السلام عليكم ورحمة الله وبركاته
انا بنت عمري 21 بقولكم قصتي من كان عمري 16
كنت اعرف وحده من صديقاتي تكلم واحد وكانت تسولف لي وقد ايش هي سعيده ويشهد الله اني استنكرت كلامها ونصحتها تبعد عنه بس ماسمعتني
وظلت تسولف لي عنه فتره طويله وبعدين انا اتعلمت ع النت
وسجلت بمنتدى فيه رجال وحريم .. فيه واحد لفت نظري بردوده
والي يقهر اني انا الي رحت راسلته وقلت له احبك https://said.xplainer.net/images/smi...7-vzp7onvp.gif
لاتسألوني ليه انا وقتها حسيت بشعور غريب .. انا من يومي طفله ذقت الحرمان من الحنان .. يعني اهلي يهتمون فيني بالماديات اي شي ابيه يجيبونه لي لكن كنت ابي احد يسمعني اجيهم من المدرسه بسولف يقاطعوني ويسكتوني ويقارنون فيني ووبنات الاقارب وهالشي كان جداً يجرحني لإن دايم يخلونهم احسن مني واختي كانت اشطر مني ويمدحونها وانا كنت اسوي اي شي عشان يعبروني ولا القى اهتمام وخاصة اذا جو عندنا ناس احيان امي تقولهم كل عيوبي كنت اتقطع ولا ابي اسمع هالشي وتصارخ علي قدامهم ولإني مو جميلة زي اخواتي واقاربي كان هالشيء معقدني ولا عندي ثقة بنفسي .. كل هالاشياء مع سوالف صديقتي لي لا شعورياً خلتني ارسل للولد هالكلمه .. هو انصدم لكنه رحب بهالشيء طبعا وانا ماكان عندي خلفيه لتبعات هالموضوع .. بعد فتره طلب يكلمني جوال وتكلمت معه ونسيت نفسي مع العلم اني مابنيت بخيالي اني بتزوجه ! كنت ادري ان كل هالشي نزوه لكن كنت بنسى كل الي يصيرلي .. وادري ان الاسباب الي ذكرتها مو عذر لكن بوقت المراهقه كان بالنسبة لي عذر مقنع
ولما صار عمري 18 تركته وماقدرت اتحمل وضعي بدون مااسولف مع احد كثير خاصة اني كتومه جدا مع الي اعرفهم حتى مع صديقاتي .. رحت تعرفت على غيره وغيره وغيره صار الموضوع عندي بسيط اذا بيتركني او اذا طفشت منه تركته ودورت غيره ! عندي احساس بالذنب وابكي واتركهم فتره وادعي ان ربي يبعدني عنهم لكن عجزت
صار عمري 20 وصرت للاسف شهوانيه قمت ادخل مواقع ومقاطع جنسيه
اتكلم مع شباب كثير بأمور الجنس وصار هو حياتي! اسفه ادري هالشي حقير بس انا من داخل اتعذب ودايم اذكر الايه " ومن أعرض عن ذكري فإن له معيشة ضنكا "
وابكي وانحرق واخاف اموت وهذا حالي تحطمت نفسيا واندب حظي اني احس بإني وحده حقيره بعت ثقة اهلي ثقة نفسي بعت كل شي
نفسي احس بإحساس البنت النظيفه الي مافيه ببالها زي هالذكريات السوداء
والله ويشهد علي ربي اني دايم احذفهم ونيتي اني ماارجع لهم واقول من ترك شيئا لله عوضه الله خيرا منه
بس نفسي الامارة بالسوء والشيطات اعوذ بالله منهم مدري شلون بلحظه ارجع لكل هالاشياء وترجع حالتي اني ابكي وانقهر
حتى اني قمت احاول احب اي واحد يقرب لي
احبه من بعيد لبعيد عشان مااسوي كل هالأشياء بس عجزت ماحبيت احد
وبفترة تركت هالاشياء وقعدت استغفر وادعي ببكاء واصلي بوقته وابر امي وابوي بنية ان ربي يهديني ويزوجني
وسبحان الله بعد فتره انخطبت وكنت متفاجئه لان اول مره انخطب فرحت
وجو اهله شافوني وحبيتهم بس اذا جيت انام تجيني ضيييقه واقعد ابكي واني مابي اتزوج! خاصة ان اختي اكبر مني بكثير وماتزوجت واختي الي بيننا تزوجت ماشاءالله وانا وقتها خفت اتزوج واكسر بقلب اختي الكبيره لان الناس بتتكلم ليه كل الي اصغر منها تزوجوا وهي لا
وقلت لهم الزواج بعد سنه ورفضوا لانهم مستعجلين
انكسر قلبي وانكسرت فرحتي جاني شعور غريب الي ياليتني تزوجته وافتكيت من هالحاله
>>>>> ردود الأعضـــــــــــــــــــاء على الموضوع <<<<<
==================================
حاولي انك تتعرفي على صديقات وتملي وقت فراغك باشياء غير الحرام يعني اطلعي مع صديقاتك أو مع اخواتك وجربي تسجلي بنوادي ترفيهية اتعلم لغات أو أي شي يخليك تشغل حالك عن الحرام والله يهديك ويهدينا
حياك الله حبيبتي
ماقصرت الغلا الي فوقي اعملي بكلامها
اهم شي املي وقت فراغك
واأاااهم سبب لترك هذه الامور الصلاااااااه الصلاااااااه
- هل انتي محافظه عليها بوقتها وتصلينها بخشوع وتدبر وطمانيه!
