كل فتاة بابيها معجبة ولكن انا مغرمة ... ولكن المصيبة أن مشكلتي ؟؟؟؟ مجابة
عنوان الموضوع : كل فتاة بابيها معجبة ولكن انا مغرمة ... ولكن المصيبة أن مشكلتي ؟؟؟؟ مجابة
مقدم من طرف منتديات نساء الجزائر
كل فتاة بابيها معجبة ولكن انا مغرمة ... ولكن المصيبة أن مشكلتي ؟؟؟؟
لاحول ولا قوة الا بالله العلي العظيم
الحمدلله عكل حال لانو بصراحة مو عرفانة من وين لاقيها؟؟ من اهلي لحتى يوافقو على زواجي ولا شوف المصيبة يلي اكتشفتها من فترة ... ياربي دخيلك ....
المهم ياجماعة انا عندي والدي شي رائع بالنسبة لي متل اي بنت وابوها بس نحن علاقتنا اقوى بكتير بتوصل لدرجة الصراحة والصداقة و كل مشاكلنا واسرارنا منحكيها لبعض ... طبعا غير انها تعكرت هالعلاقة باخر فترة مشان فكرة الشب يلي اخترته لارتبط فيه ...
طلعلي مصيبة وقف شعر راسي لما تاكدت منها .... ماعم صدق ابدا يلي بدي احكيه ... دموعي عمتنزل وانا عماحكي على شخص هو اول حب و اول اعجاب واول صديق واول قدوة الي باخلاقه و وفائه وكل شي بدي احكي عن بابا حبيب قلبي ...
باخر فترة صار يهتم كتير بموبايله يعني دايما معه ومابيتحرك لغرفة الا وبيرجع لبتاكد وين موبايله؟؟؟
بيوم هيك بفترة العصر ماما نزلت من البيت و انا بغرفتي وبابي مفتوح وعمحاول اخد غفوة ... بابا عاساس نايم وبعد ماراحت ماما بسمع صوت حكي وكلام انا رتعبت فكرت بابا عمينادي او تعبان الله يحميه او بدو شي .... قمت من سريري ولاني حافية القدمين ماحس عليي الا انا بغرفته عمقول بابا شوفي؟؟؟ بدك شي ؟؟؟
بنفس اللحظة انا بكون عماسمع صوت حكي من موبايل وبشوفو كيف بيترك موبايلو يوقع لتحت الغطا وبشوف ضو الموبايل انو تم انهاء المكالمة و بيقلي لا مابدي شي ... قلتلو بابا انا سمعتك عمتحكي ناديتلي شي؟؟؟ قلي لا ....
بصراحة انا مادخلت براسي
استنيت الفرصة المناسبة و اخدت موبايله و بدات ادور بالمسجات المستلمة طبعا شفت المسجات يلي كانت ماما ترسلها له و قدي كانت عمتغلي بحب و حنان وشوق ... و الحمدلله ماشفت رقم غريب او مسج لاي حدا ينشك بامره ...
قلبت عالمسجات المُرسلة و شفت شو كان وكيف كان يرد على الماما بحب اقل بعبارات باين انها مصطنعة ... قلبت وقلبت و أخيراً ...!!!!!
شفت مسج باسم غريب يعني اسم لرجال بس غريب هالاسم وفتحت المسج
وياويل عيوني من يلي شفتو ... مسج فحواها .... يا .... انا بحبك وانتي بتعرفي انتي شو بالنسبة لي ورح اشتاق لك
اقسم بالله انو وقف شعر راسي لما قريت المسج !!! صرت سكر المسج و ارجع اتفحها من جديد واتاكد من الرقم لايكون الرقم لماما و انا مخربطة طيب يمكن كون انا مو شايفة مزبوط لالالالالا هي عيوني ما بتكزبني .... دورت على غيرها ... لقيت وحدة تانية لنفس الاسم يالله معقول؟؟؟؟ وكلمات الحب لا وكمان ههههههه انكليزي معرب والله موديرن الوالد ...
