يالله ياربي ما اكرمك وبشر الصابرين(( قصة صديقتي )) - الشريعة الاسلامية

عنوان الموضوع : يالله ياربي ما اكرمك وبشر الصابرين(( قصة صديقتي )) - الشريعة الاسلامية
مقدم من طرف منتديات نساء الجزائر

يالله ياربي ما اكرمك وبشر الصابرين(( قصة صديقتي ))



بسم الله الرحمن الرحيم
اولا القصه اللي بقولها لكم قصة لانسانه عرفتها عن قرب وتعتبر من اعز صديقاتي وهي قصه حقيقيه وربي الشاهد على صدق كل كلمه بقولها لكم
ثانيا الهدف منها اني شفت بعيني كيف ربي يعوض الصابرين
كانت بنت مثل أي بنت عائشه في كنف عائله وهي البنت الكبيره ولها اخت اصغر منها اكثر جمالا كانت حديث الناس بجمالها والكل يتقرب للعائله عشان يخطبونها وكانت الام بس سالفتها في المجالس بنتي جاها العريس الفلاني وبنتي سالوا عنها العائله الفلانيه مع ان الكبيره يجيها ناس بس ماتجيب طاري كان فيه تفرقه بالمعامله
كانت التفرقه واضحه من الاب والام من غير قصد يعني تقولي اختلاف في المعامله بس من غير مايكونون متعمدين وصبرت وكانت تعاملهم بما يرضي الله تخرجت من الجامعه وتوظفت وماخلت شي امها نفسها فيه الا جابته لها ومع ذلك ماتشوفه الام شي ولو تسوي اختها أي شي لو شي تافه راحت تكلمت عنه وانها سوت وسوت وتقول انها في يوم من الايام دخلت على ابوها وماعبرها وجلست عادي ويوم دخلت اختها قال حي ذا الوجه وقام يسولف معاها وهي مصره تقول اانه مايقصد يجرحها بس بكت ذيك الليله الين الصبح( ياليت الامهات والاباء ينتبهون لادق التفاصيل في معاملة اولادهم )
المهم مع كثر الضغوط اللي شافتها من اهلها خاصه ان الموضوع من يوم هي صغيره صار عندها اكتئاب نفسي وتعبت عليهم قالوا عندها عين وما ادري ايش وودوها لشيخ وبدت رحلتها مع الشيوخ والقرايه وكانت بصعوبه تروح للشيخ كل ماقالت لهم تعبانه وانا ما انام بالليل قالولها اقري على نفسك وكانت تواصل الليل بالنهار من غير نووم الين طاحت عليهم وودوها المستشفى هذا الكلام وهي بالثانوي واستمرت بالقرايه حتى وقت دراستها الجامعيه بعدين اكتشفوا انه تحتاج طبيب نفسي وراحت لطبيب نفسي والاب والام مو مقتنعين ان فيها شي بس ربي سخر لها واحد من اخوانها يوديها ويجيبها لذا الطبيب حتى تعالجت واستمرت بالعلاج الين تخرجت من الجامعه تقول والله والله ماشفت يوم حلو متى بعيش حياتي كل ماشفتها ذبلانه وعيونها حزينه وتقولي في رحلة مرضي ما اذكر اختي ابدا انها وقفت معاي ما اذكر سالتني وشفيك وش تحسين فيه ما اذكر انها وقفت جنبي اذكر اني ذيك الفتره وحدي اسهر وحدي وابكي وحدي واحس بالوحشه وحدي اطلع اتمشى معاهم ما احس اني مع العالم ماعمرهم قالوا شفيك او احد جا يسولف معاي كاني شي منبوذ في البيت مع اني في امس الحاجه لهم ولوقفتهم معاي في ذا الوقت بالذات اللي استخدم فيه العلاج وتقول ياما اختها سببت لها مشاكل مع امها عشان تبقى هي الافضل والاحسن في نظر امها وابوها ياما كانت تحتاج تطلع وتروح وتتمشى وماكانت اختها تساعدها ابدا
تقول ومرت الايام وتخرجت من الجامعه والحمدلله تحسنت كثير مع العلاج وخلاص وقفته وتوظفت بعدين تقدم لها واحد وتزوجت استمرت معاه سنه وتطلقت تطلقت وماكانت تعرف السبب فجأه وداها عند اهلها وارسل ورقة طلاقها وبدون اطفال الحمدلله احتسبت الاجر عند الله وصبرت وكانت تسمع كلام من الناس عن طلاقها وكل مره تقول حسبي الله ونعم الوكيل اختها تزوجت بعدها على طول بس اتوفقت مع زوجها يعني وقت ماتطلقت صديقتي كانت اختها متزوجه وتعيش فرحة اول حمل لها وعانت صديقتي ذيك الفتره بس دفنت نفسها في العمل والشغل عشان تنسى شوي كل اللي مر فيها ومع ذلك نفس الشي اختها هذي بعيده عنها كل البعد ولازالت امها في نفس الموال بنتي مافيه مثلها لدرجة تقول يوم من الايام اشتكت اختي من زوجها وكانت امي جالسه معنا انا واخواني وتقول ليه يسوي فيها كذا بنتي مافيه مثلها حتى اختها مو مثلها تقصدني انا حتى اخواني انتبهوا وواحد نزل عيونه
انا يوم قالت لي كذا انصدمت ليه ليه ومع ذالك صديقتي تدافع عن امها وتقول انها ماتقصد بس الكلمه جرحتها
وما نامت ذيك الليله من البكا
