يا شهر رمضان,يا كريم ارحمني انا متعلعلةوابي اموت الطبيب يجيب

عنوان الموضوع : يا شهر رمضان,يا كريم ارحمني انا متعلعلةوابي اموت الطبيب يجيب
مقدم من طرف منتديات نساء الجزائر

يا شهر رمضان,يا كريم ارحمني انا متعلعلةوابي اموت



السلام عليكم

جا واحد يخطبني من ابوي قبل 7 اشهر. ابوي رفضة وانا حاولت اقنع ابوي عشان يوافق وصارت مشاكل ومصايب بسسببي , ابوي كان رافض ابد مو موافق بعد فترة الشاب رجع كلم اهلي وقالهم اطلبوا اي شي تبون مني . اسألو عني .. اهلي سالو علية ابوي وافق بس يعني مو من كل قلبة . انا بصراحة اعرف الشاب , قالت له ابوي وافق يلا تعال , قال مااكدر عندي ضروف..اهلي كلموه قالوا له تعال يلا احنا ناطريك .. قالهم احتاج وقت اتحضر واجي اخطبها قالوا اوكي.. جا قالي انا مااكدر ازوجك بعدين يمكن اني عندي ضروف قلتلة شنو الضروف قال اهلي مو موافقين قلتلة ليه خليتني اقننع ابوي كان المفرروض من البداية تخبرني قال ماادري اهلي بالبداية كانوا موافقين بس الحين رافضين. قلتلة بس ابوي متحضر وطوال الوقت يقولي انتي راح تزوجين ما بقالك شي وابوي خبر كل الناس الكل يعرف انا انخطبت الك قال شو ليه ابوكي عمل كدا قلتلة ليه احنا نلعب؟ قال لا بس ماادري اني عندي ضروف. قلتلة اوكي شنو تبي ؟ قال مافي زواج قلتلة واهلي والناس شو نقول لهم ؟ وابوي الي قنعتة بعد ما طلعت روحي. قال ماادري .. قلت اوكي اني مايهمني اذا تزوجت او لا بس انا مستحية من الناس وهلي ... انت ماتخاف من الله وهذا ابوي قاعد يحسب متى يخلص رمضان وانخطب ! قال اريد اتصل فيهم بكرة وا اعتذر !

يا بنات قولوا حطوا نفسكم مكاني.. اني بحال لا يعلم فيه الا الله .. اتمني اموت واخلص من هذي المصيبة ..
احنا بشهر رمضان واني صايمة ودموعي تجري ليل ونهار وراسي بينفجر .. وابوي يجيب سيرتوا ليل ونهار وانا مثل بالعة الموس مااقدر اقول اي شي .. امي تدعي اختي انا بس مافي فرج .. اريد بس ارتاح افتك من هذي الورطة يا ناس وينكم عني ساعدوني الله يساعدكم

>>>>> ردود الأعضـــــــــــــــــــاء على الموضوع <<<<<
==================================

حبييبتي الله يعينج ان شاءالله يارب العالمين ويسهل امرك يارب

روحي عند ابوج واحجي له بكل صدق مافيها شيء ,,
روحي عند ابوك وايلسي وياه وتحجي معاه بكل صدق ,, براحه وبهدء
ابكي اول شيء وسوي فيها ان قلبج معورج ,,
ابكي وابكي اول شيء وجدامه وبقولج وش فيج ؟ "" ذا ابوج الي بسألج ""
بعدين احكي له ان الي يبي يتقدم لك صار عنده ظرف ومب جاهز حاليآ للزواج وانتي خايفه عليه يعني علي ابوج
انه ينصدم ويزعل ,, قولين له ابوي كل شيء وقسمه ونصيب وانا راضيه
اهم شيء انت لا تزعل ,, واستعدي لاي رده فعل تصير منه
وتأكدي مهما كانت رده الفعل قويه وعنيفه ما زعل الا عليك ,,
لازم تواجهي وتستجمعي قواج وتروحي ,
وصدقيييني انتي ربي يحبج والا ما كان وضح لك نواياه
غيرك صارت معهم مواقف اخس
الاخس تدرين شنو ؟!
انج تتزوجينه ويطلع مب مسؤول وراعي خرابيط لا قدر الله ! احمدي الله انه كشفه لك في الوقت المناسب !!!
الله يوفقج ويرزقج الزوج الطيب الصالح عاجلآ غير اجل يارب العالميييين ويتيي هني وتفرحينا
لا تخسري عمرج عشان زواج وانسان ما يستاهل تراب الارض الي تدوسين عليها
عيشي حياتك والعمر قدامج وان شاءالله الخير من نصيييبج بأذن الله
موفقه حبيبتي وصدقييييني لا تشيلي هم !!!!
الله يوفقج يارب ويريح قلبج وبالج ان شاءالله ,,,

__________________________________________________ __________

الله يفرج همك ويرزقك بزوج احسن منه

__________________________________________________ __________

شوفي حبيبتي أنا اتوقع أبوك قابل الشاب واقنعه انه يغير رايه وانه ما راح يصير زواج ابدا وقاله لا تسوي مشكله بيني وبين بنتي واعتقد الشاب الي خطبك مرتين ما يبي يقولك ان ابوك رفض عشان ما تكبر المشكله بينك وبين ابوك وتظاهر ابوك بالموافقه ورفضه في السابق دليل على ان هناك شخص في بال ابوك ناوي يزوجك له

استحلفيه بالله العظيم هل اهله رافضين ام لا

__________________________________________________ __________

لو فيها خير كان صار من نصيبج

قال تعالى {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}

والدنيا ماتنتهي
يعني في بنات تصير لهم هالحركه يكونون مخطوبين لسنوات وبعدين ينفصلون
وبعدين الحمدلله ينخطبون

والله يعوضج بالي احسن من

__________________________________________________ __________

المفروض ماتتعلقين فيه وتخافين ترتبطين فيه

هو الحين تركك علشان اهله

يعني يمكن يطلقك لو تزوجك علشان اهله