الله يخليكم ساعدوني.. -تم الاجابة

عنوان الموضوع : الله يخليكم ساعدوني.. -تم الاجابة
مقدم من طرف منتديات نساء الجزائر

الله يخليكم ساعدوني..

السلام عليكم ورحمة الله وبركاته

رح ابدأ مشكلتي

أنا سورية وعمري 20 سنة تزوجت من سنتين لواحد سعودي وعندي توأم الحمد لله وأنا بحب جوزي كتير وهو بيحبني بس مشكلتي هيي مع أهل جوزي أخواتو 4 وكلن متزوجين ومو بنفس المدينة يلي نحنا فيها الا وحدة معنا بنفس المدينة بس بيجو أوقات الاجازات كل ما شافوني بيسيرو بيحكو عالسويات وبيقولو انو نحنا خطافين رجال والله ما عاد فيني اتحمل يعني اذا هنن هيك تفكيرن ليش خطبوني من الأساس هني يلي اجو وخطبوني من أهلي وجابوني لهون ودائما بيقولو انو أنا عندي عنصرية مع اني والله العظيم عمري ما حسستن بهالشي أبدا وصارو يعلمو ولادن يقولولي ليش انتي بتحكي هيك مو زينا طيب يعطوني فرصة اتعلم يعني أنا بيكفيني انو بعيدة عن أهلي والي صاير فيهن وكمان هنن بدل ما يعتبروني كأنو أختن والله أنا دايما بحسبن متل أخواتي بس هنن عمرن ما حبوني وأول ما تزوجت كانو دايما يلمحو بهالشي ما بياخدوني معن ولا اذا مجموعين بيقولولي وعطو فكرة عني لكل الناس انو أنا ما بحب الطلعة من البيت ولا بحب اتعرف على حدا أبدا وأكتر من مرة سمعتن عم يقولو للناس هالشي ما بعرف ليش هيك بيعاملوني وأنا دايما بسكت وبتحمل كرمال جوزي وبقول معلش هو طيب معي كتير وبيتمنى يفرشلي الأرض ورد والله مافي منو ما شاء الله بس ما عاد فيني اتحمل والله بيكفيني الي فيني ويلي صاير بأهلي وهنن ما بيحسو فيني أبدا حتى من فترة استشهدو كتير من عيلتنا وما وحدة فيهن عزتني ولو بالتليفون وبيستغلو أي فرصة لحتى يحكو حكي ما الو داعي ودايما أنا ما برد عليهن والله ما تربيت هيك ولما روح على بيتي بقعد ببكي ولما يجي جوزي بعمل كأنو ما صار شي بس أخر مشكلة صارت كانت كبيرة وأختو تهمتني بحكي أنا مو قايلتو ووقتها انفجرت وقلتلو كل الي صار صبرني وقلي معلش طولي بالك والله أنا بعرف انو انتي مظلومة بس تحمليها شوي ومن هالحكي وكل ما تشوفني بتصير بتتطلع فيني تطليعات ما الها داعي أو بترميلي كلام جنب الناس حتى قرايب جوزي صارو يستغربو منها ويقولو في شي بينك وبينها وكتير حذروني منها وقالولي انو هي مريضة وأي حدا حكيتلو القصة قالولي هي وحدة مريضة نفسيا والله في كلام ما بينقال يا جماعة حكي عيب ينحكى يعني وبصبر وبسكت وبقول معلش كرمال جوزي هو يلي بيوقف معي دائما وبيقلي اعتبريني مو بس جوزك اعتبريني صاحبك وأهلك وكل شي الك بهالدنيي..بس أخر فترة صار بس مكتأب وما بعرف شبو وخايفة عليه كتير والله معلش طولت عليكن..
الله يخليكن عطوني حل تعبت من المشاكل وخايفة تأثر عليي وعلى زوجي

>>>>> ردود الأعضـــــــــــــــــــاء على الموضوع <<<<<
==================================

الله يهديهم حاولي تتكلمي معاهم عن شعورك مافيها شي

__________________________________________________ __________

حبيبتي ولا يهمك هاي شكلها بتغار منك ومو حابه تشوفك سعيدة ببيتك
لا تهتمي الها ابدا مادام جوزك طيب معك لا تهتمي لها واهتمي بس بجوزك وبولادك
وادعي الله يبعد شرها عنك
ربي يريح بالك ويسعدك دووووم ويبعد عنك كل شر
ويطمنك على اهلك ويحفظهم يارب

__________________________________________________ __________

السلام عليكم اختي انت عليكي بالدعاء و قيام الليل و ادعي انو الله يهديهن و يشفيلك زوجك الله يصبرك و يكون معك و ينصر اهالينا بسوريا و الله انا بحبكن كتييييييييير و قلبي عم يتقطع عنكن الله يكون معكن يااااااااااااارب

__________________________________________________ __________

عمراخوات الزوج حبوزوجه اخوهم سواء سعوديه والاسوريه والاكويتيه والاوش ماتكون
احسن شي خففي زيارات لهن واهم شي زوجك اكسبيه بكل الطرق لايعبوا مخوه عليك

__________________________________________________ __________

احسن حل انك تطنشيها الغيرة مبينة من حكيها , انتي خلي بالك من جوزك واولادك وما عليكي منها مدام جوزك عارف مين انتي ومين هي