زوجي ضربني افيدوني!!! -تم الاجابة
عنوان الموضوع : زوجي ضربني افيدوني!!! -تم الاجابة
مقدم من طرف منتديات نساء الجزائر
زوجي ضربني افيدوني!!!
السلام عليكم**
وكل عام وانتو بخير
بدخل بالموضوع على طول
**
انا متزوجه من اربع سنوات**
وعندي ولد **عمره سنتين
حاليا عندي مشكله مع زوجي**
الي اهي::
بقولكم قصتي**
بس اللي صارلي من شهرين ،زوجي انسان عصبي جدا وتحليلي وشكله يتخيل مواقف ويصدقها غير موظف يشتغل لحسابه**
المهم من شهرين حسيته انه وده يتدين لانو بدا يتكلم عن الدين ويحرص ع صلاته اكثر من قبل وبدا يسمع قران**
المهم كنت انا عند اهلي لانو فترة زواج اخوي وانا مو ساكنه عندهم بنفس المنطقه
قبل زواج اخوي بكم يوم سافر للافلاج على كلامه
بس من رجع وحسيته متغييييير تفكييره اكثر من اول من معنى كلامه انو يحس ان ربي بيامره على شي وانه بيصر شخص مو عادي**
وانو مكه ممكن تكون عند اهلي لانه شاف مسجد يبنى ششبهه على مكه
كان يقولي كذا وانا مصدومه واحاول اسمع كلامه الى وين بيوصل
احاول اصحح كلامه بحكم انه ماكمل تعليمه واقوله ربي خلاص مكه بمكه والقران مراح ينزل غيره والرسول هو اخر الرسل وخاتمهم ولازم نومن بهالشي
هو يقولي لا انا احس اني رسول يتخيل اشيا غريبه
بيوم زواج اخوي وانا طالعه من الزواج رايحه للشقة
بدا يتكلم مثل هالخرابيط وماعنده سالفه الا هالشي يعني مافي سواليف غير كذا**
وانا ماسكه نفسي
واحنا بنام الا بالغصب اقول ان كلامك صح وانا احاول اقنعه**
حصل بينا مشاده بالكلام لاني بديت اعصب من اسلوبه الا ويجيني ذاك الكف على وجهي قمت بهاوشه الا يسحبني زي الخروف مع شعري يضربني مع خشمي برجله والله الارض كلها دم هو شاف الدم صحا من الي فيه قال**انا اسف ويتمسكن**
انا بديت اصارخ واقوله ودني لاهلي مابيك وهو يحاول يمسكني وحجرني بزاويه وبدا يقرى علي شي يقهر ويسبب الجلطه**
بدا يقول انا مادري غصب علي واخر مره**
ومن هالكلام علميني انا ماعرف شي مادري وش احس فيه
وسامحته والمفروض اني ماسامحه بس قلت لعلا وعسى ، طبعا مو اول مره يضرب بس انا ذكرت الي صار من شهرين بس
**وكذبت على اهلي وقلت حادث ومشت عليهم بالرغم ان اخوي الي ببتزوج ماقتنع بس مشت
برمضان بالايام الاولى كان مواصل وانا كنت نايمه جا عندي ممكن الساعه تسعه صباحا **وبدا يخربط الناس مايخافون الله يحطون مساجد ويكتبون اسمائهم يقالهم مايخافون من الله**
انا اناظره وساكته قلت له ميخالف كل من يبغى الخير واذا كتبو اسمائهم ربي خلقهم واعلم بنوياهم جا قالي انتي رقبتك بتصير بايدي والله اذا ماصرتي امرائه صالحه رقبتك بتصير بايدي**
تنرفزت قلت له انت حسن نيتك وماعليك من احد
قام والله غالني قدام ولدي بعدين فك**
بديت اتكلم عليه انت مابيك خير اصلا**
وكان امس مسوي سالفه بيت امه سخيفه قلت له لو فيك خير ماسويت بامك كذا مسكني وغالني مره ثاني لحد الموت **قال لاتطرين امي علي اللسانك**
وقام وضربني مع المقعد والله ماقدر اجلس ولا اقوم بسهوله**
تخيلو نام ولا كانو مسوي شي
وانا كان جوالي مقطوع ولا اقدر اكلم
وبحكم الاوامر افطر عند امه يوميا قلت اذا رحت بكلم اخته وبقوله بس عجزت اكلم على ان اخته معي ولا ام لي طيبه لابعد حد**
وانا صرت مااكلمه ابد ولا كانه موجود صار بكرا امي كلمت وقلت له وقالت لابوي قالي اذا اعتذر منك وتاسف الحمدلله ولا اذا جيتي عندنا ماتطلعين له**
وراح نتصرف معه**
هو بدا يحاول يراضيني وانا رافضه قلت له انت عمرك ماحبيتيني وماتشوفني الا للتفريغ طاقتك المكبوته**
يامساك بمعروف او تصريح باحسان**
ماعنده الا كلمة احبك وبس طبعا مامشت علي ابغاه يتاسف يعاهدني انو فعلا يتغير ومايمد ايده ابوي ماضربني عشان انت تضرب**
