لعل في الامر خيره -لصحتك

عنوان الموضوع : لعل في الامر خيره -لصحتك
مقدم من طرف منتديات نساء الجزائر

لعل في الامر خيره



السلام عليكم بحكيلكم قصتي من باب الفضفضه وابغى منكم بال وسيع لاني باسرد التفاصيل وقصتي طويله شوي
قصتي مع زوجي عشت معاه عالحلوه والمره كانت ماديته ضعيفه وانا من باب التقدير والتعاون وافقت على سكنا مع اهله في غرفه وحده موجناح حملت من اول شهرين وكنت ادرس ولاقدر ضروف حملي اكرف ببيت اهله ليل مع نهار وتالي الليل اطيح تعبانه ومنهده ويجي زوجي يكمل الناقص يبغى حقه وانا حامل ودوام الصباح وتعبانه من الكرف وكنت اجاريه بطلباته الغريبه اللي يسمع عنها من الشباب ويجي يطبقها علي واذا تكلمت او تعذرت بتعبي قلب الدنيا على راسي وطلعني انسانه مقصره وتافهه وبزر على كلامه
صبرت سنين كل هذا ماشفع لي عنده بعد خمس سنوات من زواجنا قرر يتزوج وخطب من قرايبهم بنت اصغر مني والمصيبه وافقوا وهم عارفين انه متزوج والبنت وامها يعرفوني شخصيا وتقابلنا كم مره بالاعياد
لما صارحني بخطبته من ثانيه عشت لحظظات مايعلم فيها الارب العالمين جاني خفقان بالقلب من الصدمه والهم ما تخيلت يخون العشره ويجحد وقفتي وياه طول هالسنين ويبيعني بالساهلhttps://said.xplainer.net/images/smi...7-vzp7onvp.gif
طحت مغمى علي وصحاني وقام يسمي علي ولما هديت شوي حلفني اني اوافق وقالي بصراحه اني ماقصرت معاه ابد ولايمكن ينكر هالشي واني بظل الغاليه ومن هالحكي البايخ
وجلس معاي ساعتين يزن فوق راسي
حسيت هالحظه اني انخدعت باغلى انسان وعافته نفسي لانه هو بيتزوج بموافقتي او بدونها وقلت له موااااااااااافقه بس
بثلاث شروط عالاقل استرجع جزء من كرامتي
اتوظف لانه كان رافض الوظيفه
واسكن ببيت مستقل لاني عايشه مع حمولتي كل هالسنين
والشرط الاهم ان ينسى اني زوجته ماله اي حق يطلبني لفراشه بعد ماتزوج علي
طبعا وافق على شروطي وكان طاير من الفرح اني وافقت بسهوله
تزوج وعشت ايام مهمووومه وتعيسه كيف اواجه الناس ايش اقوول لهم اهلي صديقاتي قرايبي اكيد بيقولون مقصره معاه عشان كذا تزوج
رجع من شهر العسل وجاء لبيت اهله والمفروض بهاليوم ياخذنا انا واطفالي عالشقه الجديده وفعلا خذانا عالشقه وطول الوقت يحاول يمزح ويلطف الجو بس للاسف الجرح عميييق
وبالليل راح لعروسه الجديده وانا انشغلت ارتب عفشي واشتغل ببيتي الجديد
وبعد يومين جاء يسلم على اطفاله وقال انه بينام عندي الليله وانه بيعدل بيننا بالمبيت طبعا ذكرته بشرطي قال ادري
نمت مع الاولاد وتركت له غرفة النوم وعلى هالحال لمدة ست أ شهر او اكثر
خلال هالمده كنت ادور لي وظيفه والحمدلله تسهلت اموري وكان ضايق اني توظفت بس مابيده حيله
وتعودت على نمط حياتي الجديد وبسراحه كنت مبسوطه حصلت على استقلاليه وراحه نفسيه حتى اني نسيت سالفة زواجه علي وتحسنت نفسيتي كثير وحمدت ربي لعل زواجه علي كان خيره
بعد الست شهور كنا طالعين مطعم وقالي ان زوجته ماحملت وانه يبي عيال قلت وش المطلوب قال شرطك تنازلي عنه لانه مايرضي الله ولا رسوله قلت معصيhttps://said.xplainer.net/images/smi...7-ehrx1i9o.gif لو تحب الارض ماتلمسني.. مدري كيف تجرأت لاني بالعاده خجوله واخاف من شخصية زوجي عصبي