تقول راتبي كله لها مع انه قليل واذا تعبت تلقيني بس في المطبخ اسوي لها واحط اذا لمحت في عيونها حزن اتالم واذا بكت اموت ولاتنزل دمعتها تقول هي تحبني بس ذبحتني بعدم المعامله مثل اختي يوم تزوجت اختي كانت امي كلها فخر فيها وبجمالها وكيف زوجها بيطير فيها وبيحب الارض اللي تمشي عليها وان اهل زوجها بيقدسونها كل هذا اسمعه منها وانا ساكته
تقول مرت الايام وكانت اختي تجينا واشوفها مو مبسوطه مره ومافكرت اسالها لانها من النوع اللي حياتي الشخصيه ماتنقال لاحد وجا يوم تنهدت تنهيده قويه وقلت شفيك بسم الله قالت زوجي يرفع الضغط قلت شفيه وش سوى تخيلوا وش ردت عليها ......... قالت وش دخلك شي خاص ؟؟؟ تقول صديقتي انا هنا خلاص وقفت توبه اسالها ثاني مره عن حياتها تقول واحيانا اسمعها تشتكي لامي في التلفون وامي بعد ماتسكر تبدا تبدا تسب فيه وليه يسوي كذا وليه وليه وين يلقى مثلها واهله وامه وانها لو تحب السما ماراح يدخل عليهم مثلها ومن ذا الكلام بعدها عرفت ان فيه بينهم مشاكل
ومرت الاياام وتقدم لها واحد مطلق وعنده ولدين وبعد السؤال عنه وافقت لانه من قرايب امها من بعيد ويوم الشوفه تقول انصدمت فيه لانه تقول طويل ووسيم وطول الوقت يتبسم لها بنظرة رضى تقول كنت خايفه خايفه من المستقبل خايفه تنجرح مره ثانيه ماعاد فيها تتحمل اكثر من كذا رجع اتصل يبي يعرف وش الرد ومن خوفها وعدم ثقتها ردت بالرفض هو تحطم لانه كان يبيها واعجبته يوم الشوفه بعد كم يوم تصل عليها خالها يقولها فلان اتصل علي ويبغى يعرف ليه رفضتيه وش الاسباب واللي تبينه بيصير هي استغربت ليه وش اللي فيني لذا الدرجه اعجبته ( ما درت اذا ربي كتب نصيب خلاص مايمنعه شي ) مالقت اسباب تقولها لخالها قال خلاص ابخليه يجي ووافقت خاصه انه اعجبها اصراره
وجا وتمت الملكه وخلتها جدا عائليه في زواجها الاول الملكه كانت في استراحه وفخامه وهيصه وعالم والزواج نفس الشي بس وش استفادت ولاشي في زواجها هذا الملكه والزواج كلها عائليه وشافت فيه اللي حتى ماكانت تحلم به كل ماجا جاب معاه هديه اغلى من الثانيه ماخلى شي الا سواه لها اعطاها مهر كامل يوم الزواج حجز لهم سويت في افخم فندق بالرياض اليوم الثاني كان حاجز شهر العسل في دوله اوروبيه تقول بعد مارجعت من شهر العسل وكانت مبسوطه تذكرت ورقة طلاقها من زوجها الاول وهي تقراها وسط دموعها قالت( اللهم اجرني في مصيبتي واخلف لي خيرا منها ) وعرفت ان ربي مايضيع احد
قبل زواجها وفي ايام الملكه ماهان عليها تترك امها بدون شغاله تساعدها وخاصه انها بعد سفر الشغاله الاولى كانت هي اللي تساعد امها في البيت اخذت من مهرها واعطته ابوها وقالت ما ابي احد يدفع تقديم شغاله لامي الا انا ولاتسالوني ليه ( كانت تبغى ربي يوفقها بزواجها ويسعدها ويسخره لها ) ووالله يابنات واقسم بالله العظيم انها من اسعد الناس بزواجها الحين وتقول انه حتى لو تجيب له كاس مويه يحب على يدها ولو تطلب منه يوديها لاهلها حتى لو اخر الليل يقوم يوديها ماشاء الله تبارك الله واول ما حملت استقدم لها شغاله من غير ماتطلب وعرفت ان هذا من فضل ربي عليها لرحمتها بأمها والحين عندها ولد وبنت زي القمر ماشاء الله تبارك الله
اكيد بتسالون اختها وش صار عليها طبعا الحين هي تزوجت خلاص صديقتي يعني مافيه اسرار تتخبى صارت لها مشاكل مع زوجها واقسم لكم يابنات تقول لاطلعات ولاروحات ماعليه منها تتعب ماتتعب مايهمه الشغاله ماجابها لها الا بعد طلعت روح بعد المولود الثاني تقول صديقتي دايم اختها تتصل وتبكي وتقول انه يقول لها انتي شايفه نفسك علي وعلى اهلي دايم يحطمها يقولها خلاص كبرتي بالعمر وهي توها صغيره بس لان عمرهم مقارب لبعض اثاث البيت ماغير فيه ولاشي دايم تقوله ابحط واسوي وهو رافض والله صديقتي تقول عمري ماتشمت فيها تقول والله اني ارحمها واتألم عشانها واعطيها حلول بس زوجها راسه يابس عنيد حتى الكلام الحلو مايقوله لها وسفريات مافيه مطاعم مافيه اذا راحت السوق لازم مع اهله مهما سوت في عيونه ولاشي لا هو ولا اهله ملت طفشت تقول صديقتي وانا اسمعها تشتكي اقول في نفسي وينك عني ذيك الايام يوم اتمنى اخت قريبه مني تواسيني وانا الحين كل مادقت ارد واشاركها همومها واحزن عليها لكن الشكوى لله

