.... مشكلتي تشيب الراااس ..... الطبيب يجيب
عنوان الموضوع : .... مشكلتي تشيب الراااس ..... الطبيب يجيب
مقدم من طرف منتديات نساء الجزائر
.... مشكلتي تشيب الراااس .....
السلام عليكم ورحمة الله وبركاته
ترددت كثيرا اني انزل مشكلتي بس أمانه إلي تسمع قصتي لا تدعي على أحد ولا تتحسب الله يخليكم ادعوا لهم بالهدايه https://said.xplainer.net/images/smi...7-vzp7onvp.gif
كدى انا ما احب ازعل أحد ولا اجرح مشاعر أحد
طيبه ما ابغى امدح بنفسي بس هذي انا
بس تعرفوا اكتشفت انو الطيبه ما تنفع
قصتي بدأت
خطبت وعمري 18 سنه وفضلت سنه ونص مملكة اروح واخرج مع زوجي وانسوي إلي نبغاه ما عدى شي واحد إلي هوا الدخله كنت مره احبه وما احب أزعله كاان احيننا يخاصمني زوجي هو من النوع العصبي جداا
إلي من اي سبب ممكن يزعل ويعصب انا بارده جدا وما احب المشاكل
ببيت اهلي ما كنا نخرج اماكن كثيرة بس لمن خطبت كنت اخرج اخواتي معايه كان لمن يشتريلي هديه يشتري لأخواتي معايه ويقلي انا ما ابغى اخواتك يغاروا منك مع إن اخواتي قنوعين تصورا لدرجه إن كان يخرج معنا لمن كنا نعفش لبيتنا الجديد وابويا معتمد عليه كان قمة الادب مع اهلي
وكان يقلي انا احب اختك الثانيه وانا كنت اغار واعصب وازعل وبعدها يقلي انا امزح معاك نحن 4 اخوات ما شاء الله انا مو الكبيرة ولا الثانيه الثالثه ترتيبي واختي الاصغر مني بكم سنه 4
المهم بحكيكم عن اختي الصغيرة إلي هيا بالثنوي مراهقه وللأسف بويا يعني شاذة الله يصلحها ويهديها كانت مررره تتعب امي واهلي وكل البيت لدرجه إنها تهرب من البيت بملابس وبدون عبايه مفكره نفسها ولد
مره هربت من البيت وعرفنا وقمنا اندور عليها الحاصل البنت انخطفت
وخطفوها مجموعه شباب هذا إلي عرفناه وقعدت يوم كامل برا البيت والكل يدعي ويستغفر وخايفين لا يصير لها
انا ايش سويت وللاسف هذي أكبر غلطة ارتكبها قلت لزوجي كان زواجنا بعد شهر ...
زوجي صار يدور عليها واخرج معاه ونروح البحر ندور عليها ما خلينا مكان
اهلي بلغوا الشرطة وكانوا نفس الشي بدوروا عليها
ثاني يوم دقت الاخت تقول انا عند وحده من صاحباتي ومره مستانسه لا احد يخاف عليا طبعا لأني انا اقرب وحده لها دقيت على الرقم إلي دقت منه
وقتلها دحين تقوليلي فينك وانا وزوجي راح نجيبك بعدها بنص ساعه دقت وقالتلنا انا بالسوق الفلاني
تصورا إني نمت ببيت زوجي انا وياها يومين لأن اهلي مره كانو غاضبين عليها زوجي نام بالصاله
المهم بدأت اختي تفتح قلبها لزوجي وتقولوا عن الاسباب وليش هيا بتسوي كدى ومن هالكلام وما ترضى تتكلم قدامي كنت انا بغرفه النوم وهيا معاه بالصاله والباب مقفل وقالت له كل شي عن حياتها وقالت له عن مشاكلنا بالبيت يعني فضحت المستور وصارت كل يوم تكلمه رجعنا بيت اهلي وصارت تقولي اديني جوالك ابغى اكلم زوجك وزوجي كل كلامها كان يقوله لمين ليا ولأختي الكبيرة عشان ايش تنتبيلها وكان دائما ينصحها ويوقل لأختي راقبيها وراقبي مكالماتها مع صاحباتها ترى كلهم سيئات ومن هالكلام وصارت بكل خرجه تبغى تخرج معايه تصورا وحده مع خطيبها واختها لاصقه فيها احيننا يطنشني ويكلمها صرت احسها ضره مو اختي وفيه ايام احيننا زوجي يحطني بالصالون عشان ميش شعري لأني خلاص كنت بحضر لزواجي وما ترضى تطلع معايه وانا كنت اتركها ومره وبليله تختيم القرآن ما رضيت اتصلي معايه وإلا تبغى تروح لدكتور الاسنان وتفصل من عند الخياط المهم زوجي حطني وكانت امه تستناني اصلي صلينا الحمد الله ورجعت مع اهله قالي ارجعي مع ابويا طبعا اختي معاه لمن رجعت لقيتهم بالبيت جالسه معاه ومع اخته
انا ما قلت شي ...
