زوجي حطمني الطبيب يجيب

عنوان الموضوع : زوجي حطمني الطبيب يجيب
مقدم من طرف منتديات نساء الجزائر

زوجي حطمني



السلام عليكم و رحمة الله
يا جماعه انا عمري 21 و صارلي تقريبا سنتين متزوجه و عايشة بالغربه ابتدات مشكلتي من اخر مرة سافرت لبيتنا و بقيت شهر بعيدة عن زوجي لما رجعت حسيتو انو انسان تاني كنت لما اسافر قبل هديك المرة ابقى بس عشرة ايام و لما ارجع احس بلهفتو علي بس هذيكا المرة كان بارد حتى لما كنت عند اهلي حسيت بهذا البرود كان قبل يحكي معي بالنت قداش مشتاقلي و هيك شغلات لما سالتو ليش هالبرود قالي تعبان كتير من الشغل و مضغوط عشان كنت حامل المهم عملت حالي اني استوعبت الي حكاه و مشيتها بس الي حكاها كان مش صح عشان صار في ايام عطل بقينا في البيت و لما كنت بقرب منو يقلي تعبان فاستحيت على دمي و بطلت اقرب منه وايجا موعد ولادتي كان في الاربعين كتير منيح و بيساعدني مع العلم انه كان ينام عند صاحبه عشان امي كانت عندي و لما خلص النفاس و روحت امي حسيت انه صار اسوء من الاول و صرت الاحظ تصرفاته صار مابينام جنبي بالمرة صرت انام انا و ابني على الارض و هو على الفراش مع العلم انو قبل الولادة ما كان يسمحلي انام على الارض بالمرة حتى لما كنا نتخانقوا كان هو ينام على الارض سمعته يحكي مع اخته بتقوله ماتحكي لزوجتك و هو طمنها انو ماراح يحكيلي بس ما عرفت عن شو بيحكو صار يحكي مع اخوه بالالغاز و يبعث كتير فلوس لاهلو بحجة انو لازم يساعد اخواتو مع العلم كلهم متزوجين و بيتهم من احسن ما يكون و انا ساكنه في غرفة وحدة و حتى بيت نوم زي كل العالم ما عندي صح انه ما يبخل عني بشي و انه دايما يعطيني فلوس بس حاسخ في اشي مش طبيعي صار مابيحترمني بالمرة مبارح كنا بنتفرج على التلفار فصار بيتثاوب قتلو او تعبان خلص نام صار يصرخ و قلي مالك لو مابدك اضل جنبك احكي يعني صرت انا المذنبه مع العلم انه بيعرف اني بحبه موت و اني دايما بدي اكون جنبه و اخد الولد مني و مرضاش اخليني ارضعوا و كان صدري يوجعني و الولد يصرخ جيعان قلي قومي اعمليلي حليب صناعي مرضيتش صار يستمي و يقولي انت مش ام بكيت كتير و سكتت و اليوم كمان كانيحكي مع اخته على التلفون و صار ابني يبكي فاختو بتقولو قلها ترضعوا مع اني لسه مرضعتو فطنشتهم الاثننين عشان هيك هيك احنا متخانقين و انا مخنوقه منه فصار يشتمني لاختو في حين انه كان دايما يفتخر بي امام اهله انا حقيقة شكيت فيه لكن ما بينتلو اشي لكن هو بيقولي انا عمدي العيله اشي مقدس و مستحيل اني اخرب عيلتي مع العلم امي ما صارحتو بشي من ش******** صرت حاسه انه اخويا مش زوجي صرنا نحكي بس شويه في حين انه كان يحكيلي كل اشي و كان يحكيلي على مشاكلو في الشغل هلا صار يقولي مخنوق عندي مشاكل في الشغل و انا بطلت اسالو صرت حس انو حياتو الحقيقه صارت مع اهله انه يحكيلهم كل اشي و يخبي عني مع العلم انه كان متخانق معها اخته و ظلو سنتين ما بيحكو انا الي ترجيتو انه يرجع يحكي معها فشوفو كيف صار يتصرف كان واعدني قبل الزواج اني اكمل تعليمي بعد الزواج قلي حتى يكبرزابنا شويه تدرسوا مع بعض يعني حتى يصير خمس سته سنين حاسه اني ضيعت عمري ورى هذا الزواج و انه اغتال فرحتي و برائتي صرت انسانه حساسه جدا ابكي لاتفه شي كتير بخاف منه اخاف لو اخرب اشي بالبيت يجي يسويلي مشكل انا صرت افكر بجديه في الطلاق خليني اتخلص من هذا الجحيم صرت ابكي اكثر من اني اضحك و احس انه يتلذذ بتعذيبي لكن المشكل اني في الغربه و مش عارفه ولا شي هون بدي اعيش مع ابني لحالنا هيك هيك انا عايشه معاه و مش حاسه بوجوده احبانا افكر اني اعيش معاه و اعذبه مثل ما عذبني ممكن لو حس اني بطلت احبه يرجع انا ضايعة و مشتة التفكير ياريت تقولواي كيف اتصرف و شو اعمل معاه

