شايله هم العالم ولاحد داري عني مجابة

عنوان الموضوع : شايله هم العالم ولاحد داري عني مجابة
مقدم من طرف منتديات نساء الجزائر

شايله هم العالم ولاحد داري عني



مدري من وين ابدأ او وش اكتب

حاسه اني مخنوقه وكل اللي حولي منافقين وكذابين

انا متزوجه وجالسه في بيت اهلي لاني متوظفه بمدينة اهلي وزوجي في مدينه ثانيه ويجيني تقريباً كل اسبوع

مشكلتي مع اهلي ماتتصورون قد ايش عايشين في شتات ولاحد داري عن الثاني كل واحد يقول هو الصح والثاني غلط كل واحد فيهم يدور على مصلحته وبس

تعبت احاول اجمعهم مع بعض ما اذكر اننا جلسنا مع بعض جلسه مثل العالم والناس

ابوي الله يهديه متغير من فتره طويله بس قاعد على النت يسولف مع البنات لابارك الله فيهم والايام ذي شاكين انه صار يكلمهم اخواني واخواتي شاكين في الوضع ودايم يشكون لي واقول مستحيل وكذا وانا متأكده ان هذا الشي صحيح بس مابيدي شي غير كذا
اسلوبه معانا ومع امي مو حلو ابدا دايم يسب فينا ويشوفنا ولاشي ودايم مكشر وزعلان

وامي الله يهديها اسلوبها بعد غلط تطلع مع صاحباتها للمولات والجمعات كثير واوقات يصير خناقات كثيره بينهم توصل لدرجة انهم مايكلمو بعض بالاسابيع

اما خواتي اه من خواتي اللي اكبر مني مو متزوجه وتو انخطبت والله يابنات فرحت لها لاني تزوجت قبلها وكنت شايله همها ومن فرحتي فيها كنت ابغى اسوي لها كل شي نفسها فيه

بس يابنات قهرتني كثير
انا قلت لكم اني متوظفه من سنه تقريبا وعندي بنتين وقاعده عند اهلي فاستحي منهم كثير واصرف عالبيت قد ما اقدر واعطي اللي محتاج واحاول ما اقصر معاهم لاني ماحب افرض نفسي وبناتي عليهم ولما انخطبت اختي قلت فرصه اعطيها شي لان بناتي يقعدون عندهم وقت دوامي وفعلا شريت لها اشياء كثير وبعدها وصتني اجيب لها اغراض وقالت بعطيك الفلوس ولما جبتها تفاجأت انها خلصت مهرها كله يعني كانت تاكل بعقلي حلاوه ولاقدرت اقول شي غير انها كل شوي طالعه لي بسالفه ابغى وابغى وابغى طيب انا من وين لي دوبي توظفت وعندي بنتين ومصاريف والتزامات واهلي شايفين كل ذا وساكتين كانهم مو شايفين
ابوي مو راضي يدفع شي وامي بس ترمي بالكلام انتو ماتعطوني انتو ماتدرون عني

طيب وش اسوي والله امي ما اقصر معاها والبيت انا اشتري اغراضه في الغالب واخواتي اعطيهم واخواني ما اقصر معاهم واحد ادفع له اقساط السياره اوقات والباقين اعطيهم اذا احتاجو

من يوم توظفت ماشريت لي حاجه براتبي كله بس اطارد ورى اهلي ابي ارضيهم

وفوق هذا كله حتى شكرا ما اسمعها
بناتي اجي من الدوام يرمونهم علي كانهم ماصدقو يفتكو منهم
طيب انا تعبانه ريحوني شوي يعلم الله ماعمري قصرت عليكم بشي ابي بس تقدير واحترام

عارفه ان كلامي ملخبط واني اصلا مو عارفه وش ابغى بالضبط بس ابغاكم تواسوني شوي
علموني كيف اغير طبعي الاهبل الغبي هذا
وكيف اتعامل مع اهلي واجمعهم سوا ؟
تعبت والله تعبت

>>>>> ردود الأعضـــــــــــــــــــاء على الموضوع <<<<<
==================================

يختي وفري شي لنفسك واخوانك اللي قاعده
تعطينهم بذا الطريقه ولايشكرونك ولايحترمونك
بكره لا احتجتيهم والله مايقفون جنبك
حاولي ماتعودينهم كذا لان تعبك راح لهم
مابقول لاتعطيهم بس اعطي لامك وبس
والباقي احفظيه لك ولبناتك
مثلالوجمعتي لم مبلغ كبير تستري لك شقه
وتأجريهاومن ورا اجارهايجيك مصروف وتقدرين تتركي وضيفتك وتتفرغين
لبناتك وتعيشين مع زوجك احسن من الذل اللي انتي فيه

