اقروا قصتي وساعدوني الله يخليكم انا ضعت الطبيب يجيب

عنوان الموضوع : اقروا قصتي وساعدوني الله يخليكم انا ضعت الطبيب يجيب
مقدم من طرف منتديات نساء الجزائر

اقروا قصتي وساعدوني الله يخليكم انا ضعت



السلام عليكم
يا أخوات اسمعوني بقلب حنون وناصح قصتي طويلة وأمكن تكون مملة تحملوني
انا تعبت ومدري ايش اسوي
بداية قصتي لما كنت صغيرة بسادس ابتدائي خطبني واحد من قرايبي يعني مثل الحجر الي فلان لفلانه .. المهم وصلت لين ثاني ثانوي وتكلموا بالموضوع جد بس اهلي رفضوه لأسباب هم مقتنعين فيها واقنعوني وانا وقتها كنت عادي
المهم انفسخت الخطبة ومر الموضوع عادي وبعد كم سنة سمعت انه راح يتزوج هذي كانت اول صدمة في حياتي صار فيني شي انا نفسي انصدمت ليش سويت كذا
اول ماعرفت الخبر انهرت انهيار مو طبيعي قدام اهلي والله انا مدري كيف صار فيني كذا مع انه طول فترة الخطبة ماصار بيننا لا اتصالات ولا اي شي مع انه يحاول كثير بس انا كنت ارفض بس كنت أفكر فيه دايم وهو بمدينة غير عن مدينتنا
المهم مرت ايام الله يعلم كيف كانت كرهت كل شي وتحطمت من كل شي كرهت العالم ذيك الفترة كنت جدا حزينة ومتألمة ومكتئبة
و بعد كم شهر من زواجه جتني رسالة على ايميلي منه يقول انا دريت باللي صار معك لما عرفتي خبر زواجي يقول انا انصدمت انك تفكرين فيني وانا احبك وشاريك بس انتي الي رفضتيني وانا الى اليوم اتمناك وكلام كثير عن مكانتي عنده المهم طلب مني انه يكلمني ويفهم الموضوع وانا رفضت مرة بس جلس يضغط علي لين وافقت قال بس بقولك اشياء انتي ماتعرفينها
وصار بيننا اول مكالمة من عرفته وبدون علم اهلي وأهله ولا اي احد وجلس يتكلم عني يقول انتي لو تعرفين مكانتك عندي ماكان رفضتيني وانتي الانسانة الوحيدة الي حبيتها وزي ذا الكلام انا وقتها بس كنت مستمعة كنت خايفة مرة وقلت له خلاص انساني والله يوفقك وكذا قال انا ماراح أنساك وانتي لي
المهم قلت له خلاص لاعاد تراسلني ولا تتصل وقال بسوي كل الي يريحك
طبعا هو بعدها حاول يتصل علي من ارقام غريبة بس انا ماكنت أرد عرفت انه هو
المهم انا من بعدها ضيعت عمري أفكر فيه ليل ونهار احاول اتجاهل واطنش بس يجي التفكير غصبا عني كرهت الحالة الي انا فيها خلاص أبغى أنساه والحمدلله انا محافظة ع الوتر ودايم ادعي ربي ينسيني إياه
الحمدلله الكل يعرف عني اني عاقلة وماعندي حركات الحب والخرابيط هذي بس تعلقت من غير ماحس بس بقيت على نفس حالتي
وحملت زوجته وولدت ونفس الانهيار والمواجع بس هالمرة اهلي ماحسوا فيني حتى صورة الطفل مقدر أشوفها وأهلي يحسبون الموضوع ماصار يهمني
تقدم لي شخص ترددت بالبداية بس بعدها وافقت عشان أبغى أنساه واعيش حياتي بدون هم
وتزوجت وقلت في نفسي لازم اخلص كل شي لزوجي وأحاول قد ماقدر اني أبعده من تفكيري
بس كانت الصدمة ان زوجي طايح فيني ضرب وإهانة وذل لدرجة مرة ضربني قدام اهله يقولون عنده مرض نفسي مدري ايش سالفته يضربني لأسباب اقل من تافهه
ضرب مبرح وأهلي قالوا زوجك تحمليه
وغير كذا بأول شهرين زواج اكتشفت انه يكلم وحدة وبعدها عرفت كثير غيرها وكل مرة يعتذر
كرهت حياتي زيادة وأحس اني عميتها بدال مااكحلها
احس اني ذبلت ماحس بطعم الحياة ماحس بالسعادة ورجعلي الماضي وصرت أفكر فيه اكثر من اول وبلحظة ضعف وشيطان فكرت اني ارسل رسالة لخطيبي الاول كنت اقول هو الوحيد الي يحسسني بالأمان والراحة ترددت كثير خصوصا بعد مرور السنين وماعرف انا ايش بالنسبة له انا عمري الحين 24
المهم فعلا ارسلت له رسالة بلحظة ضعف وعلى طول لقيت رد منه وصار بيننا اتصال وشفت لهفته علي من صوته وجلست أكلمه أسبوعين تقريبا حكيت له عن الي صار معاي وقال راح أتدخل بالموضوع واوقفه عند حده بس انا طبعا رفضت عشان انا الي راح اروح فيها
بالفترة الي كنت أكلمه عشت احلى ايام عمري حسيت بالأمان والراحة والفرح والسعادة وكل شي حلو
وادري الي سويته غلط وحرام وخيانة وربي مايرضى بهالشي عشان كذا تركته وهو قال انا بسوي كل الي يريحك
انا نفسي أنساه وينقتل الإحساس الي احسه تجاهه نفسي اعيش حياة براحة بال
والله اني سويت شي غلط والحمدلله اقرأ قران كل يوم وماافوت صلاة الليل وادعي فيها ولا اسمع اغاني ومازال نفس الإحساس ونفس الوجع
آخر مرة جاه مولود ثاني يابنات اول ماعرفت دموعي تطلع من نفسها احاول ادخلها مقدر احس موجووعة أبغى أنام ماني قادرة مخدتي كلها دموووع واجلس استغفر وترجع الحالة الي انا فيها
نفسي اروح لدكتور نفسي او اي مكان بس وضعي الاجتماعي مايسمح
انا من جد نفسي أنساه وأقتل الإحساس الي فيني بس ماعرفت كيف
خصوصا انه قريبي وأخبارهم توصلنا ودايم يجون مدينتنا ونشوفهم

