أوافق ولا لا ! -لصحتك

عنوان الموضوع : أوافق ولا لا ! -لصحتك
مقدم من طرف منتديات نساء الجزائر

أوافق ولا لا !



السلام عليكم ورحمة الله

بنااات انا محتاااارة

فيه ناس بيتقدمون لي بس ينتظرون مني كلمة عشان يكلمون ابوي , وانا ابي نصايحكم
من زمان مكلميني بس للان ماصار شي

المشكلة انهم مو سعوديين

ولدهم من مواليد سعودية وعايش فيها ولا يبي يطلع منها ويبي يتزوج وحدة سعودية
الولد اخلاق وماعليه كلام , خايف ربه وحافظ اجزاء من القران ويشتغل بالندوة العالمية للشباب الاسلامي واخلاقه عالية

استخرت كثيررر ودعيت ربي يكتب لي الخيرة بس احس احيان اني مرتاحة واحيان لا , خايفة بكرة لو جبت عيال وش يكون مصيرهم

سمعت ان العيال لو وصل عمرهم 18 سنة يتجنسون على جنسية امهم , صدق ولا ؟
وبعد قريت بالنت تجارب سعوديات تزوجوا من اجانب وعيالهم متعذبين وحقوقهم ضايعة
ببلدنا السعودي ويالله ياخذ حقه كامل بالتعليم والوظيفة كيف لو اجنبي https://said.xplainer.net/images/smi...7-vzp7onvp.gif

انا صفات الولد مررره معلقتني بالموضوع وبنفس الوقت خايفة من بكرة :(
وبعد خايفة لو وافقت القى معارضات من اهلي
خصوصا انهم مايعجبهم العجب - قد تقدموا لي 6 اشخاص وكلهم رفضوهم لازم بكل واحد يطلعون عيب

واللي معلقني زيادة حلمي امس اني تزوجته وجبت منه بنت وكنت متعلقة فيها مرره

محتاجة نصايحكم https://said.xplainer.net/images/smi...7-dbttwedi.gif
الله يستر من تساعدني ويوفقها

>>>>> ردود الأعضـــــــــــــــــــاء على الموضوع <<<<<
==================================

والله يالغاليه اشوف انهم يتقدمولك رسمي احسن عارفه ليش لان في اشياء كثيره مبهمه
والف سوال يدور ببالك من كل ناحيه ولو تقدمو لك رسمي اشياء كثيره بتوضح
لاتقولي ايه ولا لا قولي لهم بتسمعوا جوابي من عند اهلي
عشان لاتربطي نفسك وخذي وقتك واهلك لو رفضوا من قبل هي اسباب وبس لو ربك اراد ماشي يمنع
الله يقدملك الي فيه خير يااارب

__________________________________________________ __________

انا ماأشجع زواج سعوديات من اجانب الا في حاله وحده
ان تكون ارمله او مطلقه او عقيمه لانها بتكون مكتفيه عندها اولاد
لكن لو بنت لم يسبق لها الزواج
مثل ماقلتي انتي الاقامه وهالشغلات ومرمطه مالها اول من اخر
وانتي قلتيها اهلك مايوافقون على اي احد بسهوله
يعني بيوافقوا عليه ؟؟؟
وبعدين مايصير تعلقي الناس كذا احسمي الموضوع بسرعه عشان يشوف نصيبه
كلمي امك اليوم وخليها تكلم ابوك واخوانك ياايه ياالا



__________________________________________________ __________

عزيزتي اتمنى اني ما اظلم هالولد برأيي

واتمنى ماحد يزعل مني


لكن لان الكلام اللي انت بتقولينه يشبه قصتين عايشتها بنفسي بالضبط

اجنبي اخلاقه عاليه ومحترم يتقدم لسعوديه وتوافق عليه

لدرجة انو وحدة منهم صديقتي المقربه وخطيبها كان يجالس اخوانها ويوم خطبها قالها اخوها مابتلقين احسن منه
والثاني قالها على ضمانتي عمرك ما بتندمين انك اتزوجتي هالشخص


والحين بتقطع شعرها منه


ما ادري وش السبب لكن بالقصتين اللي اعرفهم على قد ما كانت سمعه الولد واخلاقه عاليه قبل الزواج على قد ما بهذل البنت

وغالبا يكون العامل شعوره بالنقص انو اجنبي مقيم وهي سعودية فيحاول يغطي على هذه النقطة بانه يهينها ويذلها ويحسسها انها ولا شي


غير المشاكل المستقبليه اللي تخص الاولاد


غير المشاكل اللي تتولد عن الفرق في الثقافه الاجتماعية ولاتقولين متربي ومولود بنفس البلد حتى حنا السعوديين من نفس الجنسيه ومولودين ومتربيين بنفس البلد لكن في فروقات كبيرة بين عادات العوايل اجل لو كان من برة السعودية كيف حيكون


ما اتمنى لك او لاي بنت سعودية تتزوج اجنبي


وعالعموم استخيري لكن للامانه لو بنتي بقول لا وبدون تفكير

__________________________________________________ __________

هلا ياقلبي عارفه مشاعرك كأي بنت بس مررررررررررره مانصحك اولا عيالك راح يتعبووووون وانتي راح تحبينهم بجنون وراح تتعذبين معهم اذا تعبو ولا نقصهم شي


ثانيا مو عارفه ظروف هالولد ممكن يقرر يرجع بلده لاي سبب كان


ثالثا يمكن ماخذك عشان الجنسيه ؟؟؟؟؟؟؟؟


مافي مثل ولد بلدك صدقيني وانا متاكده ان اهلك بيرفضون لانه مو سعودي اذا السعوديين طلعو فيهم عيوب كيف هذا

__________________________________________________ __________

ياحبيبتي الزواج قرار مصيري ولازم تفككرين للمستقبل مو للحااظر لو انا بمحلك بحتار مثلك حتى اني مآني ععآرفهه بآيش آنصحك بس بكتفي بآلدعآء لك
الله يكتب لك اللي فيه آلخير

موووووفقهه