خايفة أتركو و خايفة أكمل معاه مالي غيركم خواتي ساعدوني مجابة

عنوان الموضوع : خايفة أتركو و خايفة أكمل معاه مالي غيركم خواتي ساعدوني مجابة
مقدم من طرف منتديات نساء الجزائر

خايفة أتركو و خايفة أكمل معاه مالي غيركم خواتي ساعدوني



السلام عليكم اخواتي الغاليات
أرجوا من الإدارة تنزل موضوعي لانو والله الدنيا مسكرة بوجهي ومالي غيركم تساعدوني و تعطوني آرائكم القصة اني انخطبت لشاب مناسب بجميع المواصفات الحمدلله رب العالمين يعني ابن عيلة و صاحب دين و محترم و سمعتو حلوة و دارس دراسات عليا و كتبنا كتابنا (ملكنا) الحمدلله اول ما خطبت كنت مبسوطة كتير انو منيح معي و كريم ومنيح مع اهلي وحبيتو و تعلقت فيه بس بعدين اكتشفت فيه شغلة تخوف انو بس يعصب بصير بني ادم تاني والله يا بنات واحد تاني بصير بخوف بيتصرف و بيحكي بلا تفكير و بيجرح وانا حساسة و المشكلة حتى لما اصير ابكي ما بيهدى ولا بيتأثر و لما بروق و بناقشو بالموضوع بقلي لا تعصبيني ما بتشوفيني هيك انا طبعي هيك لما بعصب ما بشوف بعيوني حتى مع اهلي مو بس معك بس المشكلة يا بنات انو انا مو ملاك وهي حياة كاملة مو يوم ويومين يعني مستحيل ما استفزو بشي او اعصبو قد ما حاولت مع اني والله بحاول اداريه وما اعصبو بس مستحيل ما تصير مشاكل و بصراحة الامور عم تزيد يعني اول شي كان يعيط و يقول كلمة بس هلا غير يعني مبارح عصب مني بشغلة عادية انا ناقشتو قام عصب و صار يعيط و قلي انتي وقحة و قليلة أدب ومو محترمة انا انصدمت وصرت ابكي ولما راق قلي انا مفكرتيني مبسوط اقلك هيك حكي انا بتدايق اكتر منك و قبلها عصب مني كان عم يوصلني بالسيارة صار يعيط صوتو واصل للبلد الثاني يعني عياط مو طبيعي السيارات المارقة عم تسمع صوتو وانا ساكتة هلا هو ما بعصب دائما يعني مو شغلة متكررة ممكن يمرق شهر و أكتر ما يعصب بس لما يعصب بعوض عن الشهر و بيترك بقلبي جرح ما بينتسى والله ما بعرف المشكلة انو هو لما ما يكون معصب عنجد محترم جدا معي وما بقلي ولا كلمة زايحة و حنون و عاملي قدر بين اهلو و اهلي ومو مقصر معي بشي انا بطبعي ما كنت بقبل عحالي حدا يحاكيني هيك بس بفكر بخاف اخسرو و اندم انو فيه كل هالصفات بقول بكرة بس نتزوج بدير بالي ما اعصبو و بحاول غير هالطبع شوي شوي ليخف برجع بخاف و بقول ازا هلا هيك بكرة بس نتزوج بصير بس يعصب يضربني و انا مستحيل اقبل يمد ايدو علي مع انو بس اناقشو بقلي مستحيل امد ايدي عليكي بس هو بكون بلا وعي وهو معصب انصحوني ربي يجزيكم الخير ما اضيعو من ايدي و اصبر و بعد الزواج بيتحسن ولا اتركو من هلا احسن بلا ما اندم بعدين و اعيش عمري خايفة منو ؟؟ مع العلم انو عرسي بعد رمضان وانا مو قادرة افرح متل البنات واجهز لعرسي عطول تفكير وخوف ساعدوني ربي يخليلي اياكم

>>>>> ردود الأعضـــــــــــــــــــاء على الموضوع <<<<<
==================================