نفسي أكون انسانة صالحة ماعندي هالتعلق والخرابيط هذي،،
ساعدوني بنات انا جدا مخنووقة وموجوعة ايش تنصحوني اسوي أبغى أغير نفسي
وياليت ترودن بأسلوب كويس يعني مو تجي وحدة تقول اتقي الله وو غيره
انا اعرف ربي بس لحظة ضعف وشيطان وندمت
أرشدوني ماعندي احد اشكي له غيركم بعد ربي
في شي نسيت اقوله لكم قبل زواجه بفترة كانت تجيني رسايل على جوالي من رقمه كلها سب فيني وبشرفي والله كلام ما ينقال وهذي كانت اول هزة تجيني قبل خبر زواجه ماصدقت انه كذا يتكلم فيني والكل يعرف انه يحبني مو بس اهلي وأهله حتى الناس يعرفون انه متعلق فيني ولما كلمني اول مرة قلت له على الرسايل الي جتني انصدم وحلف ودعى على نفسه اذا كان هو الي ارسلها وقال ماعرف عن ذا الموضوع الا منك
وقال هذي اكيد زوجتي لآني كنت اروح لها قبل الزواج وحكيت لها عنك وكان مسميني بجواله كل الحب فقال هي تبغى تبعدك عني بأي طريقة
طبعا كل هالكلام لا اهلي ولا اهله يعرفون فيه وانه ماضي وانتهى وما يعرفون انهم علقونا ببعض من دون مانحس
سامحوني على طول كلامي وأتمنى ينزل موضوعي لآني من جد محتاجة مساعدة وأخاف أضيع اكثر من كذا

>>>>> ردود الأعضـــــــــــــــــــاء على الموضوع <<<<<
==================================

خلاص تزوج حببتي
شو بدك فينه؟
عيشي حياتك
وخلّي ربنا يسيّر امورك

اهتمي فشي غير كذا

الله يسغعِدكــ

__________________________________________________ __________

حبيبتي صعب تنسي لانو حبيبك الاول حاولي تخليها ذكرى حلوى وتاقلمي مع الواقع وصدقيني ازا ماعدتي تفكري بالموضوع رح تلتهي بزوجك حتى لو اسلوبو صعب بس حاولي تلاقيلو طريق توصلي لقلبو وتنسي كل البنات اهتمي بحاللك واهتمي في عطي شوية حنان وادعي لحبيبك السابق بالسعادة وامسحي رقمو وحاولي تتحاشي وتبعدي عن كل شي بخصو كل واحد منكون اخد نصيبوا ارضي بنصيبك والله يوفقك

__________________________________________________ __________

اهلًا وسهلا حبيبتي هنا بين إخوانك
ف البدايه اذكري الله وصلي ع الحبيب المصطفى ( اللهم صَلِّ وسلم علئ نبينا محمد )

أختي الغالية :

حبيبك الأول اعتبريه مااضي وانتهئ وحب ومات ولا شك ان الذكريات مؤلمه ولكن
لماذا نرهق أنفسنا ع ماضي لن يعود وان عاد لن يكون كما ماكان !
ولماذا ي غاليتي نجلب لأنفسنا التعاسه والكدر بتفكيرنا بالماضي! !