صارت مشاكل مع اخويه وزوجي وامي
لأن امي قالت لأختي إنتي ليش تطلعي معاهم وليش دائما يشتريلك هدايه إيش بينك وبين زوج اختك وخاصمتها راحت اختي قالت لزوجي امي كدى تقول إيش بينك وبينها وقالت له كل شي وزوجي زعل واتجنن وايش تقصد امك انا وانا ومرره عصب وزعل والحمد الله بيوم الفرح قبلها بكم يوم اتصالحو تزوجنا والحمد الله وبعد زواجي بكم شهر حملت وصارت مشاكل بين اخويه وزوجي وحرمني من زيارة اهلي لشهرين المهم تصالحنا ولله الحمد وزوجي بطل يحتك بأهلي بالمرره وما صار يزورهم ولا شي إلا قيييل وبطل يكلم اختي وصار يهتم لي انا وبس والحمد الله
ومشيت حياتنا بهدات بال صرت بالشهر الخامس وانا سعيده جدا بإنتظار مولودي الاول وما افرح من هنا إلا اتنكد من هنا بس الحمد الله على كل حال اختي الصغيرة دق على البيت الولد إلي خطفها ويقلها انا احبك وانا ابغى اخطبك ومن هالكلام الكذب قوليلي مكان بيتك واديني رقم جوالك
اختي قالت له إذا تبغى تخطبني تعال واخطبني المهم دقت على مين عليا انا وطلبت زوجي قالت له كل شي عن هرجه الولد وبعدها قالت لأختي الكبيرة اختي فاض الكيل فيها قالت لها ترى زوج اختك قالنا كل قصتك مع الشباب دول وكان يقول ليا ولأختك اختي الصغيرة إنفاضت بالبكاا وحزنت كثير وبعد بكم يوم قالت لأختي إنتي ما تعرفي إيش بيني وبين زوجها
قالتلها إنوا زوجي كان يقلها إنوا هوا ما يحبني وهوا يحبها هيا وبس
ولمن خرجت على الصالون كانت هيا معاه بالبيت مو بالسوق وبيوم تختيم القرآن على كلامها إنوا كانت معاه برضوا بابيت وكانوا بخلوه ولمن كنت استانها بالغرفه كانت برضوا بالصاله وسوا كل شي ما عدى الدخله وامنتها إنو ما تقول لي ولا لأمي اختي ما قالت بس لمن كانت تكلمني احيننا تسألني اسئله غريبه تقلي إنتي إيش الشي إلي ممكن ما تسامحي زوجك عليه قلتلها الخيانه
بعد بأسبوع اختي الصغيرة قالت لأمي وماما بعدها بكم يوم دقت عليا تقلي إنتبهي لزوجك ومن هالكلام ودقتني كثيييير وقالتلي إنتي عارفه
انا قفلت من هنا وصرت ابكيييي واقرأ قرآن جاه زوجي وقالي إشبك قلتله ولا شي بس خاشعه مع القرآن وانا الصراحه مو مع القرآن مع التفكير
خرج زوجي للعمل كان دوامه بالليل دقيت على امي وقلتلها ماما إيش القصه إنتوا ليش تتكلموا معايه بالغاز وفضلت ورا امي إلين ما قلتلي اختك وزوجك انا كانت صدمي قووويه جدا صرت ابكي واقها كيف ومتى واسئل بوس تقلي لأ اقلها حضن تقلي لأ قالتلي كل شي ما عدى الدخله
انا انهرت بزياده وقلتلها بسرعه نادي اخويه وما جلست بالبيت اخدت كل اغراضي وهجيييت وجيت البيت وانا منهارة وقلت لأخويه إن عينه طويله عشان كدى حردت لبيت اهلي ابويه كان نايم المهم رسلت رساله له قلتله طلقني حرام عليك
صار يدق وانا ما ارد خرج من عمله وما لقاني بالبيت بيت اهله قبال بيتي
دق على امه قالتله انا كلمتها وقالت إنها ببيت اهلها صار امه وابوه يدقوا عليه وانا ما ارد إلين أخته دقت على اختي وردت اختي وقالتلها على المشكله كلها بعدها كلمته قلتله إيش تبغى قالي إيش فيه إيش القصه