>>>>> ردود الأعضـــــــــــــــــــاء على الموضوع <<<<<
==================================

الله يكون في عونك حبيبتي
طيب ادعي ان ربي يحنن قلبه عليك
ويسخره لك

اسال الله العلي العظيم ان يجعله سكننا لك ويجعلكي سكننا له اللهم امين

__________________________________________________ __________

عزيزتي... واضح من خلال مشكلتك انك ببعدك عنه في فترات محددة اصاب قلبه ببرود...وانه ماصار يحبك مثل اول...هنا المطلوب منك انك تحاولي ترجعيه الك من جديد وبقوة...
اتوقع انه ممكن ماصار في شئ جديد بيناتكم لفترة طويلة والملل بدا يعمل دوره وانتي كمان لازم تصري ترجعي تكملين دراستك بعد البيبي لازم تبينين له انه عندك طموح وانجازات راح تعملينها في حياتك, ركزي بايجاد طرق جديدة لحل مشاكلكم وكمان لازم تبداين بالتغيير نحو الافضل مافي احد بيفهم زوجك غيرك بحكم العشرة بيناتكم...الحب لسه موجود لكن للاسف في عوامل بتتطغى على هذا الشئ من انه يظهر من جديد وبقوة, حاولي تعرفين الاشياء الي تقربك منه, واياااااااااكي تعودينه انه ينام بعيد عنك عزيزتي لازم تعوديه ينام بقربك وفي حضنك حسسيسيه انه انسانة مليئة بالغموض والمفاجئات في نفس الوقت غير من تسريحة شعرك لونه لبسك اكلك ضحكك وخليه يثق فيك ويحكيك عن كل تفاصيله ...
الله يوفقك وقوليلي جديدك لانه عندي نصائح كثيرة الك..
سؤال: هل قراتي عن بوصلة الشخصية من قبل؟
لانه هذا بيساعدك كثير في انك تفهمين زوجك منيج.

__________________________________________________ __________

انتى لازم ما تيئسى لازم تتمسكى بيتك وبحياتك وترجعى زوجك الك ولحضنك متل الاول واحسن كمان المراة بتقدر تعمل شو ما بدها بس لازم تتمتع بلذكاء والتقه والقوة وانا متاكده انهم موجدين فيكى بس انتى بدك الشجاعه لتواجهى كل الى بيصير معك مش غلط تعيدى ترتيب حياتك من اول وجديد
اهتمى بكل شى بلبيت ولازمى تنامى جنب زوجك ما تعودى ينام لحاله باى طريقه المهم ينام جنبك اعمليله جو حلو غيرى من نفسك خارجى وداخلى انتى راح تحسى بلتقه وراح تلاقى فى تجاوب كتير وكمان خليكى تقيله عليه مش معنا هيك تتركى لاكن تقلى بدلع وانوثه كل هل حكى بيرجعلك زوجك وفى مواضيع كتيرممكن تستفيدى منها فى المنتدى

__________________________________________________ __________

الله يكون في عونك حبيبتي
طيب ادعي ان ربي يحنن قلبه عليك
ويسخره لك

اسال الله العلي العظيم ان يجعله سكننا لك ويجعلكي سكننا له اللهم امين

__________________________________________________ __________

مثل ما قلتي يا اختي
طنشيه هو راح يرجع مثل ما كان موفقة