زواج اصغر وحده فينا

عنوان الموضوع : زواج اصغر وحده فينا
مقدم من طرف منتديات نساء الجزائر

زواج اصغر وحده فينا



السلام كيفكم وش اخباركم
الزبده حنا ثلاث بنات واصغر وحده فينا هيه اللي بتتزوج https://said.xplainer.net/images/smilies/rose.gifولانها اول بنت في عايلتنا بنفرح فيها
يعني ماقد مرت علينا امور وتجهيزات الزواج مو هذي المشكله المشكله محنا عارفين كيف نجهز لها لانا مانبغى نسأل
قريباتنا لأن مالنا ذيك العلاقة فيهم فقلت مالنا إلا الله ثم انتم تساعدونا و إن شاء الله ماتقصرون
قولوا لنا انتوا كيف جهزتوا وياليت يكون بالترتيب، دمتم سالمين .https://said.xplainer.net/images/smi...7-yds6b3uo.gif

>>>>> ردود الأعضـــــــــــــــــــاء على الموضوع <<<<<
==================================

حسب المهر اللي بتاخذونه لها ياقلبي .. شوفي اهم شي تبدون بالمهم الذهب اول شي اشترولها الذهب اللي حسب عوايدكم تشترونه ،، بعدين شوفوا الاشياء اللي تبي حجز وحطوا فلوسه على جنب مثل فستان العرس اذا بتستاجرونه او تشترونه واذا انتي بالرياض روحوا لاسواق مكه فيه عندهم تفصيل فستان العرس حسب رغبتكم وكثر مايكلف وبنظام التاجير ،، يعني يفصلونه لها حسب رغبتها وتلبسه يوم العرس وهي اول وحده تلبسه بس ترجعه لهم تعتبر مأجرته منهم وبيكلفها الفين ريال هالشي.. والمسكه والكوشه اذا هي عليكم اقل كوشه تكلف اربع الاف ،، وشريط الزفه واذا تبون بروجكتر انا الى الان اتكلم عن ليلة العرس وهي اهم ليله تبدونها من الاول وتحطون كل تكاليفها على جنب ،، بعدين تجون للبس وهو اقسام تهتمون بالشي اللي بتطلع فيه قدام حمولتها ان كانت دراريع او تايورات وبلايز بس لاتكثرون لها اخذولها كذا لبسه مع اكسسواراتهم .. تاخذلها عبايتين تفصيل وكل وحده حسب الغرض اللي فصلته عشانه يعني اللي بتزور فيها الناس تخليها كشخه شوي شوارفيسكي وشغلات تزين العبايه مالت الزيارات مع شيله طقم والثانيه اللي بتروح فيها اماكن عامه تكون اكثر حشمه وبدون زينه احسن،، تاخذ كم شنطه ماركه يبيلها من ثلاث لاربع وكم طقم جوتي وانتي بكرامه معاهم .. الميك اب اخذيلها علبه من مكياجي اللي فيها كل شي علبتهم الجديده حلوه واخذيلها كم روج مع محدداتهم وفرش متنوعه وكحل قلم ومسكره اخذيلها من كل شي اثنين الشدو واحمر الخدود هذا كله بيجي بعلبة مكياجي الكبيره ،، اخذيلها كريمات للبشره وكريم لازالة المكياج وفرش اسنان ومعجون وقطن لازالة الميك اب ،، اشترولها بخور ولاتخذون نوع واحد يعني اخذولها معمول وعود ومبثوث ،، اخذوا مرشات للفرش والملابس،، روحي لبودي شوب وزهور الريف ونكتار واخذولها اطقم مكونه من بودي سبراي وكريم وجل شاور وعطر مركز وعطر بارفيوم وعندج شكثر الانواع واحلى شي دوم يعجبني اطقم المسك .. وفيه طقم عند بودي شوب اسمه طقم النظافه هذا اذا مشيتي بين الناس بتفوح منج ريحة نظافه روعه والكل بيسالكم عنه،، واخذيلها من عندهم بعد ليف الجسم روعه .. ومن ناحية اللانجريات نوعولها حسب ذوقكم بجايم قمصان شورتات ولبس البيت اشترولها كله دلع فساتين قصيره بناطيل برمودات شورتات تي شيرتات واهم شي لاتكثرون لها اخاف تحمل بسرعه ومايمديها تتهنا بلبسها وعشان يصير معاها فرصه بعدين تروح معاه السوق وتشتري ولاتدرون شنو بيعجبه واللي مايعجبه ساعتها بيروح معاها وياخذون اللي بيعجبه .. العطورات اخذوا كل شي من المقاس الكبير لانها عروس بتظل تتعطر عمال على بطال ،، اخذولها طقمين للسرير حلوين واحد فخم وغالي وواحد يكون وسط اخذولها طقم روب للحمام .. شنو بعد ياربي ،، صح شوفي اذا بتسوونلها برنامج عروس يبيلكم لايقل عن ثلاث الاف تحطونها على جنب لان هذي قيمة برامج العروس .. اللي تهتم في بشرتها وشعرها ليما يجي العرس عند اخصائيه وانا شفت وحده اسمها ايمان القاضي عندها مركز تسوي فيه برامج عروس روووعه ويثلاث الاف ونص اتوقع مدته ثلاث شهور ونص البرنامج ويسوون لها شغلات كثيره من ضمن البرنامج بتطلع احلى عروس وواثقه من نفسها ،، اهم شي حطوا البدايه يوم العرس وشنو بتحتاج فيه ..اكيد غفلت عن شغلات وايده عسى البنات يفيدونج فيها انا اللي تذكرته قلته والف مبروك وربي يتمم لها على خير وعقبالج انتي وخواتج الباقيات امين اهم شي لاتسرفون واصرفوا بعقل واخذوا الضروري بدون تكلف عشان يباركلها ربي وعشان تكفيها الفلوس بعد وماتتفشل قدام حمولتها وتبين نصيحتي خل تاخذ مبلغ حتى وان كان بسيط وتتصدق فيه قبل تسوي اي شي ومن مهرها بنية ربي يوفقها ويطرح البركه في مهرها يالغاليه وربي يسترها عليكم ويتمم على خير امين ..

