السلام عليكم ورحمة الله وبركاته
انا داخلة واحس نفسي مخنوووووقه وقريب اموت استغفر الله
انا بنت عمري 23 خلصت دراسه والحمد لله بعد كم شهر من تخرجي تقدم لي شخص يشتغل في الكليه اللي كنت ادرس فيها
انا ممكن كانت غلطتي مافكرت كثير في الموضوع واخدت وقتي العاطفه خلتني اوافق بس بعد حفلة الخطوبه تغيرت اشياء كثيره
اول شيء مشاعري اتجاه هذا الشخص تغيرت نهائيا ما احبه ولا اتقبله ثانيا حسيت نفسي تسرعت في الموضوع لان في اشياء كنت مقتنعه بيها بس الحين لا
واكتشفت ان طبعي ما تمشي على اطباعه انا تعبت كثير في بيت اهلي ولما هو ايقولي لما نتزوج كل شيء عليك اكره نفسي يعني بيسلمني مسؤولية كل شيء الا الحاجات الماديه يوفرها لي
المشكلة لما اقوله الزواج مشاركه ايقولي لا في حاجات للنساء وحاجاات للرجال ومع هذا كله ما علينا قلت اوكي ....
احاول اختصر الامور في نقاط وانتوا فهموني هل انا على حق او لا ؟؟
خطيبي معاه فايروس بي الخامل (( طبعا طبيا ع حسب علمي ان الفايروس مش خطير وبما انه خامل فعادي يقدر يتزوج وينجب وما ينتقل للزوجته اذا اخدت التطعيمات )) انا قلت اوكي عادي وبلعكس كان هالشي اخر موضوع ممكن افكر اني اتركه عشانه
قبل الخطوبه قالي ان هو حيبدا يبني فوق بيت اهله ولو ماخلص ممكن يأجر بعد الخطوبه طول قالي ممكن نأجر لان البني يبي وقت قلتله انا مو مستعجله قالي انا كبير للعلم عمره 32 مو مستعد اضيع عمري ولما زدت ناقشته قالي اصلا انتي الشي هذا مادخلك بيه ووين ما انا ابي اسكنك اسكنك
لما اسوي غلط او حتى تصرف ما يعجبه يعامل فيا بالمثل وانا هالشي ما احبه ولا احبذه ابدا
انا واعوذ بالله من كلمة انا انسانه متعوده على التطور وتتبع كل شيء جديد حتى العلم احب استمر حتى لو وصل عمري ال50 بس هو ع نفس المستوى ايقولي خلاص عمري ما يسمحلي !!!
واللي زاد عقدتي من الموضوع احيانا اقله ع شيء ما ابي اهلي يعرفوه يروح يقوله لامي ولما اقوله ليه ايقولي انتي عارفه امك كيف تسحب في الكلام ؟؟!!!!
والعقده الكبيره عندي ان امي مو واقفه معاي ابدا وعندها هو ملاك وانا غلطانه في كل شيء حتى اني نفسي احكي معاهاا عن كل هذه الامور عشان تحس فييني بس تقولي خلاص دام ان صار فيه خطوبه وابوك اعطى كلمة للناس ما حنتراجع فيها ؟؟ سألتكم بالله هل الشيء هذا حق والا باطل ؟؟
الحيين احس نفسي في دوامه مو قادره عليها كرهت خطيبي (( بالرغم احترامي الشديد لامه وعيلته )) بس مو قادره اتواصل معاه يكلمني شوي واحس نفسي بسكر الجوال لما افكر في الزواج اخاف واكره التفكير فيه
تفكيري للحين مو متقبل حياتي الزوجيه معاه بالرغم ان في حاجات ايجابية كثيييييرة صرت مو مقتنعه بشيء لدرجة اني اخاف حتى اني افكر فيه لا ليلي ليل ولا نهاري نهار كله خوف في خوف وقلق في قلق وافكر هل اني مكتوبلي اعاني عند اهلي وعنده هو وهل علي اني اتحمل كل هالظروف واقبل ؟؟؟؟
انا ولله الحمدلله استخير في ربي كثيييييير في الموضوع بس للحين مافي شيء مطمني انا محتاجة اسولف مع حد شخص ينصحني يدلني ع الطريق لان بجد تعبت واحيانا اول ما اصحى من النوم افكر ان لو ربي ياخدني له اريح لي لان الدنيا كبيره وصعبه عليا
ساعدوني وانصحوني ارجوكم
