عجوز عمرها 19 تكفون انقذوني مجابة
عنوان الموضوع : عجوز عمرها 19 تكفون انقذوني مجابة
مقدم من طرف منتديات نساء الجزائر
عجوز عمرها 19 تكفون انقذوني
بسم الله الرحمن الرحيم وبه نستعين
أخواتي الفاضلات إللي راح تعطيني الحل لمشكلتي اقسم بالله العلي العظيم إني راح ادعيلها في كل صلاة وكل ما تذكرتها وإذا رحت لمكة بدعيلها من كل قلبي لأن حالتي حاله أنا راح أموت جاني اكتئاب مو طبيعي وكرهت سيرة الخطبة أو الزواج والله ثم والله إني اكتب وفي حسرة بقلبي ع جسمي إللي تدمر بسبب فقدان الوزن اقسم بالله إني استحي البس عريان بالأعراس والسبب جسمي المترهل والخطوط البيضة والله ي بنات إللي تشوف بطني ولا كتوفي ولا منطقة الخلف تحلف انه عمري مو 19 وتعطيني أكبر
أنا في البدايه كان وزني جدا كبير وفقدت 25 كيلو بطريقة غلط واحذر أي وحده تجربها لبشاعة الجلد بعد ما تفقدين الوزن وفعلا صرت انقص كيلو كل يومين إلى 3 أيام وبعد ما مرت الشهور لقيت شعري وجلدي اخترب راح فيها جلد عجوز أحلف لكم وغير السيلوليت الجلد صار اسود ومترهل بطريقة فظيعه وبشعه بدون مبالغه عجزت فيه كريمات وسنفرات صبح وليل ورقص ورياضه شهور ومو راضي يتعدل تقريبا 6 شهور صار زين شوي إلا انه ما زال بشع خصوصا منطقه البطن طايحه والجوانب والظهر كله خطوط بيضه عريضه جدا
صرت اتحنب الكلام عن الزواج أخاف زوجي ينصدم من هالجلد
أبي حل راح أموت من القهر والحسرة ع شبابي إللي قاعد يضيع والله راح ادعيلها وأي طريقة رجيم صحيه أو خلطات للبشرة راح اساعدكم فيها بس أبي جلدي يرجع طبيعي لأن وزني عاجبني بس الجلد !!!""" اتمنى من المشرفات ينزلون موضوعي بأقرب وقت عسى ربي يسعد إللي ترد علي ويدخلها من أي باب شاءت إلى جناته
وطريقة الغلط إللي فقدت فيها وزني إني إذا كثرت أكل استفرغه كله واشرب قهوة واجد وراها لين تنسد نفسي ما انصحكم فيها وإللي تسويها تبطلها ولا تسويها تدمر الجلد بعد شهور
أبي طريقه أو كريمات أو اعشاب أو خلطات بس تكون نتيجتها تمام مو اقعد استخدمها شهور وما منها فايده وأنا حريصه على الرياضه بس جلدي ليش مو راضي يتعدل!!!""
ماعرف إذا مكرره مشكلتي بس خافو الله فيني ونزلو موضوعي وجاوبوني يالله انك ترزقهم بكل إللي يتمنونه
>>>>> ردود الأعضـــــــــــــــــــاء على الموضوع <<<<<
==================================
روحي مراكز التجميل عنددكتورجلديه وتجميل ورح يعملك علاج بالليزر وتخلصي من الترهلات والتشققات بالليزر بلاجراحه ولاالم
بس لازمك متابعه واتظام ورح تختفي خلال شهرفقط
__________________________________________________ __________
حبيبتي استعملي زيت الكتان وزيت اللوز والنتائج روووووعه الله يوفقك يارب وتتخلصي من هالشي
__________________________________________________ __________
مشكلتك بدها تدخل جراحي بسيط
__________________________________________________ __________
اختي راجعي دكتوره مختصه اخصائية تجميل وان شاء الله كل شي بيتعالج ما تخافي والحمد لله وزنك نزل وشد الجلد مو شي عيب او مخجل وان شاء الله بتصيري ز يالقمر
وموضوع العري بالحفلات اصلا حرااام
بالتوفيق ان شاء الله
__________________________________________________ __________
ترهل الجلد يحتاج الى اقل شئ سنه علشان يتحسن
هذا سببه انك خسيتي بدون رياضه
الالوان هذي بسبب نقص المعادن و الفيتامينات في جسمك و شعرك نفس الشئ
التشققات الان شكلها منفر لان الجلد مترهل
لكن لما يشد بيخف شكلها و بيصير شكلها مقبول
علشان ترجعي تتحسني بدون زياده وزن
خذي فيتامينات للجلد و الشعر
استمري على الرياضه و خاصه اللي تشد الجسم و شوفي اليوتيوب اكتبي
تمارين بناء الجسم هذي تساعد على شد الجسم و العضلات
في طين بحري يتسوى ماسك لكامل الجسم يساعد على شد الجلد
نسيت اسمه بس تلاقينه بالصيدليات
كمان استخدمي كريم شد للجلد و الصدر و كلها تلاقينها بالصيدليات
اهتمي بغذائك فواكه خضار لحوم سمك حليب زبادي مكسرات
اهم شي
لا تستعجلي النتيجه
و بشرينا عنك
