خسرت حلمي واهو قريب بين أيدي الطبيب يجيب

عنوان الموضوع : خسرت حلمي واهو قريب بين أيدي الطبيب يجيب
مقدم من طرف منتديات نساء الجزائر

خسرت حلمي واهو قريب بين أيدي



السلام عليكم
بدخل بالموضوع ع طول يابنات أتمنئ تساعدوني لإني خسرت حلمي واهو كان قريب بين أيدي أول شئ بقولكم حلمي أنا كنت أتمنئ ادرس الجامعة في لندن ( مع العلم ان أنا حاليا في لندن مع أهلي بحكم شغل بابا ) المهم يابنات أنا يوم الجمعه إلي قبل يومين كذبت على أهلي وقلت عندي رحله في المدرسه البريطانية لمتحف وأهم صدقوو وأنا كنت أكذب عليهم ورحت أتمشئ بالسوق المهم أهم عرفوو لأن المدرسه كلموو بابا وقالوو بنتك ماحضرت كلموني أهلي وسئلوني وكذبت عليهم قلت لا أنا بالرحله مع المدرسه المهم بالاخيرر اعترفت لهم اني رحت أتمشئ بالسوق وخسرت كل شئ أهلي كانو مخططين يسوون لي حفله تخرج يوم السبت (لإني تخرجت من الثانويه) وحجزو كل شئ وحجزو الهدايا وبالاخيرر خربت أنا على نفسي كل شئ وكان بابا يوم الخميس رايح يقدم لي على البعثه وكان يبي يسويهاا لي مفاجاءه لكن اااه يإلقهرر ضيعت حلمي وكل شئ بأيدي (مع العلم ان قبل ماتصيرر المشكله هذي قبل يمكن 5 أو 4 شهور قد كذبت قبل على أهلي بعد وطلعت أتمشئ وكشفوني وصارت مشكله وسامحوني بالاخيرر يعني هذي ثاني مره اسويهاا ) والله اني ندمانه اشد الندم مدري وين كان عقلي أغراني الشيطان الله يلعنه والله أهلي كانو مدلعيني أحلى دلع من ماركات وأجهزة وكل شئ يعني دلع تتمناه كل بنت ؤاهلي سامحوني المره هذي بعد ورجعوو لي جوالي إلي سحبوه مني من يوم الجمعه المهم يابنات إلي ابغاكم تساعدوني فيه كيف اخلي أهلي ينسون إلي صار وترجع ثقتهم في وكيف اخليهم يرجعون يفكرون يقدمون لي في البعثه عشان ادرس الجامعة في لندن ؤابغئ تكتبون لي رساله كلام حلؤو اتاسف منهم واخليهم يفكرون يقدموني على البعثه ثاني مره عشان ارسلها لهم على الواتس اب أتمنئ فهمتوو علي وتردون علي باقرب وقت لأن معي شهر على مارجع لبلادي .. وشكرا مقدما ..

>>>>> ردود الأعضـــــــــــــــــــاء على الموضوع <<<<<
==================================

وجنت على نفسها براقش

الله يعوضج ان شاء الله

__________________________________________________ __________

يييييييي عليكي
انتي عارفة انو من الغباء انك تعيدي نفس الشي مرتين وبنفس الطريقة وتنتظري نتيجة مختلفة..
الله يعينك حاولي قد ما تقدري ترجعي ثقه اهلك فيكي..ميشان تضلي تدرسي
بس ممكن الخير لالك يكون بالرجعة معهم يمكن الله اراد هيك يصير ميشان خير لالك ما بتعرفي يمكن كا ن صارلك شي صعب ومشكلة مكروهة لو ضليتي ودرستي بيكون الله حماكي ...مثلا ..
اسمعي كلام اهلك...
والله يوفقك

__________________________________________________ __________

امممم انا بقولك بكتب لك رساله وانتي عدلي فيها .. وارسلي لها او لهم
بس قبل كل شي .. لازم ترسلينها بدون كذب
يعني تكونين "متطابقه" للكلام اللي بكتبه .. يعني صادقه فـ كل كلمه
ترسلين لهم .. :

