آآآه من بخله هالبخييل.. -تم الاجابة

عنوان الموضوع : آآآه من بخله هالبخييل.. -تم الاجابة
مقدم من طرف منتديات نساء الجزائر

آآآه من بخله هالبخييل..



زوجي بخييل علي
وكريم على نفسه اي شي انا اطلبه يعتبره مخاسير ومو لازم واي شي اهو يخطر على باله يصير شي مهم وضروري مثلا لي نفس اكل من المطعم اقوله نفسي في بروستد او مشويات او مثلا عصير فريش يقولي جالس على بنك انا
طبخي عندك مكرونه عندك همبرغر عندك.......
ويعددلي الاشياء اللي بالثلاجه
اويرد علي برد يخلي نفسي تنسد ومابي آكل اجلس ابكي
مثلا يقولي وش فيك انتي مفجوعه ياام المخاسير
تبيني اطلب اقل شي بخمسين ريال وبتاكلين وتاليها بتطلعينه بالحمام «عفوا على هالكلام بس هذا اللي يقوله ««يكرهني بالاكل وبالساعه اللي فكرت فيها اطلب شي منه
ولو هو نفسه ياكل من برا لو مطعم في اخر الدنيا يرووح له يروووووح له
تخيلوا له نفس بشاورما من مطعم يبعد عنا حوالي ساعه إلا ربع يرووح ماعنده اي مشكله
واوقات واهو جاي من الدوام وانا طابخه عشاء واشوفه يقول مالي نفس او كذا فأعرف انه ماكل بره اقوله لا لازم تاكل بس شوي وبعدين يقولي بيني وبينك اكلت 3شاورما وورق عنب وبيتزا وكوتيل
ومنفجر
والله تجيني ضيقه مو عشان انه اكل لا بس اتخيل لو قلت نفسي بكل هذا وش كان رد علي
وبعدين يجيني ويقولي العشاء وش بتسوين به اقوله كيف يعني
يقولي لايكون بترمينه بالزباله حطيه بصحن وحطي فوقه قصدير وخليه لبكره
واذا جاء بكره وطلعت الاكل وصخنته مايرضى ياكل يقول ماآكل بايت وياكل من بره وانا اكل الاكل البايت ولو تكلمت او اعترضت وقلت بخليه للعشاء وغدني معاك يقول لا انا مابتغدى باكل موزه او صمونه واهو كل كذب
وهذا في الاكل
وفي الاغراض الشخصيه مثلا عطر ملطف جسم كريم شهر يشتري لي وشهر لا
واذا تكلمت قالي تعالي شوفي كم دافع هالشهر فاتورة كهرب ومويه
واغراض البيت والسياره بالورشه يبيلها قطع وفلوس ولو شديت معاه وقلت حقي وجيب وعطني قالي يالله انقلعي مالك حق عندي واذا لك حق خذيه بالمحاكم
بتقولون مصروف كان يعطيني 200 ريال شهريا وبعدين قطعهم لان صار يدفع لي قيمة مواصلات الجامعه300ريال فقالي خلاص مافي مصروف وطبعا مكافئات مافي لان هالترم بدل الترم اللي راح كنت مقدمه اعتذار عن الدراسه في نهاية الترم وكنت ماخذه مكافئات الترم كله فهذا الترم بدون مكافئات وعايشه بمذله يعطيني يوم ريالين يوم ثلاثه ريال يوم خمسه ولو اطلب شي ثاني يجلس يذكرني بالشهاده
اعطيك 300ريال للباص وتاخذين مني يوميا مصروف وش تبين بعد
تاكلين وتشربين
وش تبين اكثر يالطماعه انتي مايملي عينك الا التراب وووو
وبخصوص عياله يشتري حفاضات بس حليب مايشتري تخيلوا بنتي كان يشتري لها حليب لعمر اربع شهور وبعدها قالي خلاص مافي حليب غالي رضعيها انتي وولدي من اول ماجبته مارضى يشتري حليب يقول ماني مجنون اشتري علبه ب60ريال وتخلص باقل من اسبوعين
وملابس مافي الا في الاعياد ومانشتري الا وقت التخغيض وانا الحين حامل توي بالشهر الاول وناقصتني اغراض ومسوي نفسه اصمخ
لابسه جوتي كعب عالي وماعندي الا هو
وشنطتي باقي لها شوي وينقطع السير اللي حقها والله احس نفسي مذلوله لو احتجت شي اهلي ما ابغى اكلف عليهم ابوي الله يطول بعمره ويعافيه اخذ تقاعد لان طلع معاه السكري من النوع الثاني وتوها بس خافه رجله كانت متورمه الله يحفضه راتبه على قده كان ياخذ قبل 7الاف والحين نص الراتب 3وشوي شلون بجي انا وبطلي منه فلوس بعد والله عايشه بهم تخيلوا
قبل اسبوع بس شرى له سياره بخمسين الف
يقول ماتتفوت اتمنى عرفتوا شلون وضعي
انا الشي البسيط علي بالحسره واهو لا اللي يبيه يسويه
لا ايجار يدفع ولا مصاريفنا كثير بالشهر مايجي ألف ريال اللي يصرفه على البيت وعلينا وفوق كذا بخل
والله لو يشتري لي شي يعلم اهله كلهم انه شرى وعطى اه ياقلبي
من قبل عيد الفطر طالبه استشوار وليومكم ماشراه اذا صارت عندي مناسبه اتورط
والحين جامعه شكلي والله مبهدل اجي يوم بالاسبوع لبيت اهلي واستشور واليوم اللي بعده يجلس يراقبني ها ماتروشتي الظاهر بتجلسين اسبوع عشان شعرك لا يتغير
اااه بس
نزلوا موضوعي لاهنتوا..

