تغير تعامل الناس.. مجابة

عنوان الموضوع : تغير تعامل الناس.. مجابة
مقدم من طرف منتديات نساء الجزائر

تغير تعامل الناس..



السلام عليكم ورحمة الله وبركاته..


إللي عندي ليست بمشكلة ولكن أستشاره..

أنا إنسانه أقدس المبادئ..خلاص عندي مبدأ ماغيره تحت أي ظرف..


طبعا ومن المبادئ الكثيره اللي عندي أن البنت مايضيف لها شئ الزواج..وكنت أتعامل مع الكل على هالأساس...


مستحيل أغير تعاملي مع أي أنسانة لمجرد أنها تزوجت..


ومجمعنا عكس تماماً البنت نكره بس تتزوج الكل يهتم فيها..



ملكة من أسبوع..وقبل الملكة قلت لأخواتي أي وحده طلبت رقمي بعد الملكة ماتعطونها..إللي ماعرفني قبل الزواج لايعرفني بعده..





ولاني أعرف مجتمعنا بالفعل...كثيييييييييييير بعد الملكة طلبوا رقمي..ولا بن البلاك بيري..طبعا كلهم مارديت عليهم..ولاقبلت الإضافه..


مو لشئ بس ماعندي استعداد اتعامل بموجب عقلهم..ولاعندي استعداد يفرضون علي أشياء ماقتنع فيها..



عندي بنات خالتي وحده فيهم من سنه عندها رقمي وترسل لي على الواتس اب رسايل عامه فقط عمرها مارسلت لي شئ خاص أو كلمتني مباشر يمر عيد ورمضان عمرها ماباركت لي..بس درت اني انخطبت بدت ترسل لي شخبارك وتسألني عن أدق التفاصيل..وطبعا ماكنت ارد عليها
والثانيه عندها بلاك بيري من سنه..ولاطلبت تضيفني..بس انخطبت نفس الشئ طلبت إضافتي ولاقبلتها..

وعماتي وبنات عمي..كلهم ماكان عندهم رقمي وأول ماملكت دقوا علي..وانا مارديت على أي رقم غريب..


كثير زعلوا وأولهم بنات خالتي..


طبعا في نقاش زمان مع خواتي قلت لهم وبالأسماء فلانه ..وفلانه..وفلانه..من ضمنهم بنات خالتي وعماتي..وبنات عمي..هذوله يعرفوني من 24 ماقد طلبوا رقمي..بس إذ تزوجت بيعرفوني لكن إذاوطلبوا رقمي مارح اعطيهم..أعرف تفكيرهم



أرفض وبشده أن أكون نكرة وبس اتعرف لاني تزوجت..


نجحت تخرجت..مرضت...ومرت أعياد مافرقت معهم..والحين يوم ملكة تذكروا الحمدالله والشكر بس..معليش ماتقبل هذا الأمر...



أدري ان مجتمعنا كله كذا..بس أنا ماأتعامل باللي يقنعني..


في المقابل صديقاتي وأقاربنا اللي كانوا يتواصلون معي قبل ولاغيروا معاملتهم معي ...أنا معهم مثل ما أنا..ماتغيرت ولن أتغير..بالعكس اقدرهم جداا..وكل التفاصيل أعلمهم أول بأول..بس الباقين أعتذر...



وبالنسبه لي زعل اللي عرفوني متأخر يوم تزوجت مايهمني..



لكن بجد نرفزوني بغباء التفكير هذاا..





كثييير عندهم الأمر عادي يعني الناس يهتمون فيني بعد الزواج..بالعكس ينبسطون بهالشئ..




انا العكس تماماً..حتى كثير والله غيروا معاملتهم معي للأحسن طبعا ومن ضمنهم خالتي..وأنا صرت أصد لاني داخلياً ماأتقبل هالأمر...


مارح أزعل لو عاملوني مثل قبل عادي..بس ازعل أن اهتموا على الفاضي..ولا الأساله الي ماتنتهي..جد جد شئ منرفز..

>>>>> ردود الأعضـــــــــــــــــــاء على الموضوع <<<<<
==================================

الله يوفقك..

عادي الناس أجناس وكل شخض وتفكيره..

المهم الله يكتب لك السعادة وماعليكِ من أحد..

__________________________________________________ __________

شكرؤااا

__________________________________________________ __________

اجل حتى زوجكك كيف بتعامليه ماعرفكك الا بعد الملكه هههههه ماقول الا الله يعين اللي حواليكي https://said.xplainer.net/images/smi...8-n0gfapyo.gif

__________________________________________________ __________

خخخخخخخخخخخخخخخخخخخخخخخ الأخت تفكيرها محدود
الله يعين زوجك اللي ماعرفك الا بعد الخطبة
هههههههههههه

__________________________________________________ __________

الله يكتب لك السعادة