المشكلة اني انا الكبيرة و انا الاقرب لوالدي يعني لما كان يصير اي مشكلة مع اي حدا بلبيت انا وهو كنا نسهر و نحل قضايا الشرق الاوسط ... بس الان وبعد مشكلتي لموضوع اني اريد ان يتم زواجي بالشخص الذي انا اخترته ابتعدنا مسافات انا وهو
المصيبة ان نفس الرقم كان يدق عالبيت ولما ماما ترد ماحدا يرد ولما انا او اخي نرد على التليفون ما احد يجاوب و سبحان الله لما بابا يرد يطلع حدا من الشغل .... يعني معقول؟؟؟ يالله هذا بابااااااااا
المصيبة الأكبر من هي انو ماما أطيب انسانة بها الكون كلو مو معقول طيبة قلبها ابدا حبها النا و حبها للبابا جنوني
ماحدا يفكر يقلي قلة اهتمام فيه او بشكلها او اي شي لانو انا الان عمري 27 سنة و هي بتهتم بحالها و برشاقتها و جمالها و ريحتها و بيتها و كلشي كلشي مشانه وبتقلي لازم دايما تهتمي بحالك لجوزك وتعبيلو عينه .... كيف انا مابقدر احكي شي لانها رح تنهار بعيد الشر عن عمرها و الله يجعل يومي قبل يومهم وقبل ماتنهار هالعيلة ...
ياربي بابا بعينها هو الصراط المستقيم هو الاب الحنون لها
يعني 29 سنة زواج الان تزكر يخون؟؟؟
انا الان صرت اتنبه لكل شي واربط المواضيع مع بعضها ...
اجتماعات الشغل كترت و التاخير برا عاساس بيتغدا مع حدا من اصحابه صار زيادة وماما بكل طيبة قلب بتقلي لازم يروح و يرفه عن نفسه ما بيكفي انه فنى عمره مشان ماينقص علينا شي ؟؟؟؟
انا شو اعمل؟؟؟
انا حفظت الرقم عندي ... شو اعمل؟؟ اتصل و احكي معها؟؟؟
انا مابدي احكي لاي حدا حتى ماتتشوه صورته قدام اي حدا و بدي احفظ ماء وجهه قدام هالناس يلي بتحترمه واولهم ماما ...
ساعدوني والله مو عرفانة بشو فكر ولا بشو ؟؟؟
ابدأ بحل مشكلتي معه واقنعه بخطيبي حتى يكللي الزواج بالرضى ولا ضحي بخطيبي يلي بحبه من 4 سنين واقعد جنب الماما مشان مصيبتها يلي ما بتعرفها؟؟
ولا شو ؟؟؟
هههههههههههه شر البليلة ما يضحك والله عقلي بقيان منه شوي
ساعدوني الله يهدي سركم و يحفظكم و يخليلكم عيلتكم
ادعولي الله يفرج همي و يحنن قلبه عليي و يزوجني و يبتعد عن هالانسانة يلي رح تدمر كل شي .... والله صرت حس ان دقات قلبي عمتخف شوي شوي https://said.xplainer.net/images/smi...7-dbttwedi.gif
سبحان الله و الحمدلله ولا اله الا الله و لاحول ولاقوة الا بالله العلي العظيم
>>>>> ردود الأعضـــــــــــــــــــاء على الموضوع <<<<<
==================================
طيب حبيبتي ليش انتي حطيتي احتمال سيء لبابتك انه بيتكلم مع بنت يمكن تكون زوجته
__________________________________________________ __________
شكرا غدا اجمل لمرورك ... بس انا متاكدة انها مو ماما يلي عميحكي معها لانو .. مرة ونحن كلنا بلبيت اتصل نفس الرقم و بابا تغيرت تعابيره و وشه وكل شي بعدين ليش احيانا صار كل ما يحكي تليفون يمحي الرقم وراه او يمحي بالمسجات؟؟؟؟
حتى معاملته مع ماما انا حسيتها تغيرت ... هي اكيد ما رح تحس لانها كتير طيوبة وبتفكر انو البابا مستحيلي يعمل هيك شي ........https://said.xplainer.net/images/smilies/ANSmile05.gif
__________________________________________________ __________
الله يفرج همك و يحنن قلبك عليك ويزوجك و يبتعد عن هالانسانة
خخخخخخخخخخخ
__________________________________________________ __________
انتي رتبي لعرسك يعني حددي كل شي واعزمي الناس وماتخلي هالشي ياثر عليكي
وبهاي الفترة رجعي علاقتك مع ابوكي يعني ملليله وقته لما تحسي انه بده يطلع ويتحجج بالشغل قوليله وصلني معك بالمكان الفلاني حد شغلك او طلعي طلعات للعيلة واشغليه بموضوع يهمه اي شي بخصك انتي واخوكي يعني طفشيها للبنت واكتمي على نفس ابوكي وراقبيه وتاكدي كمان وخليه يحس بالغيره على امك فكري بشغلات جديدة والله يوفقك ويهدي ابوكي
__________________________________________________ __________
الله يكون بعونك حبيبتي ويهديك لطريق الحق
ويااااااارب ترجع المياه لمجاريها ويهدي ابوك يزوجك اللي تحبيه
وياارب يسعدكم دنيا وآخره
