شورو علي وربي مخنوقه -تم الاجابة

عنوان الموضوع : شورو علي وربي مخنوقه -تم الاجابة
مقدم من طرف منتديات نساء الجزائر

شورو علي وربي مخنوقه



[SIZE=4] السلام عليكم ورحمة الله وبركاته ...



سجلت بالمنتدى خصيصا علشان الاقي حل لكومة الهموم اللي قابعه بوسط صدري.

انا بنت مخطوبة من حوالي سنه.
وشكلي بفصخ الخطبه عن قريب

انا احب خطيبي واهوا يحبني .
بس المشكله ياناس عليه بروود يذبحني . وماعنده اي احساس بالمسؤولية .مادري مرات احس انو مراهق وعقليته سخيفه جدا.
بحكيلكم علشان تحسو بمعاناتي.يعني مثلا اهوا مقدم على قرض شخصي . علشان تكاليف الزواج جدا غاليه .
مايروح يخلص الاوراق من ذات نفسو ويروح يشيك على البنك ويقولهم وش المطلوب من اوراق .لا لازم اجلس على راسه واقوله سوي كذا وسوي كذا . وروح يمين وجيب الورقه الفلانيه .
وسرع الموضوع ومشي حالك وخلص امورك تجيه حالة تبلد عنيفه تتعب نفسيتي حيل.
ولايسمع كلامي لمن اقوله انته ما تفهم بالسالفة الفلانية تراني مريت بهالتجربه وادريبها. يقولي انتي المسيطره على كل حاجه . وانا فاهم اكثر عنك. وشوفيني شبسوي . واتضايق واسكت واقوله طيب وريني شطارتك .
وربي ولا مره يقول بسوي حاجه وسواها صدق. يروح وقت مايبي عقب اسبوع عقب شهر على مزاجو.
ويرجع يقولي ماصارت . طلع كذا وكذا يجيب لي ام العوائق كلها. واقوله لو سامع كلامي كنت بألف عافيه ومافي منه هالكلام.
يسكت ولا يعلق ..
وعنده أرضين سكنيه . اقوله روح خلص اوراقهم وابدأ ابنيهم والارض الثانيه حوطها بسور حق عيالنا فالمستقبل.
يقول الارض ماهي بطايره خليها لين بعدين وش فيك مستعجله على كل حاجه . والحين امه قالت عطني ارض وحده حق اخوك لانو ماديا مفلس ومعرس وعندو عيال .
ورح تبنيله على حسابها . وعطاها الارض وانا بالعه غصتي وساكته . يعني احنا وش لنا بأخوه يروح يعطيه واحنا اولى فيها وحالنا مش ولا بد رح نعرس بقرض.
وبعد ماعندو سياره . وحالنا المادي ضعيف . قالي بزود السلفية وبشتري لاند روفر. قيمتها تفقع المراره
قلت له انته ع قدك وخلينا نبدأ حياتنا من الصفر وبالتدريج رح يتفحها ربي علينا واشتري اللي تبيه .
قال لا ابي اغيض فلان وفلان . وهاوشته وتزاعلنا اسبوع . وقالي خلاص بشتري سياره خرابه علشان حضرتك الزوجة المثاليه وترتاحي فيها ولا تكلمت له .
وراتبه وربي مايجلس بجيبه اسبوعين ويقولي خلاص فلست . واقوله وين يروح . ؟ يقولي صلحت سيارة اخوي. واشتريت حق اختي لاب توب . وحق ولد اخوي بلاي ستيشن .وعطيت الوالده نص الراتب محتاجه له..
وعلاقتنا صايره مهزوزه حيل نتكلم اسبوع ونطنش بعض شهر. ولمن اقوله خلاص اتركك تعبت نفسيا وروح ربي يسعدك لاقيلك بنت الحلال .انا باخذلي واحد من الاهل يجلس يبكي يقولي والله لو تسوينها اخبطكم بسياره واقتلك .
انا احبك وابيك وراح اعمل المستحيل منشان اتزوجك.
يرجع معاي كويس يومين وعقلب ينتكس مره .
اهوه احسه ماعنده شخصيه ابد الكل يستغله ويمشيه على كيفه . حتى اخواته كثير معاي يقولن بنخلي خطيك يسويلنا كذا محدا غيره غبي ويصدقنا .