ولا تعتقدين ي غاليتي ان م يحدث ف المسلسلات الهابطة ان كنتي تتابعيها وان شاءالله انك لم تكوني من أهلها ولكن مجرد تمثال لاتعقدين ان م يحدث ف المسلسلات من حب ويستمر الحب لسنين وووالخ وربما تهدمين بيتك بيدك وفي بالك ان الحب الاول سيرجع لك
أجعليني اختي الحبيبه اسرد لك قصه حقيقيه وواقعيه قريبه من قبيلتنا
وهي ان فتاه عشقت ابن عمها وطلبها ولكن رفض ابيها وزوجها من رجلا غني وتزوجته غصبا عنها ولكن مازالت الذكريات الشيطانية توسوس ف قلبها لحد م تركت بيتها وتطلقت علما ان ابن عمها قد تزوج ولكن عندما علم بطلاقها وتعلقها به تزوجها وكانت هي الزوجة الثانية له ولكن الزبدة أين سكنها ؟ وهل طلق زوجته الأولى من اجلها ؟
لن أتكلم عن التفاصيل ولكن باختصااار ما طلق زوجته الأولى وهذا يدل ع انه لن يبيع زوجته الأولى ام عياله والسؤال هل ممكن ترضين تتطلقين ونفترض لو تزوجك سوف تشترطين عليه بطلاقهما وتأثمين؟ ام تتزوجين وتضلين الزوجة الثانية ؟
وانتي تعرفين غيره النساء وكيدهن!!!
او ترضين تطلقين ولا تعلمين من قد سيأتيك ربما يأتيك رجلا أبغض من زوجك إضعافا مضاعفه او تجلسين فبيت اهلك مطلقه وللأسف للأسف للأسف أنا أشوف ف مجتمعنا
البنت اذا تأخرت بزواجها أهلها ماعاد يعطونها اهتمام فما بالك بالمطلقه والله أني شفت بنات من جماعتنا مطلقات كثير واحزززن عليهم كثيييير صدقيني وخذيها نصيحه مني البنت اذا تزوجت وزوجها ماكان محشش ولا تاجر حبوب ولا داشر درجة أولى
تحمد ربها وتصبر وتصبر وتصبر ع زوجها انه اقل خطوره واخفض درجه
وعلي بركعتين الليل واقرئي سورة البقرة فيها وبخشوع وطمائنينه وأدعي الله واكثري من الاستغفار وحافظي ع صلواتك وتدبير القران يوميا وأحذري ثم أحذري ثم احذري من ساعات الشيطاان وابتعدي عن الافكار والذكريات المؤلمة التي لن تسبب لك الا الطريق المنحرف فأحذري من الانحراااااف ولا تكررين الاتصال او الرسائل بحبيبك الاول مهما واجهتي من ضغوطات نفسيه او جسدية او حتى ماليه انتبهي من خطوات الشيطان واحذري وتذكري : ( ان الله يمهل ولا يهمل)
وإذا ضاقت بك الدنيا قومي توضي وصلي ركعتان وأدعي الله وأبكي واستغفري وستجدين السعااااااااده الحقيقية ولن يعلم بحزنك وبكائك الا الله وحده لاشريك له

وأخيرا
لاتنسيني من دعائك

رب لا تذرني فردا وانت خير الوارثين
سبحانك اللهم وبحمدك اشهد ان لا اله الا انت أستغفرك وأتوب إليك

__________________________________________________ __________

انا مع راءيي الاخت اللي قبلي
وفقك الله

__________________________________________________ __________

الباب الذي ياتيك منه الريح سده واستريح
اسمعيني شريحتك قصيها وبدون مجادله وجوالك لاتكلمين منه لمده شهر وان امكن لا تتكلمين من الجوال اتكلمي من تلفون البيت بس
صح الي اسويه ماراح تقدري عليه اول اسبوعين بس استحملي لاتقولي راح تقفلي الجوال لازم تقصي شريحتك واول شهر لا تتكلمي بالجوال(بعني طلعي شريحه باسم اي بنغالي او هندي هه) بعد الشهر يسمحلك ان تتكلمي من التلفون وبعد اسبوعين يسمحلك بالجوال بس انتبهي لا يصل رقمك له

ادري كلامي ملخبط بس الخلاصه استنبطيها بالتوفيق♥