وياليته بسبب مقنع او غلطت عليه قلت له هالمره غير قال قولي وش تبين قلت ابي ضمان يثبت لي فعلا انك مارح تضرب وتتغير معي لانو واعدني مرتين واخلف وعده قلت له المومن لايلدغ من جحره مرتين وانا الدغت منك كثير وقلت له دايم اسامحك على طول حتى ماتفكر ولاترضين هالمره انا الي بطلب منك ترضيني اذا انت فعلا ماتبغاني اروح لااهلي **ترضيني وانا الي بختار قالي خلاص والله هالكلام ماصارله يومين الا وضربني ضرب لدرجة كسر لي خشمي
السبب ايش جا نام جنبي وقالي احبك (سوري عجرائتي بس ابي اوضح لكم )
انا مارديت عليه قال اتكلمي قلت وش اقول قال ماتعرفين وش تقولين قلت لا ماعرف وانا مالي خلقه شين وقوة عين بعد
جا عطاني ظهره يقاله زعلان انا طنشته
بعدين قام وقال والله لاتزوج عليك وارضاوه مافيه وتجي من تدلعني قمت قلت انت اصلا ماعندك احساس كل الي سويته وتبغاني ادلعك يبغالي وقت عشان اسوي لك الي انت تبغاه وانسى بدينا نتجادل وقمت ارمي عليه جزم ولدي حسيت نفسي بنهار من حركاته وبروده يقتل القتيل ويمشي على جنازته
وصرنا نتهاوش جبت بروح للدورة المياه وانتم بكرامه مادري وش بسوي لحقني قال انتي ماراح تسكتين وغالني بالحمام ورصني عالجدار **شفت الموت جبت خقلته عشان يبعد بعدين رجع مره ثانيه وعطاني بوكس عخشمي الدنيا بقعت عندي والله خشمي مال صار عندي كسر**
قلت له ميلت خشمي قال احسن من زين خشمك عاد**
حاولت اخذ ولدي بصكر على نفسي سحب ولدي مني رحت للمجلس وسكرت على نفسي قلت له والله هالمره ماراح اسكت لك اول مايدري اهلك**
اخذ الولد وراح بيت امه وخلاني**
يوم شفته طلع على طول قفلت الابواب عشان مايرجع وكلمت عااهلي جو واخذوني ورحت المستشفى وسويت اشعه واخذت تقرير ورحت معاهم على ديرتي طبعا هو راح لبيت امه ونام ويوم صار العصر قام وماتوقع انه مايلقاني**
ودق على ابوي تحسبونه اتعذر او شي لا قاله حدد موقعك وبدا يسب ابوي واللدينه عصب ابوي وسكرها بوجهه
والحين قومت محامي عشان قضية الضرب وابوي يقولي ماترجعيله لانه خطر عليك مابقى الا يقتلك**
لانه مستحيل يكون انسان طبيعي**
اناقلت لكم السالفه لو وحده فيكم صار لها كذا كيف بتتصرف**
والله هالشي مو سهل والجلسه بيت اهلك عقب ماكنتي بيتك ومع زوجك صعبه عجزت اتخيل نفسي احس اني بحلم**
انتطر ردودكم**
ونصايحكم
>>>>> ردود الأعضـــــــــــــــــــاء على الموضوع <<<<<
==================================
الله يكون بعونك لاتفكرين بالموضوع ابد باين ان زوجك مو طبيعي بالمررة والاشياء اللي يقولها والخرابيط هذي مو سببها جهل لا هذا انسان مو طبيعي وانتي الحمدلله صبرتي بمافية الكفااية وماتتحملين اكثر والرجال اللي يضرب زوجته مو رجال بعدين هو صار يضربك وماصار لك هيبه عنده
__________________________________________________ __________
بس ياقلبي بسألك سؤال ((انتي تحبين زوجك الى الان وبصراحه؟؟؟؟؟؟؟)
__________________________________________________ __________
والحمدلله على كل حال وان شاء الله تلقين من يعوضك ياقلبي عليك بالاستغفار والدعاء خلالاص اعتقد انك بتطلبين الطلاق بس ولدك اذا عن ولدك متى بغيتي تشوفينة اتصلي وقوليلهم يجيبونه انسي زووجك وياليت لو ترجعون لبعض ويتعالج زوجك اسأل الله له الشفاء والله يوفقك ويسعدك ويوعضك بالتي هيه احسن
__________________________________________________ __________
هلا بك اختي
عذرا نسيت اقول الحمدلله ولدي جا عندي بعد كم يوم
غياب ماتحمل المسوليه
وانا مافكر ارجعله لانه انسان ماضمن نفسي معه
يمكن اذا رجعتله يقتلني
والحين اشتكيت عليه وبطالب بحقي الخاص لانه كسر خشمي
انا والله مابي اكون سبب باذيته بس الي شفته منه مو سهل
حتى كلامه اذا جا عند اهلي خرابيط مو مفهوم
بس انا الي مستغربه منه هلوسته غريبه يقول انا ايران معي
ومن ضمن جياته لاهلي يسال اخوي يقول زوجتي وش فيها
قاله اخوي انت تستهبل ماتدري
فعلا نفسي اعرف وش فيه ؟؟
__________________________________________________ __________
يعطيك العافيه اختي سندريلا
والله يسخر لك ويرزقك من اوسع ابوابه
والمسلمين اجمعين