ماما .. انا والله ادري اني سويت شي غلط
و والله ندمانه على اللي سويته .. وعرفت ان هل شي غللط
ومتحسسسفه علييه وتكفين سامحيني وافتحي صفحة يديده (جديده)
وانا عرفت غلطي وما راح اكرره لو اللي يصير .. وهاي (هذا) وعد منييي
بس عطيني فررصه وشوفي بنفسك نفس ما قلت لك انا خلاااص متحسسفه انتي بس سامحيني
وانا اتمنى اني ما خيبت ظنج فيني وخلاص انا ما راااح اعيد هل شي
واذا كذبت عليكم ولو نص مره .. لا عاد تسامحيني مره ثانيه
وانا ادري اني على اللي سويته او على الكذبه اللي كذبتها
ما استاهل الهديه و الحفله
بس انا والله اتمنى انكم ترجعون لي البعثه نفس ما كل بنت عندها امنيه
يصير ترجعونها لي لو سمحتووو
و اانا اسف مره ثانيه وثالثه على اللي سويته (الكذبه)


ادري اني "حسست" شوي خذت الدور فـ الرساله https://said.xplainer.net/images/smi...-7gwplast1.gifhttps://said.xplainer.net/images/smilies/winner.gif

طبعا لا تنسخين اللي كتبته لك وترسلينه لهم .. لان راح
يبين ان الاسلوب والكلمات غير .. فـ انتي اخذي منه الفكره او
الاشيا اللي تشوفينها مناسبه .. والله يوفقك ويستر عليج

By The Way .. انا الحين تقريبا في لندن ، ابتعاث
وتقريبا اغلب اللي اهني ما عندهم شي اسمه احتشااااام وخوف من ربهم
فـ والله اتمنى انك تكونين متتحجبه او تتحجبين .. وتسترين على عمرك
وتبتعدين عن هل خرابيط ... واهم شي ربك واخرتك ..

واذا تامرين على شي .. بس اسئليني وكلميني ،، والله يوفقك
ويفوق الجميع

__________________________________________________ __________

ونسيت اقول .. ان شاء الله تردين على الموضوع او تعقبين عليه
وتبشرينا بكل خير ;)

__________________________________________________ __________

أختي لا يكون ندمك لأنك فقدت أمور دنيوية
بل لازم تكوني نادمة لأنك كذبت والله قد حرمه
اعتذارك لازم يكون من مبدأ أنك أغضبت الله عليك أولاً
قبل أن يكون من أجل والديك
شوفي لازم توبي توبة نصوحة وتعزمي أنك ما راح تكذبي
في أي شيء آخر مهما كان
أنت شفت نتيجة كذبك، وكان من الممكن أهلك ما يكشفوك
لكن الله إذا أراد فضح المصر على الذنب، فضحه وهو في عقر داره
فأنتبهي إلى هذا !

لا أعتقد أنك تحبين أن تكتبي عند الله كذابة:

قال الرسول صلى الله عليه وسلم: ( إنَّ الصِّدقَ يَهدي إلى البِرِّ ، وإنَّ البِرَّ يَهدي إلى الجنَّةِ ، وإنَّ الرَّجُلَ ليَصدُقُ حتَّى يَكونَ صدِّيقًا ، وإنَّ الكذِبَ يَهدي إلى الفُجورِ ، وإنَّ الفجورَ يَهدي إلى النَّارِ ، وإنَّ الرَّجُلَ ليَكذِبُ ، حتَّى يُكتَبَ عندَ اللَّهِ كذَّابًا .)

وكذلك لا أعتقد أنك تحبين أنك تكوني من المنافقين:

قال الرسول صلى الله عليه وسلم: ( آيةُ المنافقِ ثلاثٌ إذا حدَّثَ كذبَ وإذا وعدَ أخلفَ وإذا اؤتمنَ خانَ.)

____

ثم أختي أنصحك بالاستخارة بخصوص الدراسة في تلك البلاد، فلا خاب من استخار الله، لأنك يا أختي صغيرة وفي السكن وحدك في بلاد الكفر خطر عليك وعلى دينك.

الله يكتبلك إلي فيه الخير لك ولدينك.