__________________________________________________ __________

بقولك شي الرجال المفروض امك تعتبره كطفل دليليه وفري كل طلباته وامك ماعطت ابوك حقوقه ولاشي اشلون تبين يعاملك بابتسامه عريضه اكيد لا بيكون طول الوقت معصب ومو طايقكم لان محد يهتم فيه خلي اخواتك يهتمون فيه اكثر حتى لو ماعطاكم وجه انتي اعزميه عندك بالبيت حاولي حتى لوطنشك حاولي بس لاتياسين ودي له الاكل لغرفته قوليله وش تحتاج وامك ماتدري عن هواه داره حبيبتي المشكله كلها تكمن من امك اذا غيرت تصرفاتها بتتغير حياتكم من الالف الى الياء حاولي كلميها لمحي لها انها بتخسر ابوك قولي لها قصص عن الحريم اللي مايهتمون في بيتهم بس لاتقولين لها ابوي يكلم البنات لان المساله بتتعقد وبتكره ابوك اكثر اما بالنسبه لاخواتك فلا شيلين هم تدرين ليش لان الللي خلقهم ماراح ينساهم لان اللي خلقهم ارحم مني ومنك وكل شي بهالدنيا قسمه ونصيب اذا الله كاتب لهم الزواج بيتزوجون وماتدرين يمكن خير اهم شي الدعاء فهمي اختك انو مايكفيك الراتب ولاتعطيها كل يومين لانها ماراح تعتمد ع نفسها وزوجها ماراح يصر عليها دامها تلعب بالفلوس تضيعيها باشياء تافه اما امك بيني لها انك تحبينها ومهتم في امرها حاولي تتقربين من امك كثير شوفيها ايش تحتاج اخوانك لاتدفعين لهم لااقساط ولاشي ساعديه اوكيه ماقلنا شي لكن يتحرك ويدفع الباقي ليش حضرته مايشتغل وربي ع كذا ماراح يشتغلون ولاشي انتي معطيته وجه المشكلة من طيبة قلبك اقسي ع اخوانك واختك شوي وشوفي نفع ولا لا وردينا خبر
الله يفرج همك حبيبتي
انا سمعت الناس سجلو بضمان الاجتماعي جيراناا حمدالله الحين تجي لهم تقريبا 1500 والله مو متاكده بس ذولا للناس المحتاجه سجلي فيه

__________________________________________________ __________

أنا ضد كلام الأخت وسام الصبر تقولك ولا أتركي الوظيفه ورتاحي من الذل اللي نتي فيه. تمسكي بوظيفتك لوما هالوظيفه كان الحين الله يعلم بحالتكم يا إختي. لوماهالوظيفه كان نتو في ضيق وزوجك في مدينه ثانيه ممكن تجيك لحظات وتحتاجين مصروف. بالنسبه انك تعطين أهلك وتساعدينهم مومشكله بس لاتعطينهم دائم. نتي بصراحه غلطانه كل مره يطلبونك تعطينهم. قول ماعندي. وصرفت الفلوس بأعراض العمل والبنات خلي هالكلام عذر كل مره ترتاحين منتي مجبوره تعطين مصروفك خليه لك ولبناتك وامك عطيها. أهم شيء امك وبس وماعليك من إخوانك وخواتك وإذا لمحوك بالكلام طنشي ولاكأنك سمعتي. ساعدي نفسك بهالشي يا إختي بترتاحين. ؤنتي شايفه الحين مهما تسوين معاهم ما يشكرونك ؤلاشي.

__________________________________________________ __________

انتي مافهمتي يااختي قلت ليهاتجمع فلوس من وضيفتها مببلغ تشتريبه شقه وتأجرها
وبأجارهايسيرعندهافلوس ع طول وتترك الوظيفه وتستقرجنب زوجهاالعمريجري وهي ماغيرتتعب وتحط فلوسهل هناوهناولاهي وفرت ولاهي ارتاحت واجار البيت بيكون ليهاع طول لوالفين في الشهرخيروبركه

__________________________________________________ __________

إذا هذا قصدك مومشكله بس مابيتغير شيء حتئ لو خذت شقه وأجرتها مدري عن ظروف الأخت يمكن ماتقدر تروح تسكن مع زوجها. إذا ماتقدر تروح الأفضل تبقى على وظيفتها.