زوجي انصدم من ردة فعلي وكالمتوقع عصصصب مررره وقام يضرب الطاوله ويقول تخسين تمنعيني وانا ابو فلان وطلعني من المطعم
صار يهاوش ويصارخ بالسياره وانا ساكته وخايفه منه ورجعني للبيت ورااح
بالليل رجع ودخل علي بالصاله انا والعيال نتعشى وقال بدون شوشره وبكل هداوه خلصي عشا ونومي العيال تعالي الغرفه قلت موبهالسهوله يابو فلان تبعني وتشتريني انا مو رخيصه لهالدرجه عصصب ووجهه حمر وطلع من البيت وماجاء لمدة اسبوع
وكان يتطمن علينا عن طريق امه واخواته كنت ازورهم لاني ساكنه قريب منهم بنفس الشارع
بعدة باسبوع اتصل علي عمي ابو زوجي سلم وبعدين قال مايصير اللي تسوينه بزوجك ومن هالكلام صار زوجي فاضح اسرارنا عند ابوه عصبني بسراحه
جانا زوجي وجايب معاه هديه ذهب لي يبغاني ارضى عاد انا ماصدقت خبر خذت الذهب وقلت مع السلامه هههههه ونمت مع عيالي
المهم بعد فتره من الشد والجذب اجبرني اني انام معاه بالقوه رغم انه جرحني جرح لايمكن انساه ولا اسامحه بس صرت اقوم بحقوقه عشان ربي والا انا عافته نفسي ولاحظت لهفته علي اكثر من قبل زواجه بالثانيه زي ماقالوا كل ممنوع مرغوب
حملت بطفلي الثالث وجبته وانا مكسووورة الخاطر وزوجي يحاول يغطي على خطاه
بعد سنه جلس زوجي يبكي ويقول انه ندمان انه تزوج علي وانه يتمنى ترجع ايامنا زي اول ويلومني اني ماكنت البس له واتدلع وهالشي كان بسبب اني ساكنه ببيت حموله مع اخوانه واخواته مالي حريه باللبس حتى استحي اذا ناداني بالدلع
وقالي انه طلق زوجته الله يستر عليها يارب ويوفقها مع اللي احسن منه ماكان ودي انه يتزوج ويطلق ويلعب ببنات الناس بس الشكوى لله\
والان وضعي زي ماهو صرت البس واخذ راحتى ببيتي مولزوجي لنفسي اما زوجي صار اخر اولوياتي بينما صرت انا المهمه له ويدور رضاي
قلت لكم قصتي عشان اي وحده تزوج عليها زوجها لاتكتئب وتحزن بالعكس لعل في الامر خيره وهذي كل قصتي دعواتكم ربي يصلح عيالي

>>>>> ردود الأعضـــــــــــــــــــاء على الموضوع <<<<<
==================================

بصراحه قصتج جذبتني كثير
وظنيت في النهايه ان في مشكله
بس تطمنت يوم قلتي ان رجع لج

وبالذات ان عندكم أطفال

سبحان الله الأطفال هم السبب خلاه هالشي يتذكر أيامه الي قبل وهو معاج يوم رجعتوا لبعض


الله يوفقج حبيبتي

__________________________________________________ __________

جميلة القصة وفيها عبرة
وحبيت قوتك واستقلالك بحياتك وشخصيتك وعدم اعتمادك عليه
ماشاء الله
الله يهنيكم ويهدي لك عيالك




سبحان الله وبحمده سبحان الله العظيم
استغفر الله ربي واتوب اليه

__________________________________________________ __________

عجبتني شخصيتك قصتك مره روعه

__________________________________________________ __________

ماشاءالله تبارك الله
قصتك روووووعه ومفيده والله
الله يسعدكم ويريح بالكم
والله يهدي أطفالك ويصلحهم يارب

__________________________________________________ __________

الله يسعدكم ويريح بالكم
والله يهدي أطفالك ويصلحهم يارب