فيه شي ماذكرته لكم صديقتي هذي من راتبها وجزء من مهرها سوت لامها غرفة نوم خياليه وعدلت بالبيت اشياء كثيره وتقول قسما بالله كل شي كنت اسويه في بيت اهلي وما يعبرونه ولايهمهم سواه لي زوجي من غير ما اطلب تقول كل ماشفت حياتي قبل والحين عرفت ان ربي اكرم الاكرمين واسجد شكر له
كانت امها تشوف ان اختها بتشرفها قدام الناس وترفع راسها كونها جميله
صارت صديقتي هي اللي مشرفه امها قدام الناس وجماعتهم خاصه انه يقرب لامها والكل يمدح سناعتها وشطارتها في بيتها واولادها ومن فتره لفتره تكلمها وحده وتمدح صديقتي وعزايمها
يارب يتمم عليها سعادتها واختها ربي يسخر زوجها لها
الطريف في الموضوع ان امها مصره على ان اختها مافيه مثلها احد وانها اخذت واحد مايستاهلها لدرجة انها تقول هي تناسب تكون مع زوجك تقصد زوج صديقتي يعني يناسبون بعض هههههههههه
ياااربي ماتتوب هههههههههه
المهم سامحوني على الاسلوب اول مره اكتب سالفه طويله
وشكلي ماعرفت اصيغها صح بس اهم شي المعنى وصل
هي تتمنى تدعون لها وهي عارفه اني بكتب قصتها حتى تعطي أي وحده عانت في حياتها امل وان بعد العسر يسر وان ربي مايضيع احد

اتمنى انكم تتدعووولي بظهر الغيب الله يحقق اللي ببالي ويختارلي الزين في حياتي,,,
منقوووووووووووووووووووووووووووووووووول

>>>>> ردود الأعضـــــــــــــــــــاء على الموضوع <<<<<
==================================

.................................................. ..................؟

__________________________________________________ __________

https://im10.gulfup.com/2012-01-29/1327865611274.gif

__________________________________________________ __________

جزاااكك الله خيييير

__________________________________________________ __________

سبحان الله قصة فيها الكثير من العبر
ماأكرمك ياااااااااااااااااااالله
أسأل الله أن يديم عليها السعادة وأن يهدي زوج أختها وأمها
مشكورة أختي

__________________________________________________ __________

في ميزان حسناتك ويارب تسعدها سعاده لاتشقى بعدها