زوجي تغير مجابة

عنوان الموضوع : زوجي تغير مجابة
مقدم من طرف منتديات نساء الجزائر

زوجي تغير



مسا الخير
في شي محيرني مو عرفانة شو ممكن يكون سببو وشو لازم اعمل
انا وزوجي حبينا بعض سنة ونص وتزوجنا من 8 شهور قبل الزواج كان كتير رومانسي وكان يقلي كلام حلو ويهتم فيني بطريقة حلوة بس بعد زواج تغير كتير صار انسان عملي ونادرا مايقلي كلام حلو او يغازلني صار بالعكس بحسو بتجنب انو يدللني
انا طبعا ساكنة مع اهلو لانو ابوه متوفي وهو مسؤول عن امو واختو واخوه
مرة صارت مشكلة بينو وبين اهلو وعرفت انو سببها غيرت اهلو مني (قالتلو امو ليه مابتحكي معنا بطريقة حلوة وكلام حلو متل مابتحكي مع مرتك ) مع العلم انو زوجي ادام اهلو بيحكي معي بطريقة كتير عادية ولا مرة قلي كلمة حلوة وبيحكي معي بنفس الطريقة الي بيحكي معن فيها
مشان هيك انا حاسة انو سبب تغير زوجي هو اهلو مشان مايغارو مني
ماعم اعرف كيف لازم اتصرف حتى ماتأثر غيرت اهلو ع معاملتو الي؟لانو هاد شي كل يوم عم يكبر اكتر
زوجي انسان كويس مابيعمل شي الا انا اكون رضيانة فيه بس بحسو ديما بحاول مايدللني ابدا وانا هادشي متعبني لانو ديما بحسو بتجنب الدلال الي من لما تزوجنا
انا بعرف كتير رجال بصيحو لمرتن حبيبتي ادام اهلو عادي وبدللو نسوانن كمان عادي ليه زوجي غير انا مابدي يدللني ادام حدا بس بدي بيني وبينو يكون الانسان الي عرفتو رومانسي وبيهتم فيني
شو بتنصحوني اعمل ؟لحتى اعرف سبب تغير زوجي بعد الزواج
وكيف فيني خليه يرجع هداك الشب الي كان يهتم فيني ويغازلني
عنجد هالشي متعبني كتير ساعدوني بارائكم ......

>>>>> ردود الأعضـــــــــــــــــــاء على الموضوع <<<<<
==================================

عادي حبيبتي صارحيه بالموضوع
واحكيلو ما بدي تدللني قدام حدا بس على الاقل لما نكون لحالنا بدي تكون نفس الشخص اللي حبيتو زمان
وانتي برضو حاوليه تدلليه وتدلعيه بلكي حركتي مشاعرو تجاهك
وان شاءالله ربنا بيسخرو إلك يا رب

__________________________________________________ __________

رفع

__________________________________________________ __________

الله يفرج همك
لا اله الا انت سبحانك اني كنت من الظالمين

__________________________________________________ __________

عادي اختي كذا اغلب الرجال قبل الزواج يكونوا رومانسيين اكثر لانك بعيده عنه وغير كذا ماعنده مسؤوليات ولا حاجه..
لكن بعد الزواج تبدأالمسؤولية الحقيقية ويتغير روتينه اليومي
وكمان زوجك مسؤول عنك انتي وحماتك وبنتها وولدها يعني لاتلوميه شي يتعب صراحه
الحل انك تهتمي بنفسك وبزوجك اكثر
وكوني متجدده في حياتك لان الرجال طبعه يمل بسرررعه

الله يوفقك

__________________________________________________ __________

ابتعدوا عن بعض كثير عشان ترجعوا مشتاقين فهمتي كيف