>>>>> ردود الأعضـــــــــــــــــــاء على الموضوع <<<<<
==================================

لا حول و لا قوة الا بالله،حاولي التكلم معه بلطف و لو تعذر عليك الامر اكتبي له رسالة توضحين فيها كل ما قلت و لكن بأسلوب لطيف،الله يصلحه يارب!

__________________________________________________ __________

استغفر الله الله يعينك حااسه فيك اكره الرجل البخييل

مادري وش اقولك اكثري من الاستغفار وادعي له بالهدايه

الله يسخر لك قلبه ويهديه ياارب

__________________________________________________ __________

ياختي لعزيزة للاسف هناك اشياء لا يمكن تغيرها كليا في الرجل..لانها طبعه ..احزنني ما كتبت رغم ذلك اقول استعيني بالله وحاولي ان تفهمي زوجك انك مليتي من بخله وانه مسؤول عنك و عن اولاده امام الله و القانون...ربي يهديه

__________________________________________________ __________

الله يعينك عليه
انا اشوف اذا عمك ابو زوجك او امه طيب معاك احكي له
حتى يشوف مع ولده حل

والله يصبرك عليه هذا( بلوه مسيحه ) على قولة المصريه ^^
لا تزعلي بس منشان تبتسمي ياحلوه

هيا الدنيا كذا مااحد مرتاح ادعي له بالهدايه

__________________________________________________ __________

نسيت اقولك

حبيبتي لا تسكتي على وضعه كذا ترا راح يتعود وراح تاكلي في نفسك من الهم

روحي لابوه ولا امه اخواته ادا في وحده منهم تخاف الله واحكيلهم وخليه يصرف لك مصروف شهري غصبا عنه مو بكيفه

وانا فهمت انك في الجامعه وتستلمي مكافاه انتبهي ديتيه ريال وواحد هذا ماينفع معه الا كذا شدي عليه شوي

انتبهي تسكتي هذا حقك الشرعي اذا مايعرف ان الله حق عرفيه انتي

رجال اخر زمن شي يقهر والله