ربي يعينك اختي
صدقيني انا تزوجت واحد مثل خطيبك عصبي والله ماالة علاج اذا عصب وحتى يتمادى صار ويضرب واهو صاحب الحق بعد ، العصبي مايبطل من طبعوا يفضل هيك
معاناتي انا مستمرة لان الفاس وقع في الراس لما اتزوجتوا مافيني اطلق وحياتي اصبحت مااله اي طعم
الرائ لك ... يمكن تكونين حذرة بتصرفاتك معا خاف يعصب وتستمر معاناتك

__________________________________________________ __________

والله من رايي انو تنفصلو احسن لك لان هذا اوله ينعاف تاليه (( المفروض يبين لك كل محاسنه بهالوقت بس الللي كذا الحين وشلون لم تتزوجو

الله يعينك

__________________________________________________ __________

إذا أنا كنت مكانك وأهلي طيبين معي ويحبوني أحاول أناقش الموضوع مع أكثر واحد فيهم قريب وأمين لأسراري حتى لو كان أبي أو أمي أخي أحد كبير وعاقل
ثانيا : بقول له بصراحة أنا خايفة من عصبيتك كثير ولازم تحاول تتغير وما تعصب ، وحتى بقول له إذا استمريت على عصبيتك أنا آسفة كثير وبرمي الخاتم بوجهه
( أبغض الحلال عند الله الطلاق) ، لكن يا أختي إذا الآن يقول لك وقحه ، ماذا ترك لبعد الزواج
أنا أخي طيب جدا ولكن لما يعصب يتلفظ بكلمات جارحة وبالفعل أشعر كشعورك تماما أحيانا في كلمات وتصرفات جارحة صعب الواحد ينساها ، واشعر أني لا أطيقه مع أنه طيب للغاية ،لكن سبحان الله الكلمة الجارحة تقتل الحب في القلب ... شوفي ستتعبي معه كثيرا ،إن كنت قوية وتحبيه وقادرة على الصبر الطويييييييييييييل وتستطيعي تغييره تزوجيه ، لكن ستتعبي كثييييييييييرا ، وإن كنت لا تستطيعي ذلك وفقدتي الأمل منه لا تتزوجيه نصيحة وربي يعوضك خير لأنه سيؤثر على أولادك مستقبلا
أنا لو مكانك لا أتزوجه لكن الأفضل وأكيد الأفضل هو
استخيري ربك لمدة 7 ايام فهو العليم الخبير .. والله لا يخيبك أبدا

__________________________________________________ __________

مافي انسان م يغضب

حتى انتي

انا بعض الناس توصفني باني عصبيه

بس لايمكن تفلت اعصابي واعصب الا لمن يكون الكي اخر علاج

اذا شفتي عقلاني بعصبيته

وفي شي منطقي يعصبه ترى دليل رجوله حقيقيه وفحوله

وهذا شي يثبته العلم واثبته دراسات سيكولوجيه

اما اذا انه يعصب بسبب دلال بطفولته او عُقد وتراكمات نفسيه

ومن الناس الي توصف بانها تسكر من زبيبه

ويعصب ع الطالعه والنازله

فراح تتعبين

معظم الرجال عصبيين

بس اذا كانت الزوجه ذكيه وتفهم زوجها

وتتجنب الي تعصبه

وماخذه الحياة الزوجيه بشكل جدي

ومعطيتها اهتمامها وتفكيرها

ومسيطره بالفهم والتمييز مجريات حياتها

وكل موقف مجهزه له رد فعل حكيم منطقي

وعندها قدره على امتصاص غضب الزوج

فبها ونعمت

وبتعيش احسن زوجه

وانا اشوف مواصفات الزوج مثل م ذكرتي

انه شخص على جانب كبير من النجاح

بس تأكدي من ظروف طفولته ونشأته

ولاتنسين الاستخاره والاستعانه بالله على كل حال

موفقه والله يكتب لنا ولك الصالح

__________________________________________________ __________

الله يفرج همك يارب هذا اللي بقدر اقوله لك...