__________________________________________________ __________

اول مرة اقرا مشكلة مفرحه زي هذه
الف مبروووووووووووك وربي يتمم لها على خير
الاخت ماقصرت كفت ووفت
بس لاتنسون كمان الحنة ازا بتنقش لازم تحجز من بدري
الله يوفقكم يارب

__________________________________________________ __________

الف مبروك


وان شاء الله عقبالكم

والاخوات مقصرو

__________________________________________________ __________

ألف شكر لكم ياخواتي والله يجعلها في موازين حسناتكم والله ماقصرتوا بيضتوها كفيتوا ووفيتوا
وعقبال مانبارك لكم في أفراحكم،دمتم سالمين https://said.xplainer.net/images/smilies/rose.gifhttps://said.xplainer.net/images/smi...8-dbttwedi.gifhttps://said.xplainer.net/images/smilies/rose.gif

__________________________________________________ __________

الف مبروك ياقلبي الله يهنيهم وعقبالنا لاتكثرون اغراض يمكن تحمل بسرعه اويتغير جسمه بعد الزواج
بس اهم الذهب اول شي وبعده تحجزين الفستان حق ليله العرس وتحجزين الكوفيره وثاني شي تسوين حجز برنامج العروس عشان تفتحين وتصفى بشرتك ويوحد لون الجسم والجلابيه اللي بعد فستان الزواج وقميص النوم طويل عشان ماياخذ عنك فكره شينه لازم تصيرين لبسك طويل وحلو
ورابع شي وبعده الفساتين حقت الطلعات والعزايم اكيد بيعزمزنك اهله وخالاته وعماته واحسن شي تكون ناعمه حيل يعني موحقت الزواجات حقت طلعات
وخامس شي لبس البيت بجايم طويله وقصيره قمصان بيت طويله وقصيره بناطيل جنز وبلايز وتشيرتات وبديات وتنورات للطلعات وممكن تلبسين البلايز اللي شاريتها للبناطيل مع التنورات
وجلابيات يعني لازم تنوع لو كانت ببيت لحاله وقمصان نوم نوعي بين القصير والطويل والميدي خوذي اشكال وملابس داخليه اطقم وهي تعرف وش يكفيها
وروب حمام ومفرش واحد كافي وشامبو والويز ومعجون وفرش اسنان وليف ومزيل عرق وبودره جسم وكريم عادي قبل تسبحين ومرطب جسم بعد ماتسبحين واحسن كريم ومرطب كاميل وسعره رخيص في منه كريم ومرطب وفازلين صغير عشان تحط على شفايفه لانه زين للشفايف ومكاين حلاقه او اي شي تستخدمه لأزاله الشعر الغير مرغوب فيه مقص اظافر ومشط ومناديل
والعطور في عند مكياجي مجموعه الاموره مره حلوه ورخيصه به عطر مركز وعطر جسم وجل شور وبودره جسم
وعند بودي شوب مجموعه المسك
والمكياج خوذي كريم اساس وبودره وحمره خدود طقم فيه كذا لون وروميل كمان طقم فيه الوان
ومسكره وكحل اسود وازرق وارواج تاخذ له فوشي واحمر ووردي وكذا مرطب الوان اللي يجي بلمعه عشان تحطه بالبيت ولافوق الارواج اذا تبيه بلمعه واستشواااار اهم شي الاستشوار وخوذي طقم فرش مكياج ويجي مع طقم فرش المكياج فرشه خدود وفرشه روميل بأنواعه ومشط حواجب ومناديل لأزاله المكياج
والاكسسوارات خوذي اشياء ناعمه تليق مع اي شي يعني فضي او ذهبي وبنس شعر وشباصات شعر انواع والوان اهم شي لاتكثرين مره بعدين تسافرين معه وتشترين اللي تبين او يمكن تحملين بسرعه او يتغير جسمك بعد الزواج لان فيه ناس تسمن او تنحف
وبالتوفيق يارب والله يتمم على خير