اخاف سلفتي تاكل عليا الجو مجابة
عنوان الموضوع : اخاف سلفتي تاكل عليا الجو مجابة
مقدم من طرف منتديات نساء الجزائر
اخاف سلفتي تاكل عليا الجو
بسم الله الرحمن الرحيم
بدخل في الموضوع على طول .. واقسم بالله العظيم اني حاسة بضيق كبير..
اهل زوجي ناس كويسين ولكن لايخلون من العيوب عيوبهم كثييييرة الله يسامحهم ويعلم الله اني حاولت جهدي اتقرب منهم واودهم ولكن ما الاقي مردود طيب ولا معاملة بالمثل بالعكس دايما مقصرين في الواجب معايا .. ويعلم الله اني في الواجب ما اقصر وان قصرت اتصل واعتذر بعكسهم تماما..هم ماعندهم ام امهم متوفيه وعندهم اختهم كبيرة في السن مثل امهم..
مشكلتي معهم اني طبعي غيييييير طبعهم تماما عليهم حركات كثيرة تضيق علي صدري وماتحببني في جمعتي معاهم ودائما كنت ارجع بيتي وانا ضايق صدري ..لاهيين في الدنيا هذي بمعنى الكلمة وكل وحدة من اخوات زوجي عندها اطفال ولكن ولاشي يوقف في طريقهم لا اطفال ولا ازواج يخلون عيالهم عند الشغالات ويوميا طلعات ودخلات وجمعات بنات وهم يحبووون الوناسة بقوووة ...اسواق وافراح ومشتريات وعمليات تجميل وسيلكون يعني عايشين الدنيا هذي ولاهيين فيها الله يهديهم ..ومو مع بعض لا كل وحدة لها عالمها وصديقاتها ...
دخلت عيلتهم غيرعن حريم اخوانهم الي قبلي الحمد لله جميله وبنت عيله ومتعلمة واخلاقي جدا راقيه كذا ربوني اهلي .. كنت دايما اواصلهم ولما شفت انهم مايوصلوني وعرفت طبعهم عرفت انو خليك بعيد حبك يزيد .. وصرت اجتمع معاهم في الواجب وفي المناسبات
لقيت اني ارتحت كثير ..
اخت زوجي الي بعمري ساكنه جنبي لكن ماتحب تواصلني ابدا لانو طبعها بزيادة غييييير عني وكانت في اول زواجنا تغار مني وماتحبني لانها تحب اخوها الي هو زوجي كثير وكانت تبغى تزوجه على كيفها لكن ماقدرت لانه زوجي واخواته الكبار كانوا يبغوني انا ..
وبالرغم من تعاملها الغير لائق معي في مواقف كثيرة قابلتها بالاحترام والاحسان وعمري ماسويت مشكله معها او مع احد منهم
لكنها لاتواصلني ولاتعتب بيتي غير في العيد يشهد ربي علي وانا اعاملها بالمثل ولااحب افرض نفسي على احد ...
المشكله الان زوجت اخوها الثاني على كيفها وبتكفل تام منها والعروسه صاحبتها وطبعها على ماسمعت زيهم تماما تحب الفله والوناسه وجريئه جدا..
انا ما اقول اني جامدة بالعكس انا اجتماعية وفرفوشه وحبوبه جدا ولكن مثلا في الافراح ماني من النوع الي يرقص طول الوقت ويتجنن مثلهم .. لأ احس نفسي اخجل واجلس اتكلم واضحك على الطاوله ما اقوم ارقص شكلي رزة وانا جالسة والي يشوفني يعطيني طابع الغرور مع انو مافيني شي منه انا اخجل ... يقولولي ليش ماتقومي ترقصي اقول لأ بضحكه
ولا انا من النوع الي اخرج كل يوم احب الاستقرار ويكون لي حياتي المستقرة مع زوجي وعيالي ...
الحين من بعد زواج اخو زوجي وخصوصا مع طبع عروسته الي مثلهم خايفه تنحرق ورقتي عندهم واضيع وسطهم .. وكنت اقول ان شاء الله تجي سلفتي عسوله ونكون انا وياها قريبات من بعض تعوضني عن بعد اهل زوجي عني .. ويوم عرفت انها صديقة اخت زوجي الي ماتحبني قلت لا والله شكله مافيها صحوبيه وحتكرهها فيني ..
