استخدمت ادوية نفسية هل لي امل بالزواج ؟ الطبيب يجيب

عنوان الموضوع : استخدمت ادوية نفسية هل لي امل بالزواج ؟ الطبيب يجيب
مقدم من طرف منتديات نساء الجزائر

استخدمت ادوية نفسية هل لي امل بالزواج ؟



السلام عليكم ورحمة الله وبركاته

اخواتي

مشكلتي ان متضايقة ومو قادرة احكي لاحد اي شي

انا بنت عمري 21 سنة
قبل سنتين يعني كان عمري 19 سنة كنت خلصت السنة التحضيرية

وجاتني حالة اكتئاب او هذا تشخيصهم المبداي
والتشخيص الاخير انه اضطراب عاطفي ثنائي القطب

بقول لكم ايش اللي احسه كان السبب بعد ارادة الله
السبب الاول
لي اخت اكبر مني ب 6 سنين وكانت تضايقني لانها تعسل قدامي وما كنت امنعها وكانت تخرجني معاها عشان يعني ما يجي بابا او اخواني معاها عشان تعسل وهيا عندها الربو

ولمن سافرنا دبي قبل ما اخلص السنة التحضيرية كنا انا وهي بغرفة بالفندق و الباقين بغرفة تانية بعيدة عننا
فطلعت بالليل بعد ما تاكدت ان اهلي ناموا للبار اللي بالفندق وانا مارحت لاني نعسانة
ولمن رجعت صحيت فقالت وهي فرحانة شربت ويسكي وانا مرة كرهتها و كان نفسي اضربها وحسيت بالذنب اني ساكتة عليها

والسبب الثاني امي
بالفترة اللي قبل ما امرض امي كانت تكلم رجال وترسل صورها وكانها مراهقة وهي متزوجة
انا عرفت من اختي الصغيرة كانت تقولي ماما تكلم الرجال وتقول له احبك وترسل صورها
وكل مرة تقول لي انحرق من داخلي بس اقول خلاص بتبطل

الى ان وصل لمرحلة اختي قالت لي انها تبغا تقابل الرجال هنا انا خلاص ما تحملت
ويومها رجعت البيت متاخر من النادي وكنت احسبها طلعت معاه فنزلت لها وانا مرة معصبة وسالتها وين كنتي للان قالت بالنادي وانا مو متحملها
وحطيت عصبيتي بسديهات الاغاني وكسرتها وقامت تزعق وتقول ليش كسرتيها

لين شفت بوجهها وجه جني يخوف كانه زرافة فبعدت عنها مرة وصرت اقرا اية الكرسي الاولى والثانية وكل ما اقرا اشوف اللي بوجهها يصرخ وكانه يقرب مني فصرت اقرا وانا مغمضة عيني بيدي عشان ما اخاف واستمر اقرا وصرت ابكي من الخوف والمنظر

وجلست على هذا الوضع ساعات ابكي و مغطية وجهي


بعدين وانا بالمستشفى سالتني الدكتورة ليش سويتي كدا قلت لها شفت وجه جني على وجه ماما

وماما كانت جالسة معانا وعصبت وما قلت اي شي ثاني عن امي او اختي

والدكتورة وقفت الادوية النفسية بعد سنة ونص بس خلتني استمر على دواء يثبت الحالة انها ما تنتكس

تشوفوا اقول للدكتورة كل شي يمكن ما فيني شي بس كانت صدمة ؟!
اخاف لو قلت لها بتقول ليه ما اتكلمتي من اول وترجع تكتب لي ادوية

احس مالي نصيب بالزواج محد يتزوج وحدة تعالجت بادوية نفسية
طيب نفسي اشارك شخص حياتي و يهتم لي وافتح قلبي له
احس اني بعيش لحالي والبنات اللي ماشاء الله مخطوبين و منتزوجين
واللي اعوذ بالله عندهم بوي فرند
انا ما ابغى اكلم واحد ما يجوز اكلمه



انا اسفة طولت مررررة عليكم وكلامي ملخبط بس هذا جوتي مو عارفة احكي لمين

>>>>> ردود الأعضـــــــــــــــــــاء على الموضوع <<<<<
==================================

حبيبتي اول شي انتي بعدك صغيره بعمر الورد ماشالله 21 العمر كلله يارب وخايفه انك ماتنخطبين وش هالكلاام لاتقولين كذا ولااحقه على الزواج وتقولين انه محد يخطب وحده تتعالج نفسيا بالعكس وموعيب ان الوحده تتعالج نفسيا وموغلط اكيد هالشي لمصلحتك وعلشاان ترتاحين والحااله اللي تحسين فيهاا ترووح نشاالله واستمرري بالعلاج حبيبتي ونشاالله مافيك الا العاافيه ولاتفكرين بشيء ولاتتضايقين بالنسبه لوالدتك حااولي تنصحينها وتتقربين منها وتقولين لها هالشي اللي تسويه غلط ومايرضي الله وماشالله باين من كلاامك انك بنت عااقله وذكيه وعقلكك كبيرر واذا امك ماسمعت نصيحتك لاتزعلين ولاتشيلين هم واختك بعد انصحيها وادعي لهم بالهدايه بالنسبه لمشكلتك لااتنسين تحصنين نفسك بلاذكاار والرقيه الشرعيه دااومي على قراءة القران وربي يفررج همكك

__________________________________________________ __________

غاليتي:عادي ايش فيها تتعالجي وبتزوجي ان شاء الله
اختك وامك اذا زادو عن حدهم خبري اهلك
والله يعينك

__________________________________________________ __________

حبيبتي لاتخافين

بعض الناس تروح تتعالج عند الدكتور النفسي وتستخدم علاجات

هالموضوع ماله دخل بالزواج


وماله داعي يعرف الشخص الي راح ترتبطين فيه عن هذي الاشيا


والله يهدي امج واختج

__________________________________________________ __________

حبيبتي

الله يرزقك بولد الحلال

__________________________________________________ __________

العلاج النفسي مالو دخل بموضوع الزواج نهائي طلعي الفكره من بالك وتصرفي في حياتك بشكل طبيعي جدا