي..

>>>>> ردود الأعضـــــــــــــــــــاء على الموضوع <<<<<
==================================

حياك الله حبيبتي

شوفي يابنتي الله اختارك فابتلاءك لانه يحبك فهذا لاشك فيه من احبه الله ابتلاءه
واختبار لك

امك احسني اليها وبري فيها لوجهه الله لاتنتظرين ثناء ولا شكرا هذا هو البر الحقيقي وصدقيني بتلقينها بدنياك واخرتك

امك اذا قالت الكلام حسوده والخ اصمتي وابتسمي بحب بوجهه امك
وكل ماشفتيها ابتسمي واذا كانت جالسه روحي عندها وحبي راسها
وصدقيني مافي ام تكره بنتها كره تام يالغلا
وبتشوفين مع الايام كيف قلبها يذوب مثل الزبده لك حتى لو مابينت

يالغلا انتي قلتي مو حسوده وغيرانه اجل خلاص انتي اعرف الناس بنفسك ليش توضحين وتتعبين نفسك خلاص وضحي باخلاقك الطيبه معهم

واسال الله ان يوفقكك ويسخر لك قلب امك
عليك بالدعاء والاستغفار ولاعاد ترفعين صوتك على امك حبيبتي

__________________________________________________ __________

اصبري عليها يا اختي

__________________________________________________ __________

انا صاحبة المشكله..طبعا مافي ردود الا 2 ومشكورات حبيباتي الله يوفقكن..المهم ي اخوات مهي اول مرة تقولي كذا ومن ورايي تتكلم عني بالشين ويوم اجي تسكت ولا كأنها معصبه مني واذا جلسنا انا وخواتي تحب تقهرني تمدحهم وانا لا ياخي احس عمري كأني ما لي قيمه عندها ولا اسوى شي ف نظرها اهي تتعمد تقهرني ولما اتكلم معها تقول ليش تقطعي سوالفنا قدام خواتي قالت لي انتي غيووورة وحسووده تغاري منهن.. ابوي يقول روحي راضي امك لكن انا ما اقدر.. ليش اهي دايما تغلط علي وتجرحني ليش ما تغير اسلوبها معاي تخيلوا انتوا لو امكم تقولكم حاسدة وغيورة وقدام الكل ؟! شو بيكون موقفكن!!اكيد صعب صعععب

__________________________________________________ __________

الله يعينك اختي انا قريت مشاكل عن امهات مثل عينة امك مالك الا الصبر والصلاة في جوف الليل والدعاء بان الله يسخر قلبها لك ويلينه من قساوته صحيح في امهات قاسيات لبعض عياله ومحد يعرف السبب يمكن تكون عين جت لامك فيك الله اعلم ..ارقي نفسك وكثري من الاستغفار والله يكون في عونك ..

__________________________________________________ __________

معامله امج لج هذا خيييييييييييير من ربي ،،، صدقيني .. احتسبي الاجر بسكووووت ،،، او بقول ان شاء الله