وبالرغم من بعدي عنهم الا اني ما اسلم من الكلام شايفه بعض بناتهم بارديين معايا جدا وماني عارفه ايش بيدور في الخفاء ومين يقعد يحفر ورايا .. لا وانا قريبه مرتاحة ولا انا وانا بعيدة مرتاحه ...
ربنا يسعدكم اعطوني ارائكم في الي يصير معايا ... ولو حضرت الوحدة مننا فرح ومناسبه وماقامت ترقص هل هذا الشي يعيبها .. والله انها دنيا عجيبه..
>>>>> ردود الأعضـــــــــــــــــــاء على الموضوع <<<<<
==================================
رفع
....................
__________________________________________________ __________
حبيبتي ابتعدي منهم حتى في الافراح
لاتحتكين معاهم اهتمي بزوجك لاتقصرين معاه بشي
لان يمكن خواته يكيدون لك ويزوجونه (بعيد الشر عنك حبيبتي))
بِــ̯͡سّ هذا الواقع كثير مٍْْـٍْْ♡̷̴̬̩̃̊ـٍْْنٍْْ يحصل لهم كذا
لاتشكين لزوجك مٍْْـٍْْ♡̷̴̬̩̃̊ـٍْْنٍْْ تصرفات خواته
خليكي شبابيه حتى لو انك مو جريئه
حاولي تغيرين في شكلك بس بحدود الشرع مٍْْـٍْْ♡̷̴̬̩̃̊ـٍْْنٍْْ صبغه شعر او قصه
حللوه مكياجك غيري طريقته غيضيهم
سوي نفسك رزينه مو هبلا زيهم لاتتركين زوجك لحاله معاهم
خليكي قاعده جنبه اذا انتو عندهم ..
ٱلــلّٰــہ يوفقك ويسعدك.
__________________________________________________ __________
نصيحتي طنشيهم خالص ولا كأنك شايفة حد فيهم يعني من الاخر كده كيدوا وان قدرت تزيدو زيدوا هههههههع
بعض الناس زي طابع البريد كل مابزقت عليه لسق
فهمتي
وخليهم يحكوا متكبرة المهم ربنا عارفك وبعدين طبعيهم بطبعك مو تخليهم يطبعونك انتي بطبعهم
واللي عاجبو عاجبو واللي مش عاجبه يخبط راسو باقرب حيط
ولا علي بالك
__________________________________________________ __________
الحمد لله
انا صراحه استغرب من بعض الحريم الله يهديهم
انها تحط اهل زوجها بالصوره
و لهم منزله و مقدار رفيع عندها
و رايهم يهمها
و هما فالواقع زي الصوره اللي ذكرتيها ناس
تستحق الاستحقار بكل معنى الكلمه
يعني البعد عنهم غنيمه
انتي فالعيد زرتهيهم
فالنفاس زرتيهم
فرمضان زرتيهم
فالمناسبات زرتيهم خلاص هذا واجبك و انتهى
ومالك علاقه فيهم
خليك مع زوجك و عيالك
__________________________________________________ __________
ياشيخه خلي همج بيتج وعيالج وزوجج ولا تشغلين بالج بالناس ويصيرون اكبر همج ياغلاهم،، اللي يجيلج حياه الله واللي بيروح الله يحفظه لاتبحثين عن عوار الراس خليج بحالج طالما مودج يختلف عن مودهم والله يهني سعيد بسعيده منتي محتاجه كروتهم ورضاهم اهم شي رضى ربي وزوجج وراحة بالج ترى ارضاء الناس غااايه لاتدرك بعدين بقولج شي وانتبهي عدل عليه.. عمرج شفتي اقطاب المغناطيس المتشابهه تتجاذب؟؟!! يعني اذا هي نفس الطباع بيفزون فيها فتره بعدين بتصير منافسه لهم وبيتطاقون صدقيني ماراح يستمرون بس خليج ذكيه وخليج بموقع المتفرج ولاتحاولين تنزلين لموقع المتنافس ويحسون عليج ويتفقون وانتي حرررره اشتري راحة بالج ياعمري،، موفقه والله يكافيج شر كل من فيه شر..
