صديقتي تخون زوجها وخانت ثقتي فيها : ( -لصحتك

عنوان الموضوع : صديقتي تخون زوجها وخانت ثقتي فيها : ( -لصحتك
مقدم من طرف منتديات نساء الجزائر

صديقتي تخون زوجها وخانت ثقتي فيها : (



**



السلام عليكم ورحمه الله وبركاته

بحكي لكم حكايتي مع صديقتي اعرفها من 9 سنوات من ايام الثانويه والان حنامتخرجات من الجامعه , المهم احبها كثير هالبنت هي توأم روحححي وغلاتي تعرفت عليها في مصلى المدرسه وكنا ملتزمات او نحب نشارك في المصلى ونسمع لمحاضرات المصلى وهيك ربطتني معاها علاقه وطيده لحد مادخلنا في الكليه بدى تغيرها شوي شوي وبدى اهتمامها فيني يقل لدرجه اني شكيت ان فيه احد ثاني شاغل بالها يعني ذي مو صديقتي اللي اعرفها وهذا مو اهتمامها المهم مع مرور الايام صارحتني انها تحب !! واللي حبته عرفته من شات بالتلفزيون من قناه شعريه !!
حاولت انصحها واخبرها انو ايش يضمنك وكيف تعرفين مدى مصداقيته وخصوصا انه متزووووج وانتي لسى بعمر العشرين !! وووو لكن مافاد فيها النصح ولا الحكي بقت معاه وضلت تحكي لي عنه وعن تفاصيل حبهم وانهم مختلفين وهيك تغيييرت علي كثير با اهتمامها بتواجدها معاي بكل شي صح تكون معاي بس اشعر با اختلافها يعني تغيب ماتخبرني تطلع بشوق للبيت وتخليني جالسه بالجامعه بس عشان تتكلم معاه واشيييييييياء كثيره اختلفت المهم مع الايام صارت تخبرني عن ابن عم اللي تحبه وانها بتخليه يكلمني وكذا عشان ارتااااح لانها كانت تشوفني متضايقه من ظروفي وكذا وللاسسسف والله من كثر ماتحكي لي وكذا خذيت رقمه وكلمته بس مكالمتين وبعدين قلت له انا مو مرتاااحه وخلاص بننهي العلاقه وكذا وفعلا انهيتها وخذيت فتره والحمدلله هو ما ازعجني برقمي المهم ضلت علاقتي مع صديقتي بس فيه شي بيننا بارد كصديقات وهي ضلت معاه // بعدين تزوجت لـ ابن عمها وكنت انا انتقلت لمدينه ثانيه ومن كبر غلاي لها جيييييت من بعيد الديار وحضرت زواجها وجبت هديتها مع امي برغم ان هالشي صعب عندنا بالسعوديه ان البنت تسافر عشان تحضر زواج صاحبتها لكن وربي بس من غلاي لها حاولت وحاولت حتى اجي / وكنت اقول بيني وبين نفسي اكيد بتتركه خلاص منجد حراااااااااااااااام حراااااااااااااااااام ربي عطاها نعمه زوج صالح ويحبها اروي ظماء مشاعرك من نبع حبه لاتخونين عهد الزواااااااج وربي حرااااااااااااااام لكن انصدمت انها تخبرني بعدم تركها له وانها مستحيل تتركه وضلت معاه : ( ونصحتها لكن مافاد النصح وربي معاها وحسيت من حكيها انها تقول زوجي عامله كل واجباته وش يبي بعد !! وكأنها تعتبر زوجها الي يحبها انه دمر لها حياتها !! وانها مظلومه وتزوجت بالغصب !!