والله اشفق عليه اهوا يسويلهن اي حاجه ومو بلسانه غير اخواتي .احسني راح اتعب معاه ولا عمري حسيت بكلمة امان . ولا استقرار عاطفي
ولمن احكي حق امي واهلي يلوموني يقولون لي مرح تحصلي احد يحبك مثله واهو طيب وكريم ويعشقك .
اهو صدق يموت بالتراب اللي امشي عليه بس ماني قادره اوصف لكم احساسي . الحب مو كل حاجه . اهم حاجه ابي اتطمن على حياتي معاه . مابي مأساة اختي تتكرر.
زوج اختي بارد حيييل ولا يعرف يمشي اموره بنفسه . لازم اختي تقوله سوي كذا وكذا . الحاجه ماتطلع من نفسه . وشخصيته مهزوزه واشوف الندم والالم بعيونها. تقولي والله صرت منعزله عن العالم لاني مو مرتاحه بزواجي . مو حاسه بأمان . دايم احس بمسؤوليه كبيره . العيال والبيت وكل حاجه لازم انا اشيلهم ولارح يضيعون . فلان بروده يقتل .
وانا بديت اتأثر بكلامها .
واخر مره امه اتهمته بانو يشرب خمر اعوذ بالله وانا أدريبه بريء. ما واجه المشكله ولا حلها ولا قال انو اخووه اللي يشرب. لا تضايق وطلع من البيت وسكن بفندق شهر. لين بحالها دقت تتأسف وقالت اخوك اعترف .
وكثير ينحط بمواقف زي هذي ولا يواجه المشكله ويحلها لا . ما اشوفه الا يدق علي يقول لا تعلمي اهلي انا طلعت من البيت والحين بالفندق الفلاني.
مالي خلق لهم صرت اخاف على حالي وعيالي بكره . رح يسوي نفس الشي معاي ويطلع بالاسابيع ولا يسأل عني.
وش تنصحووني تعبت من التفكير والله . اهلي كلهم واقفين معاه ويحبووه
بس من داخلي بديت انهار ولا صرت ارد عليه ولا اهتم فيه ولا اسال ولا ابالي بحاله . صرت ادعيله يمووت علشان ارتاح ويكون سبب مقنع لفراقنا.
من شوي مطرشلي مسج يقولي ياليت تهتمين فيني مثل باقي الحريم . حاس حالي ضايع ومالي احد.
ومخنوق والكل يستغلني .
ولمن اوقف جنبه واواسيه واحسسه انو ملك زمانه يعالم يتكبر ويصيبه غرور ويجيني بعد يومين يقولي شخبارك ؟ ولا كانو مسوي حاجه .
وعلى هالحال دايم ولمن اطنشه يحبني ويقولي اشتقت لك .
ولا تطنشيني وعدلي حالك معاي احنا مو مثل الخلق دايم زعل ومهاوشش.
واخر مرره قبل اسبوعين ..؟؟
كان بحاله منهار فيها على بالي شارب خمر. بس طلع تعبان نفسيا ويهذي بالكلام . ويقولي حاجات اول مره اسمعها ..
يقولي انتي ماتحبيني ورح تتخلي عني وتتركيني صح؟ انا رح اموت ويجلس يبكي زي الطفل.
اقوله انته وش شارب؟؟
يحلف مو شارب شي. بس صوته دايخ حيل وتعبان . واجلس اصارخ اقوله لا شارب حاجه انته مو طبيعي . ويعدل صوته يقول والله مو شارب عساني اموت اذا اكذب عليك .
بس تعبان لانو امي متصله تقولي مراح ازوجك خلاص.
يعالم كنو بزر ويتهدد ابد مو حاطيله قدر ولااعتبار ..
عمره 29 ولا يعاملوه كرجال .. اللي اصغر عنه احسن منه بالمعامله الف مره ..
وكله مخلين منه سواق العايله . اهله وخالاته وعماته وعيالهم. اي حاجه ماعندهم غيره يدقون عليه حتى الساعه 4 الفجر يوديهم مسافة 400 كيلو ولاعندو اي اعتراض .
ولمن يحتاج لهم طبعا كل واحد يتحجج ويعتذر.
يقولي لمن نتزوج مرح اكلمهم كلهم . ورح نعيش جنب بيت اهلك ومرح احتاج لاحد ؟
قسم بديت امرض