لان االصلاه تنهى عن الفحشاء والمنكر
- اقري قران وعليك كل ماحنيتي للوضع توضي وصلي ركعتين لانه من الشيطان او اقري قران
- اشغلي وقت فراغك ارسمي العبي رياضه اطبخي شاركي بنوادي خيريه مثل جمعيه انسان نادي تطوعي منها الاجر وانشغال الوقت
- لاتجلسين لحالك ابد ان جتك الحاله اطلعي لاهلك او بالصاله
- اكثري من الاستغفار
- دوري لك صحبه صالحه
- انتي بارداتك تقدرين بس باسبوع تتركينهم
- كل مابغيتي ترفعين السماعه اعلمي انها خيانه اول شي لربي يشوفك وخيانه لاهلك حرام فقوي نفسك وراح تقدرين يقلبي
( تخيلي ان الموضوع رجيم وودك تنحفين مو صح بتوقفين عن اكب الدهون والخ تخيلي انهم كرسترول اودهون وراح جدا باذن الله توقفين )
اخ بس كتبت رد طويل
وطار
شوفي يقلبي اختك رزقها بيجيها لاتقطعين نصيبك ابد انا اختي الصغيره تزوجت قبلي والحمد لله لان انا موقنه انها ارزاق
انتي عليك يالغلا ان تقرين كتب تطوير الذات اقريها
صلحي لك احلى شاهي واطلعي عليها
تقربي صديقات صالحات ابحثي وراح تلقين باذن الله وان تضايقتي
كلميهم هم
وبعدين يالغلا اذا تضايقتي وودك تكلمين الشباب ماراح يزيدونك الا هم ليش ماتكلمين ربك الي قربه راحه !
علطول جتك الحاله اقرب سجاده لو بدون وضوء اسجدي اكسري الشيطان وسوسته لك اسجدي وقولي يارب وكذا ساعدني واشكي له كل الي عندك وراح تلقين ان الي ببالك انسفوا نسف باذن الله
عليك بالسجود لو بدون وضوء (فري الى الله) قولي يارب انا فاره اليك وهاربه اليك فاجرني
ومع قوه ارادتك وبتقدرين باذن الله تتخلصين باسبوع وبتصحكين علة نفسك انه امر بسيط وبتشوفين باذن الله
ولاتخلين الشيطان يوسوس لك ماراح يستجاب لك اذا راسهم ابليس ربي استجاب له وتركه يعيش وخالد ليوم القيامه مايستجاب لك انتي!
قلت لك تخيلي انك بفتره رجيم والشباب كرسترول ودهون ويع ههه
وراح بتعدين واذا جتك الحاله توضي وصلي او علطول اسجدي وباذن الله بتروح
وشوفي الفديو وتوكلي ع الله والله يسهل امرك
واعلمي حاجه مهما كان الظرف الي تمرين فيها وان ماحد يحبك او يقدرك او اي شي (لاتحتقرين نفسك ولا تقللين من احترامك لنفسك لاتكونين انتي ضد نفسك ماحد احترمك احترمي نفسك ماحد حبك حبي تفسك محد مهتم فيك اهتمي بنفسك محد يحيمك احمي نفسك مو تخونين نفسك بنفسك وتقللين من قدرها واحترامها بنفسك انك تلطخينها باي شي يوذيها هل الامر يستحق ذلك حبيبتي! لاوالله)
