حماتي مشكلة حياتي

عنوان الموضوع : حماتي مشكلة حياتي
مقدم من طرف منتديات نساء الجزائر

حماتي مشكلة حياتي



السلام عليكم ورحمة الله وبركاته ..
ما ادري كيف ايدأ موضوعي ..
لآن الكلمات ظلت وجع ينخر بقلبي ..
مشكلتي يمكن سببها الاول والاخير رأي الناس بحياتي ..
أنا متزوجة عن حب
قصة الحب بيني وبين زوجي استمرت 4 سنوات ودرسنا سوا بالجامعة
وتزوجنا والحمد لله لكن مشاكلنا عم تكبر كل يوم بسبب امممم زوجي ..
أنا وزوجي على وجه التخرج ..
وكان اعتراض اهله اننا تزوجنا قبل التخرج ...
لكن هالشي ما أثر علينا .. احوال زوجي مكنتنا اننا نفتح بيت .. واننا ننجب طفلة ..
هيي كل حياتي .. ما عمري زعلت اني ما جبت صبي .. لان بنتي كانت اكبر نعمة بحياتي ..
واهل زوجي ما عندهم بنات واخوان زوجي مو متزوجين مع انهم اكبر منه ومتخرجين
لكن اهلهم كانو السبب بمعاملتهم القاسية معهم هم اثنين .. ما عايشين حياة طبيعية ..
لآن واحدهم جاله مرض عصبي والثاني ما بيعرف يحكي مع الناس حتى لا شغل ولا زواج ولا شي بيقدرو يعملوه ...
انا من اول يوم كنت عم حاول اكسب ود الكل معي ..
من وقت كنت عروسة كنت ادخل ع المطبخ مع حماتي ... واشتغل معها كونها ما عندها بنات ...
وما عم امدح من حالي بس فعلا البيت تغير كتير بوجودي ...
لما حملت .. حماتي انزعجت كتير ... ما بعرف ليش ... بس بطلت تستقبلني بالبيت ..
وصارت تطلع وقت انا اجي ... مع انه مافي حدا تزوره ..بس هيك تمشي برات البيت وترجع لما بروح .. زعلت كتير وخصوصا انو انا واهلي ما متفقين ابدا .. تزوجت بس لآطلع من البيت .. انا قبل الزواج كنت ساكنة مع امي واختي ... بابا بيشتغل بغير مدينة من وقت كنت طفلة ... ما كان عندهم اعتراض ع زواجي .. بالعكس امي كانت معي بس كان اعتراضها اني ما اخترت شخص غني .. زوجي ميسور بس مو غني جدا بحجة انو بكرة بيهرب الحب من الشباك ... كتير كانت امي تقهرني .. بكلماتها بشتايمها بدلالها لاختي .. انا كنت دائما رقم 2 مع اني انا الاكبر ... وما بعرف لقيت حالي عم احمل مسؤولية البيت والعيلة ... لاهرب منها ومن الذل اللي عاملتني فيه ...
رغم اني وقت صرت ام ... صرت اشتقلا اكتر ... بس تركتهن .. لان مافي مرة شفتهم ما حسسوني اني تقيلة ع قلبهم ...
المهم ما ضل عندي الا حماتي وعمي ...
قلت ازمة وبتعدي .. يمكن انا عاملة شي زعلها .. طلبت من زوجي يصالحنا وفعلا ..
بصراحة زوجي كان مافي منو ... ما وقف مع وحدة فينا ضد التانية كان يحسسني اني مهمة عندووو ويحسس امو انها مهمة عنده ... بس كان ميال لالي لان كانت امه قاسية
معه ... مع ذلك كان بار فيها .. ومو منقص شي عليها ..
بعرف عم طول عليكم ..
بس بدي احكي كل جوانب المشكلة ...
مشان ما كون عم خبي شي ...
واحد من المواقف يللي صارت وكانت حماتي قاسية ع زوجي قبل الزواج ...
انه تعرض لحادث وانكسرو رجليه التنين وصار الله يعزكم حتى ع الحمام ما بيقدر يقوم ..
تركوه ع الكنبة ... وما حدا قام فيه ... كنت اجي لعندو لاقيه باسوء حالاتو ..
( كان في زيارات بوقتها كنا مشروع مخطوبين ) هالحكي مو من زمان قبل زواجنا بسنة ونص .. تخيلو كان يشحط حالو ع الارض ليقضي حاجتو .. بصراحة معو حق يزعل من امه ..
طولت بالحكي ولسا ما قلت شو مشكلتي ...
بعرف يمكن تكونو مليتو .. وسكرتو الصفحة ..
لكن انا أملي انكن عم تكملو قراءة .. لان قلبي فحم من البكي ..
المشكلة اني ولدت وجبت بنت ... ورغم اني كنت مفكرة انو بنتي رح تكون حبيبة ستها
كون مافي غيرها بنت بكل العيلة ... واول حفيدة ...
الا انها صارت تظهرلي العكس وقت كون موجودة ... شوفو انا سعيدة انو اول ولد اجاني كان بنت .. شتريتلا احلا تياب واحلا غراض بنوتة .. وكانت ضحكتي اكبر من وشي ع اد مو مبسوطة وزوجي فرحان فيا كتير واخواتو كمان بس قدامي كانت حماتي تعمل حالها زعلانة وانو بدها صبي يشيل اسم العيلة ... ومن ورايي بتقعد هيي وبنتي وبتحكيلها حكاوي عني ... بنتي زغيرة هلآ ما بتفهم ... بس يا خوفي بس تكبر تفكر شي مو منيح عني .... وزوجي ما عاجبو هالوضع ... صارت تخليها تنام عندها .. مع انو بنتي لسا زغيرة وانا حامل هلا ... يعني صحيح بنتي ما بتفهم الحكي هلآ بس تخيلو الموقف انو حاطة بنتي بحضنها وبتقلا كوني متلي وامك مدري شو والله بيحز بقلبي ...
ومن هلا بتقلي بنتك لازمها اخ يحميها ... لازم تجيبي ولد واذا جبتي بنت حاجتك وقتها لا بقا تحملي بجوز زوجك لوحدة بتجيب صبيان ...
والله انا سعيدة بعيلتي .. وبدي كمان بنت لتصير اخت لبنتي ...
شو اعمل كل ما رحت لبيت حمايي بيعملولي قصة مشان الصبي والبنت ..
وتصرفات حماتي معي مع اني مقصرة لساني وكلو تكرمي يا مرة عمي
اجيت فكرت نسافر بس حماتي ما عم تخلي زوجي وحتى تخيلو اخدت جواز سفرو منو ..
وحاجزتنا وهون مالنا مستقبل بدي ساافر بس مااا عم اقدر كل ما جبلا السيرة بتعيط وبتصرخ .. وبتقلو انو رح تجيها الجلطة .. بيراضيها وبيقولي صبري ..
ليش حماتي تتحكم بحياتي مع اني تزوجت لعيش مرتاحة

