نعم احبه -لصحتك

عنوان الموضوع : نعم احبه -لصحتك
مقدم من طرف منتديات نساء الجزائر

نعم احبه



السلام عليكم بنات وارجو ان تفهموني لان مالي احد اشكلي ليه غيركم
اول شي عمري 17
انا احب شخص من سنتين ومن الانترنت اتعرفت عليه وهو بنفس ديرتي
رح قولكم السالفة باختصار وكان يبي يتقدم لي بس انا كنت مكذبة عليه بكلشي اسمي عمري صورتي :) الشي الوحيد اللي مو مكذبة عليه فيه فقط انا من وين
وكنت اكلمه في تلفون
انا ذيك الحزة ووللحين صدقوني انا ما كنت معجبة في هذا الشخص وللحين يعني مو الشخص اللي اجوف كل صفات فارس احلامي فيه
بس مادري ليش فجأة دقت علي هذي العاطفة اتجاهه
كلمته يمكن حوالي 9 شهور وبعدين شوي شوي انا حسيت بتأنيب ضمير لاني قاعدة اكذب عليه واخليه يتوهم في انسانة مو موجودة ولاني احبه مابي اضيع وقته ويا انسانة تكذب عليه قلت له ان انا عندي واحد وبس ما ابي اكلمك لاني جربت اهده من غير سبب ما سكت علطول يتصل في اليوم ب 11 المرة ولمدة سنة تم على هذا الحال قلت له انا ما ابي اكلمك وانا احب واحد ثاني وبس وهو انا من اول ما كلمته كنت قايلة له ان انا على علاقة كنت مع واحد وبس حزتها تقبل وسويت رقمه بلوك من الواتسب بعدين و سويته دليت من كل المواقع الا عندي اياه حطيت كل الحواجز بس عشان انساه لان ادري هاي الشخص مستحيل بكون لي لاني كذبت عليه وتميت بعدين دائما اقول في نفسي هذا راح تنسينه مع الايام هذا مجرد فترة تمرين فيها لانك مراهقة
وهذا ترا كذا كذا وحطيت فيه ججميع العيوب ولفترة كثير ترا يا بنات يعني تميت اقول
معني كنت حزتها كلا افكر فيه للين ما دشينه في هاذي السنة وانفجرت تميت كلا ابكي ابكي لين اتذكره انزين والامتحانات احين على الابواب وهذا اخر كورس لي :( شنو اسوي ؟
حتى المرض بعدين ياني من زود ما بكيت لقيت روحي مصخنة يوم اخر
ماعرف شنو الحل انا لحد اليوم ابكي عليه
وعلى فكرة هذي الحالة توها فجأة صادتني يعني مو من قبل واحس جنه بتدريج يعني اول شي بس كنت افكر فيه احين افكر فيه وابكي اذا مرة الايام اكثر مادري شنو راح اسوي بروحي
ارجوكم ارشدوني بنات مالي غيركم لان
ادارة بليز نزلو الموضوع

>>>>> ردود الأعضـــــــــــــــــــاء على الموضوع <<<<<
==================================

ﻻتعذبين نفسج بهذا الحب
اوﻻ عن طريق اﻻنترنت وثانيا كذبتي على هذا الشخص وثالثا قلتي له انك تحبين غير شخص
فمستحيل تكون الثقه موجوده من ناحيته واكيد ماراح يفكر يزوجج بعد هذا كله
انسي واهتمي بدراستج احسن حبيبتي
ربي يوفقج

__________________________________________________ __________

لا حبيبتي انتي ما تحبينه
هذا الشيطان اللى يخليك تتخيلين انك تحبينه

و بعد جاب لك الحزن و ضيقة الصدر و البكاء و يشعرك ان بعدك عنه ( الشخص ) هو السبب و الدليل جاب لك بالتدرج اول شي التفكير ثم البكاء

نصيييحه من قلب لا ترجعيين
و للى سويتييه هو الصح أنسى اللى فات أبدي صفحة جديدة استغفري
و عين العقل و الحكممممة اللى سويتيه الله يزودك من فضله و يثبتك ( اعجبتيييني )
انتي إنسانه رائعه طاهر
- لكن خلي نيتك انك تركتيه ( لرضى الله و عدم معصيته لكي تنال الأجر العظيم بأذن الله)
أشغلي وقتك بأشياء تحبينها تصميم تصوير اي شي تحبينه و لا تنسين إختباراتك ذاكري من الحين الله يوفقك ويسهل عليك
و ي بعد قلبي لا تنسين القران أقرئ كل يوم وجهه على الأقل و الاستغفار و أبشري بالسعادة و العوض الكريم من الله الكريم ( لا تخلين للشيطان مجال عليك )
و كل ما نويتي ترجعين او فكرتي قومي صلي ركعتين و أستمري على كذا بعدها الشيطان بحرم يذكرك ( الشخص ) بقول الحين تقوم تصلي لانه ما يبي الأجر يبي لإنسان انه يستمر في المعصية دئما ( أستمري على عدم رجوعك له انتي في الطريق الصحيح ( و الشيطان شافك على الحق و يبي يثنيكك و يرجعك للمعصي) لكن بحكمتك و ابتغاك رضى الله أثبتي أثبتي لا ترجعيين الله عطاك عقل يفوق غيرك ممن استمرو في هذا الطريق فحافظي على نعمة الله عليك و اشكريه عليها )
الله يثبتكك و يسعدك يا حكيمة

__________________________________________________ __________

انا ماظن انك حبيتيه بقدر ماكنتي حاسه فراغ وحاجه بحياتك وملاها هوو
مااظن ان اللي انتي فيه حب
كويس انك كنتي صارمه واخذتي قرار يرتب حياتك من جديد ويصحح وضعك اللي انتي فيه وتحسينه محتاج شويه وقت بس وتعدينه
صدقيني اذ الاساس مو صح وبنيتي عليه بيت بينهااار واللي بدايته غلط بينتهي بغلط
واللي يترك شي لله يعوضه الله باحسن منه
الله يثبتك ويعوضك بابن حلال يسعدك ويكون لك مثل ماتتمني واكثر

__________________________________________________ __________

انااعرف بنات تزوجت عن طريق النت وسعداء...اختي ليش ماتقول له حقيقه انت تعذبي نفسك و تعذبينه معك من عارف لو قلت له شو يحصل على اقل يبطل يرسل لك لو هو ماسامحك ..فكري شويا بعقل عشان كمان انت ترتاحين من راي تقول له حقيقه وفي اخير لايصيبنا الى ماكتب لنا ..الله يوفقك اختي

__________________________________________________ __________

مثل ما قالو الأخوات هذا مو حب انتي بس تحسين بفراغ بعد ما تركتيه

وهو اكيد نفس الحالة يعني تعودتو على بعض صار شي روتيني بالنسبة لكم

بس لو تجين للصح ما أتوقع انه يخطبك لأنك قلتيله أكثر من مرة انك تحبين واحد

غيره بعد هالكلام مستحيل انه يبقى يحبك هو بس ما يريد يفقدك عشان ما يحس

بفراغ صدقيني

اتركيه والله يعوضك باللي احسن منه

موفقه