قلتله اختي قالتلي كل شي قعد يقولي إيش قات قلتله كل شي صار يصرخ ويقول لأهله طلعوني ...... يا ابوياا
ودق عليا وقالي انزلي اتفاهم معاكي ما رضيت وامي قالتلي لا تنزلي طلع وصارت مناقشات وكلام وصياح واهله جاه واتخاصمت امه مع امي وجات اختي وواجهته وابويا صحي وعرف بالمشكله كلها
هوا يقول إنها كذابه وحلف بأغلى شي وهوا الولد إلي ببطني وهيا تقول لأ هوا سوى وفعل وكان يقلي انا ما احب ... انا احبك إنتي وبس
وحلفت على نفسها اتخاصمو ورموا بعض بالجزم
وبعدها ابويا رجعني معاه
وفضل يكلمني بالسيارة ويقول لي انا كنت طيب معاكم وسويت وفعلت
انا مو مجنون عشان احط السيف على رقبتي يعني لو ابغى افكر اخونك
ما اخونك مع اقرب الناس لك اخونك مع وحده غريبه وبعيييده عنك
ويقولي طيب لو انا كدى ليش لمن امك تكلمت ما وقفت مع امك وقالت فعلا كدى وكدى ليش وقفت معايه ضد امك
وقلي كمان لو انا ابغى اسوي فيها شي ما اجي اروح اقول لأختك راقبيها
وما اجي اقلكم علي صار معها ولا اقلكم إنتبهوا لأختكم
ويقول لو واحد غيري عرف عن اخت مرته كدى ما يرضى يكمل معاكي
بس انا شاريكي واحبك ومو خسيس عشان اتخلى عنك
طبعا انا صدقت هالكلام
رحت وسألت اختي
اختي تقول إنه كذااب وكان يشتريلي الحاجات مقابل هالشي وكان وكان وكان وقالتلي على الخرجتين إلي قلتهم سابقا
وقالت انا كنت طالعه من ازمه الشباب وهوا استغل نقطه الضعف وبدأ يوهمني إنه يحبني وانا كنت بضعف وهوا كان اول من وقف وساندني
بتكلم دحين عن نفسي
((((( اناااا ))))))
بحيره وشك من امري اصدق مين
لو فعلا هالشي صار بينهم واختي طلعت صادقه مو كذابه
ليش سوت هالشي معاه ليه باعتني وانا كنت اقرب الناس لها كنت اساعدها واخرجها معايه عشان لا تكون طفشانه كنت لمن تحتاج فلوس انا
اول وحده تديها كنت احبها واحن عليها ليش غدرت فيا وكانت دائما تقول انا احب ... اكتر وحده بخواتي
طب لييييش بعتيني وخنتيني ومع مييييييين
مع اغلى ما املك مع زوجي مع حبيبي مع نور عيني انا قاعده اكتب وانا ابكي غبشت عيوني مو قادره اشوف الكبيورد
طيب هوا لو خاني لييييش يخوني وانا كنت اعطيه كل إلي يبغاه وما كنت باردة وما كنت مقصرة وكنت امسمع كلامه بكل شي يبغاه وكيف يخوني قبل الزواج بشهر يعني فيه احد يسيب الحلال ويروح للحرام
ليش وليش وليش
الله على قلوب البشر
يلا الحمد الله على كل حال
طيب لو هيا كذابه ليش كذبت علي واتهمت زوجي بهذا الإتهام هل عشان تنتقم منه لأنها عرفت إنه ما يؤتمن على اسرارها وقالت اجيله من اليد إلي توجعه ولا عشان تفضحوا زي ما فضحها بين اخواتها وليش ما قالتلي قبل الزواج قبل لا يطيح الفاس بالراس
ليش وليش وليش
انا كرهت اختي وعايشه مع زوجي
اكيد بتقولولي ليش ما كرهتي هوا بقلكم انا صدقته
وبقلكم ان هوا بالأول وبالأخير غريب وإن هيا من دمي ولحمي
يالله الاخت تخون اختها والزوج يخون زوجته مع اختها طيب لو كانت كذابه ليش تعيشني كدى
انا ما عندي راحه البال ما اقدر انام مرتاحه البال