>>>>> ردود الأعضـــــــــــــــــــاء على الموضوع <<<<<
==================================

الله يفرج عليكي اختي

اولا هذا رأيي الخاص و يمكن اكون غلطانه

لو كنت مكانك و الله تأفسخ الخطوبة

قبل الزواج منقهرة و شو بعدو ....؟؟؟؟؟؟

لو فعلا خطيبك بمثل هاذي المواصفات فـــ ...... تبكي عليه شهر ولا طووووول عمرك يقتلك الندم

لسه عندك فرصة و قدامك مثال اخت

الله ييسر امرك و يثبثك على القرار الصح


.

__________________________________________________ __________

الله يفرجهاعليك

__________________________________________________ __________

الصراحة انا حبيت خطيبك.. باين انه انسان طيب جدا و ما يحب يقول لا للأشخاص الغزيزين على قلبه
احنا بزمن الطيب يقولون عليه اهبل و ضعيف الشخصية.. لكن الحقيقة انه طيب زياده عن اللزوم
و هذا بدل ما تكون ميزه فيه اصبح عيب بنظر الغير و انت وحدة منهم

باين عليكي انك قوية الشخصية و هذا شيء جميل و انا اشوف انكم مكملين بعضكم لا تخلي امور تافهة تباعد بينكم المهم انه يحبك و ما يستغني عنك انتي حكمتي عليه مسبقا انه غير مسؤول طب ما تشوفي ان التزامه مع اهله هذا دليل على التزامه و مسؤوليته اعتقد انه هو التاني مش حاسس بالأمان و خايف لا تضيعي منو اعطيه فرصة و لا تسبقي الامور يمكن بعد الزواج تشوفيه شخص تاني

فكري كويس قبل ما تتخذي قرار يمكن تندمي عليه طول حياتك و لا تقيسي حالك بأختك كل انسان و له حالته الخاصة

الله يجمعكم بالخير و يهنيكم يارب

__________________________________________________ __________

اقولك نصيحة اخت لاختها اتزوجيه ولا تتركيه ابدا
هدا الخطيب الي تتمنيله الموت الف واحدة تتمناه
زوجك طيب زيادة عن اللزوم وانتي وياه متلابقين ومتوالمين مع بعض صدقيني عن تجربة
طيب زيادة عن اللزوم ومع الوقت طيبته راح تكون كلها ليكي ولعيالك
زوجك من النوع الي يحب الاهل وبيتوتي يحب البيت الي عايش فيه
يوم ما تتزوجي انتي وياه بيته يكون بيتك وانتي وعيالك تصيرون اهله وما راح يشوف غيرك ابدا
اصبري بس واقعدي بتفكيرك شخصية قوية
اما انهم ما يعملوله حساب هدا بايدك بعد ما تصيري زوجته بادن الله اتكلمي عن زوجك انه هو الامر الناهي ببيتك مثلا زوجي ما خلاني احضر مناسبة فلانة طبعا اتفقي انتي وياه من قبل
وبيني احترامك الكبير لزوجك وانتي بينهم عشان يهابوه
وان شاء الله يكون خير

__________________________________________________ __________

الله يصلح اموركم بالهداوة بس فيه كثيرهيك بس يتزوج ويصير مسؤول مع الوقت يتغير وانت لازم تكوني وراه دوما لانو الرجل مايوقف على رجلو الا من زوجته الشاطرة