ام زوجي قطعت قلبي -لصحتك

عنوان الموضوع : ام زوجي قطعت قلبي -لصحتك
مقدم من طرف منتديات نساء الجزائر

ام زوجي قطعت قلبي



السلام عليكم ورحمة الله

بدخل على طول

انا ماعندي مشكله لكن حيره في امر ابغى رايكم

انا كنت اطبق في مدرسه بما اني جامعه وتعرفت على المديره والاستاذات
المهم المديره حبتني هيا عندها اولاد لكن ماعندها بنات وتحب البنات والادميه احسها اتعلقت فيا

المهم طلبتني لولدها واتزوجة وعيشين حياة طبيعيه لكن اكتشفت انه مااقدر احمل

وزوجي حاب يتزوج طبعا قلي اول وبعدين قال لامه انا بسراحه ماكنت عارفه ايش اقول

حقه يتزوج يبغى يكون اب وانا ماابغى اوقف قدامه فقلت له سوي الي تشوفه ريحيك

لكن في نفس الوقت مهما كان انثى فيه غيره لابد منها فافكرت اتركه رجعت لبيت اهلي ووكلت امري لله

لكن امه لو تشوفونها حاله حزني احسها متعلقه فيا بشكل موطبيعي بالرغم انه عندها ولد متزوج لكن تعاملها مع زوجة ولدها الاحظ فيه رسميه انا مااعرف ايش بينهم

تخيلوا تقريبا كل يوم تكلمني واحيانا تجي البيت وتترجاني ارجع وزعلت على ولدها بالرغم انه هو كمان جاء الابوي اكتر من مره عشان يقنعني ارجع وانه مالي الا الا يرضيني لكن بعيد عن قرار الزواج هو راح يتزوج لكن يبغاني ارجع !


وتقولي تعالي وراح اخليه يجيب لك بيت لحالك واثاث جديد ووووووو

انا دحين مو عارفه محتاره ارجع عشانها وطيب انا

ماني عارف انا اعز امه كثير بس ماابغى ارجع

حطو نفسكم مكاني ايش تسووا توافقوا ترجعوا

>>>>> ردود الأعضـــــــــــــــــــاء على الموضوع <<<<<
==================================

الله يختار لك الي فيه الخير
حبيبتي إذا كان فيه أمل انه إذا تطلقتي منه وتزوجتي تخلفين فأنصحك اطلبي الطلاق لانه أكيد أمنيه أي حرمه تخلف أما إذا ماكان فيه أمل بل خلفه فاستخيري الله وادعي ربك
ربي اختر لي ولا تخيرني
والله يكتب لك الي فيه الخير

__________________________________________________ __________

وااااو محظوظه بها الام ما شاء الله طيوبه
انا اقولك لا تخسيريها ولا تخسيري زوجك
وافقي ع زواجه لانه من حقه يكون عنده اولاد ويمكن تكون زوجته طيوبه وتكونن مثل الخوات
الله يوفقك الي كل خير

__________________________________________________ __________

حبيبتي انتي انثى وشي طبيعي بتحسين بالغيرة من وحدة غيرج وتشاركج بريلج .. انا والله مادري اقولج ارجعي ولا لا بس ضعي بالحسبان انج اذا رديتي بتحصلين فرصة انج تكونين مع ريل يعزج وام زوج تحبج وتغليج وفوق هذا مستورة الحمدالله ... أما اذا تطلقتي يمكن تيلسين بيت ابوج طول العمر او أن ييج خطاطيب شياب أو ييج واحد نفس حالتج ماييب عيال او واحد متزوج ولكن هذي احتمالات نادرة .. فأنتي شوفي شو الي يناسبج بس أحسن شي أنج تستخيرين ربج وان شاءالله خير ,, انتي حاولي تتأقلمين مع وضع الضرة صح انه شي صعب بس لو حبيتي تظلين معه لااازم تتقبلينها ..اذا ماتقبلتيها وسويتي حركات الغيرة ووجعتي رأس زوجج عادي يمل منج ويحب ييلس وياها اكثر منج . انتي حاولي تتقبلينها وتكونين وياها صداقة واموركم ويا بعض تمام طبعا لو حبيتي تردين طبعا ...وانتي مابيكون عند شغلة هاييك الفترة غير زوجج تقدرين تكشخين له وتلبسين له احلى لبس مابيكون وراج شي غيرره تقدرين تتفنين له بالطبخ وبشكلج طبعا هذا شي لصالحج .. بس لو ماحبيتي تردين طبعا محد بيلومج .. منو بيلومج والغيرة فطرة وما أظن ان في أحد يقبل ضرة والخيار بيدج حبيبتي ..

__________________________________________________ __________

ما شاء الله الله لا ييغير عليكم

حبيبتي ارجعي بيتك واذا صار وتزوج اطلبي بيت بروحك وماتدرين يمكن تخلفين بعدها راجعي المستشفى اذا فيه علاج ويسوون حاليا اطفال انابيب وغيرها واكثثري من الاستغفااار وقيااام الليل

بس نصيحه اذا زوجك طيب معاك لا تخسرينه هو وامه

والله يوفقك ويرزقك بالذرية الصالحه والمسلمين والمسلمات ياارب

__________________________________________________ __________

الله لا يغير عليكم يا رب ..
حبيبتي انا من رأيي توافقين على زواجه وترجعين له
لان أكيد الزوج بيحس انه محروم من الأولاد
والأولاد امنيه كل زوج و زوجته ..!
او ممكن تتعالجين ..؟؟
بس أقولك لا تخسرين زوجك وآمه ترا ما بتلاقين مثلها الا نادر
وأحسن شيء سواه انه شاورك قبل ما يتزوج
لان في بعض الأزواج يتزوجون بدون علم زوجاتهم ..!
صلي صلاة الاستخارة وتوكلي على ربك ..
الله يسعدك و يهنيك يا رب

https://said.xplainer.net/images/smilies/rose.gif