ااااسفة طولت اااسفة ...
يااارب ينولها الخير واللي بتتمناه اللي بتواسي قلبي
لساتني زغيرة والله عمري 23 سنة .. ما تفكروني اكبر من هيك ...

>>>>> ردود الأعضـــــــــــــــــــاء على الموضوع <<<<<
==================================

مدري وش اقولك : (
لكن الله يعينك وييسرها عليك

__________________________________________________ __________

السلآم عليكم ورحمة الله وبركآته
حبيبتي ، حآولي تتقربي منهآ بآلهدآيآ والكلمة الحلوة ، إن مآنفع معآهآ تجآهليهآ وأتركيهآ
إبنتكِ طفلة إجعليهآ تنآم عندكِ ، إن تحدثت عن الصبي والبنوتة ، قولي لهآ اللي من الله حيآه الله
وإللي كآتبه الله بيجي لآإعترآض ، خذي منهآ زوآج السفر بأسلوب محترم ! ")
الله يهديهآ ويحنن قلبهآ عليكِ ، زوري أهلكِ إرضي أمكِ فهي جنتكِ ونآركِ ، أعطيهآ هدآيآ وبوسيهآ
قولي لهآ مشتآقه لكِ كثير ، حسسيهآ إنكِ بشوفتهآ ملكتي الدنيآ ، وهآذي حقيقة ")
لآإله إلآ أنت سبحآنك إني كنت من الظآلمين
https://said.xplainer.net/images/smi...8-dbttwedi.gif

__________________________________________________ __________

الله المستعان يعني أنتي بتحاولي تتقربي من حماتك وتهملي امك على الأقل تعلمي من زوجك كيف تبري امك. الله يهديك واعلمي ان رضى الله من رضى الوالدين فاذا رضي عنك والديك فانشاء الله تتيسر امورك ."6"] [/SIZE]

__________________________________________________ __________

المشاركة الأصلية كتبت بواسطة LITCHI https://said.xplainer.net/sedty/buttons/viewpost.gif السلآم عليكم ورحمة الله وبركآته حبيبتي ، حآولي تتقربي منهآ بآلهدآيآ والكلمة الحلوة ، إن مآنفع معآهآ تجآهليهآ وأتركيهآ إبنتكِ طفلة إجعليهآ تنآم عندكِ ، إن تحدثت عن الصبي والبنوتة ، قولي لهآ اللي من الله حيآه الله وإللي كآتبه الله بيجي لآإعترآض ، خذي منهآ زوآج السفر بأسلوب محترم ! ") الله يهديهآ ويحنن قلبهآ عليكِ ، زوري أهلكِ إرضي أمكِ فهي جنتكِ ونآركِ ، أعطيهآ هدآيآ وبوسيهآ قولي لهآ مشتآقه لكِ كثير ، حسسيهآ إنكِ بشوفتهآ ملكتي الدنيآ ، وهآذي حقيقة ") لآإله إلآ أنت سبحآنك إني كنت من الظآلمين https://said.xplainer.net/images/smi...8-dbttwedi.gif

https://said.xplainer.net/images/smilies/icon18.gifhttps://said.xplainer.net/images/smilies/icon18.gifhttps://said.xplainer.net/images/smilies/icon18.gifhttps://said.xplainer.net/images/smilies/icon18.gif

__________________________________________________ __________

الله يهونك عليك