انا انجرحت وانطعت من اغلى اثنين هذي القصه لها تقريبا مو من رمضان هذا إلي مر من رمضان إلي قبله
انا حاليا خلفت الحمد الله وحياتي مستقره مع بعض المشاكل
لكن لو كل مياه العالم تطفئ نار قلبي فلن تستطيع
بس بقول شي لو كانوا فعلا خانوني فأنا مسامحتهم مو من شي عشان ربي يحفظلي ولدي إلي أندعى عليه وهوا ما له ذمب وعشان أحتسب الاجر لله
اتمنى من الاخوات إن ما تدعي على احد وتدعولهم بالهدايه
وتدعوا لي الله يصبر قلبك ويفرج همك
هذي قصتي وهذي مأساتي
بس الحمد الله على كل حال
والسلام عليكم ورحمه الله وبركاته
>>>>> ردود الأعضـــــــــــــــــــاء على الموضوع <<<<<
==================================
اقول لك الصراحه ولا تزعلي؟؟
وتصدقي وتآمني بالله؟
المصيبه في اختك
وزوجك صادق وماخانك ولكن اختك خرّابة بيوت وانسانه مو طبيعيه
يعني بويه
وهربت من البيت وراحت مع شباب
ووصل الموضوع للشرطه
ونامت برا البيت والله اعلم مع مين
كل هذا؟
وتصدقوها وتكذبون ابن الناس؟
اختك اللي انسانه مو طبيعيه وحاقده ولكي اكون منصفه ولو قليلا معها
فربما هي مريضه
عزيزتي
عيشي مع زوجك حياة طبيعيه وحاولي قدر الامكان ان يكون احتكاكك باهلك قليل
لان بصراحه في بيت اهلك هناك انسانه غير طبيعيه
ربي يسعدك وانسي كل اللي فات بضمنهم اختك
تحياتييييييييييييييييييييييييييي
__________________________________________________ __________
اختي .. عطي زوجك فرصة ثانية عشان اللي ببطنك واذا هو كاذب او صادق الايام الجاية بتكشف لك الحقيقة
ربي يعوضك عن كل الهم والحزن اللي شفتيه بحياتك امييييييييين
__________________________________________________ __________
اختي العزيزة توجهي للحي القيوم بالدعاء الصادق انه يريح قلبك بالحقيقة
وانه يفرج كربتك
والله يهدي الجميع ويستر على نساء المسلمين اجمعين
والصراحة اختك حسب القصة والله علام الغيوب كذابة
حافظي على بيتك واسرتك وصوني نفسك ووكلي امرك لله وحده فلن يضيعك
اسأل الله ان يريك الحق حقاً ويرزقك اتباعه ويريك الباطل باطلاً ويرزقك اجتنابه
وكل عام وانتم بالف صحة وخير
__________________________________________________ __________
لا حول ولا قوة الا بالله
اختك انسانه مريضه ضرورى تتعالج
انتى عشتى مع الاثنين واكيد تعرفتى على مصداقيتك كل واحد ومن فيهم الكاذب
انا من رائ تكملى حياتك وتتناسى الموضوع عشان طفلك
__________________________________________________ __________
قصتك قصه الله يفرج همك
بس من خلال قصتك يتضح لي ان اختك الله يهديها مريضه يمكن تعاني من شي وشو هالشي الله اعلم بعدين يكفي انها بويه
وبنسبه لزوجك احسه صادق احس اختك تتبلى عليه يمكن قالها كلام عادي وهي فسرته ع انه يحبها ويموت فيها لاكن حركات ابداً ماتوقع
واسئل الله ان يطفي النار الي بقلبك وحب اقولك دامها سالفه قديمه ياخيتي انسيها لاتتعبك وتطيحك من حيلك
واهتمي ببيتك وزوجك وعيالك الله يخليهم لك ويخليك لهم
