المطلقات الي اطفالهم يروحو زياره لبوهم انقذوني بجن -لصحتك

عنوان الموضوع : المطلقات الي اطفالهم يروحو زياره لبوهم انقذوني بجن -لصحتك
مقدم من طرف منتديات نساء الجزائر

المطلقات الي اطفالهم يروحو زياره لبوهم انقذوني بجن



السلام عليكم
يااداره يامشرفين نزلو موضوعي نخيتكم طلبتكم باسرع وقت والله اني ببكي دم محد يدري عني ياامهات الي متطلقات وعندكم اطفال وياخذونهم ابوانهم تعالو ساعدوني انقذوني راح انتحر معد فيني يااوادم انا مطلقه وعندي بنتي عمرها 4 سنين تخيلو يوم اتطلقت وبنيتي عمرها 8 شهور وابوها ماشافاها ولايدري عنها حسبي الله عليه حتى المصروف شهر يعطيها وشهور ينساها وساكته ومخليته لكن من اربع شهور تقريبا جاء عند الباب وقال ابي اشوف بنتي وبنيتي يابعد عيني ماتعرفه ولاتبيه وخذها على اساس يوديها بقاله وخذها ومعد جابها ومرت يوم ويومين وراح اخوي دق عليه وقام يهايط على اخوي وقال ان امها تزوجت وباخذ بنتي وانا يشهد علي الله لاتزوجت ولافكرت اتزوج بس يدور علل وحجج ورحنا للمحاكم وطالت الدعوه وبنتي بعيده عن حضني 15 يوم ماشفتها ولاادري عن ضناي والله لاانام ولااكل ولامرتاحه ودمعتي على خدي وبعدها حدد ياره الشيخ انه ياخذها كل اسبوع يكون يوم الجمعه الظهر ويرجعها السبت الظهر واتفقنا على كذا وطلع لنا بعلم جديد قام يعدي اسبوعين وثلاثه وشهر ويجي ياخذها بالايام ويعوض الايام اللي ماجاء ياخذها فيها ووين يوديها عند شغالة زوجته مو قهر ياخذ بنيتي من حضني ويخلي شغاله تناظرها مو قهر؟؟؟؟؟ واخوي ااااه من اخوي يبيني اسكت واتحمل ومايبيني اقوله ناقشه وكلمه يجيب بنتي اذاقلتله كلمه يقعد يدعي علي يقول بكيفه متى مابغى يجيبه ومن حوالي ثلاث اسابيع خذها وخلاها 9 ايام بغيت انجن والله صال علي قولوني وذبحتني جرثومة المعده نفسيتي دمااااار دمار ياناس وضنى قلبي قسم بالله انها تبكي ماتبيه والله بنيتي نحفت وتنرحم ونفسيتها تعبانه محد انصفلي اكتبلكم وانا ابكي حسبي الله ونعم الوكيل بيوم هالجمعه يارب ارحمني وارحم حال بنيتي واليوم بياخذها وهو ماخذها من اسابيع يعني بيخليها ايام واسابيع شلون بنام وبنيتي مو جنبي حسبي الله على اللي حرني ارجوكم وش اسوي وين اروح ابي احد ينصفني من هالضيم وخايفه عليها من الفايروسات بسم الله عليها لانهم مايهتمون من تعرف محامي او احد له مكانه يفكني ويحدد لها زياره ردو لاتتركوني بحرقتي ردووووو ارجوكم وانا عندي عضويه بهالمنتدى يعني اذا بترسلون لي رقم محامي على الخاص بلغوني الله يخليكم

>>>>> ردود الأعضـــــــــــــــــــاء على الموضوع <<<<<
==================================

الله يفرج همك حبيبتي اكثري من الاستغفار

رفع

__________________________________________________ __________

ما فيه أحد بيرسل لك رقم محامي عالخاص لأنك قد تتعرضين لعملية نصب لا علاقة للمنتدى بها

لو تريدين محامي أذهبي لمكاتب المحاماة المعروفة

وفي النهاية هذا أبو البنت لازم تحببينها في أبوها وأن هذا أبوها ويحبها ومن هالكلام ولا تخاف منه

لأن مهما كان أكيد الأب يحب بنته مثل ما تحبينها ومن حقه يأخذها للأبد لو تزوجتي أو كبرت

وإذا بينكم مشاكل لا تدخلين البنت في المشكلة

خليها تعيش وتكبر وهي تقول للبنات أبوي عنده بيت وأبوي يوديني السوق وأبوي يحبني لا تخلينها تقول أنا بدون أبو

من حقها تعيش مع أبوها مثل ما لأمها حق

وأنا عارف إنك محتاجة لطفلك ولكن أبوها كذلك يحبها مثلك

__________________________________________________ __________

طيب واجهيه قولي له انه بنتك ما تبيه ليه يأخذها

طيب يا قلبي اذ يبي بنته وانتي تبينها ليه ما ترجعون لبعضض احسن حل صدقيني

__________________________________________________ __________

الله يفرج همك ياقلبي وربي حزنت على حالك حبيبتي
استغفري ربك دائما بنيه ربي يخلصك من هالسالفه

__________________________________________________ __________

الله يفرج همك