المهم مرت الايام وصرت ما اسألها عنه ابدآ واذا جابت سيره اتجاهل وما ارد رد مباشر او اغير السالفه لين مره كنت ارسلها مسج ع جوالها وكنت احكي لها عن شخص احبه بس ما اكلمه من العايله وكنت ارسلت لها قبل رسالتي اذا عندك احد يعني اقدر اخذ راحتي بالحكي والفضفضه قالت ايووووه ولما امنت لي قمت ارسلت لها مسسسج وفضفضت لها عن الشخص الي احبه واتمناه حلالي وهيك وطولت ماردت واستغربت !! قامت ردت من بكرى قالت لي زوجي شاف رسالتك وسألني وقام يضغط علي بالكلام وقال وش تقصد صديقتك ومن تقصد !! وهو يعرف اهلي ويعرف انا بنت مين : (
وقالت له ان صديقتي تحب واحد !! انا مررره تضايقت قلت لها من عطاك الحق تخبريه وليييييش وربي تضايقت حيل منها المهم انها حاولت تراضيني ومشيت لها السالفه وانقطعت عني اسبوعين تقريبآ لما سألتها وينك برساله ردت علي رد مثل الصاعقه ؟؟!!
قالت معليش يافلانه بس كنت احاول اكسب ثقه زوجي !! عشان هيك ما اراسلك كثير : )
شرايكم بالله يعني فوق انها خبرته عني كمان تقطعني فتره عشان تكسب ثقه زوجها وتقدر تلعب مع حبيبها : )
انجرحت كثير وانقهرت وقامت تتعذر وتتعذر وتمسج لي وانا سكت بس تغيرت عليها وهيك المهم صدر مني موقف ضايقها مني وزعلت وقمت اراضيها ومافاد صارت تجرحني بالكلام قمت ارسلت لها رساله انو انا ماتحمل اجلس مع انسانه قلبها مو نظيف اتجاهي وانها لما غلطت بحقي انا سامحتها وفمان الله واذكريني بالخير وفعلا قطعت علاقتي معاها لمده 4 شهور ماحكتني ولاحكيتها ورجعنا ندرس لاننا كنا تاركينها سنه وتفاجأت انها رجعت تدرس لما شفتها سلمت عليها وكانت كثير متغيره يعني انا لما سلمت عشان العشره وكمان عشان الناس عيب هم يعرفوننا صاحبات اقل شي نحترم العشره الي كانت بيننا وعشان كذا سلمت بس وصارت تصد عني وماتكلمني وكل بنات القاعه كانو مستغربين مننا بعد ماكانو يقولو ماشاء الله على علاقتكم صارو يبغون يعرفون ايش الي فرقنا والنظرات والحكي الي اسمعو انجرحت كثير وهي عادي ولا فرق عندها جرحتني لسنه كامله اشوفها وتشوفني وكأننا اغراب سبحان الله تغيرت ملامحها وتغير قلبها والحب خذاها وقساها وخلاها ماتعرف الصح من الخطاء المهم مرت سنه وكانت اخر سنه جامعه وبعدين تخرجنا وانا ماكلمتها ابدآ ولا هي وتفاجأت قبل رمضان الي فات انها كلمت وحده تعرفني وتعرفها وطلبت انها تحاكيني عشان تصالحنا وجتني البنت تقولي الي بينكم عشره وان اعمال المتخاصمين ماتٌرفع وتصالحو وكذا وفعلا اثرت فيني وقلت لها اوكك ماعندي مانع وكلمتني بالواتس كتابه وقامت تعاتب وتتعذر وحكينا كثير واضفتها بالبي بي وتفاجأت انها لسى مع حبيبها !!
ورجعنا لكن اللي انكسر عمره مايتصلح مهما عملنا ومهما حاولنا لاني مهما احاول اكون معاها تمام ما اقدر احس تصرفاتها تجيب لي الغثيان لما اشوفها تكتب شعر لـ حبيها وتنشره وبكل برود او لما اشوفها تمتدح حبيبها ببيرس البي بي بلاك اتضايق او تحط صورته كصورة عرض بكل وقاحه وتتغزل بالصور وربي اتضايق على زوجها واشفق عليه : (
وتجيني رده فعل معاكسه لها المهم ان علاقتنا يوم حلوه وعشر ايام لا وانا تعبت من هالعلاقه نفسي لو مارجعنا صرت تعبانه وقلقانه دايم وربي :(
خصوصا لما قالت لي اختي انها لو انكشفت يمكن ترميها براسك خصوصا ان زوجها يحسب اني انا راعيه علاقات : (

بربكم وجهوني شنو اعمل معاها ودي اقطع علاقتي معاها ماعاد ارتاح لها احسها تغيرت مو صديقتي البريئه الي كنت اعرفها https://said.xplainer.net/images/smi...7-vzp7onvp.gif https://said.xplainer.net/images/smi...7-n0gfapyo.gif
كيف اقطع علاقتي معاها مو طايقتها


معليش طولت بس والله هذي اول مره افضفض واحكي كل الي بقلبي بهالموضوع :(

>>>>> ردود الأعضـــــــــــــــــــاء على الموضوع <<<<<
==================================

الغي رقمك و لا تطلعي رقم ثاني و اقطعيها
واشغلي نفسك بقراءة القرآن و الاستغفار و الذكر و قيام الليل و انسي الدنيا
الايام هذي مافيه صداقة حقيقة كلها صداقة مصلحة و تمضية وقت فراغ

__________________________________________________ __________

ي قلبي اعطيها كاش بوجهها قولي الله يستر عليك انا ماعاد اقدر أكمل صداقه معك والله اني راحمه زوجك وكاسر بخاطري بس خلاص اللئ بينا انتهى مابي اشوف الغلط واسكت وخلي هالشخص ينفعك وشوفي النتيجه
الله يصلحك لنفسك ولزوجك
في أنان الله
وريحي عمرك ابد وصدقيني بترتاح نفسيتك خاصه لو ردت عايك
بتحسين انك انتي الصح وقومتيها من الحلم اللي اهي فيها وماراح تقعد علاقتهم كذا بيجي يوم تندم ع هالسنين اللي ضيعتها مع شخص موهمها بالحب واهو عندها دسته بنات ماخددها يعني اسبير وقت مايمل يايرميها يايفضحها الله يستر عليها يارب ويهديها يارب

__________________________________________________ __________

خليها صديقه وعلى طرف يعني احذفيها من الواتس ولا تراسلينها واذا شفتيها ابتسمي او سلمي وامشي لا تجلسين وياها ترى الصاحب ساحب شفتي ف البدايه خلتك تسوين علاقه محرمه عن طريقها ولو ما رحمة ربي كان الى الان انتي معاه ولا تنسينها من الدعاء

اسال الله الكريم باحب الاسماء اليه ان ينظر الى قلبك ويحقق لك امانيك وفوقها واضعافها وان يعطيك حتى يرضيك ويرزقك من حيث لا تعلمين ومن قال امين ومن لم يقل ومن شاهد دعائي ومن لم يشاهده

__________________________________________________ __________

من الأفضل اسحبي على صديقتك بس بطريقة غير مباشرة

لأن لو صار معها شي او اكتشف زوجها ممكن يشك فيك دام قبل قالت له انك تحبين

وادعي لها بظهر الغيب الله يهديها ويرجعها للصواب لأن الي بتعمله حراااااااااااام وربي بيحاسبها

عليه دام انها محصنة ومتزوجة


الله يصلح الأحوال

__________________________________________________ __________

ادعيلهاربي يهديها للصواب

واستريها ولا تفظحينها ولاتتركي النصيحه