-
زوجي يسافر كثير ..
عنوان الموضوع : زوجي يسافر كثير ..
مقدم من طرف منتديات نساء الجزائر
زوجي يسافر كثير ..
أخواتي الحبيبات
السلام عليكم ورحمة الله وبركاته
اولا اتقدم بالشكر للقائمين على هذي الفكرة الرائعة والمشاركين فيها وهي فكرة كتابة مشكلتي بدون تسجيل فوالله لا تعلمون كم فرجتم من هم وساهمتم في حل مشكلات .. أسأل الله أن يفرج لكم كل هم ويكشف عنكم كل كرب في الدنيا والآخرة ...
مشكلتي هي ان زوجي كثير الأسفار في الخارج والداخل**
لازم كل سنة سفرة خارجية وسفرات داخلية
والمشكلة انه ما يرضى ياخذنا معاه
وحاولت معاه وما يرضى
وهو يقول انها سفرة عمل لكن يبين من كلامه انها مو بس عمل ولكنه يزيد عليها ايام **للتمشية والنزهة**
وطبعا انا والعيال في البلد ما يطلعنا الا على مزاجه هو اذا اشتهى وما نقدر نطلب منه شي حتى الطلعة ما نقدر نطلب شي الا بشق الانفس وعلى مزاجه هو ..
الحين بعد هالسنين الطويلة أحاول اني أعود نفسي على الوضع احاول اني أتأقلم اني ما أهتم لكن اللي عايشة نفس وضعي تعرف مشاعري كيف تكون وان اصعب شي على الزوجة ان زوجها يسافر عنها ويتركها خاصة اذا سمعت شي او شفت عن تلك البلدان الاجنبية وما يحدث فيها ..
الحين يا أخواتي أريد منكم فقط كلمة مواساة كلمة تعينني على الصبر وعدم التفكير في الموضوع وعدم الاهتمام به ..
انا قريت النصايح اللي تقول خليك مستقلة عاطفيا وفهمتها لكن ظروفي ما تسمح لي اسوي الاشياء اللي نفسي فيها ..
حتى التغيير في البيت ما يحبها ويتضايق لو غيرت شي .. نسيت اقول لكم انه حتى الفلوس اللي يعطيني اياها وبالقطارة يحاسبني عليها ووين صرفتها ! مع انه ماشاء الله غني ومنصبه كبير لكن للاسف محنا حاسين ولا مستفيدين .. والمشكلة القاصمة انه يشوف نفسه يحتاج هالسفريات عشان يرفه عن نفسه .. سبحان الله هو فقط عنده نفس ونحن !!! يارب اشكو اليك قلة حيلتي وضعفي وهواني على زوجي .. ارجوكم خواتي لا تنسوني انا محتاجة لكم بعد الله .
>>>>> ردود الأعضـــــــــــــــــــاء على الموضوع <<<<<
==================================
آب
...
__________________________________________________ __________
بسم الله الرحمن الرحيم
قرررررررررربي ياحيي واجلسي جنبي...
اذكري الله ...
لايهمك وش يصير في دول الخارج واللي سمعتيه...
زوجك لو يبي خراب عندك بنفس البلد يلقاه....
ابليس لايوسوس لك...
اجلسي معاه وخلي الجلسه رايقه.. وخليه يروق... وبعدها خوذي اللي تبينه باللين والمسايسه..
مايعطيك شيء بالالحاح انت تسافر وحنا لا... وش عندك بس تسافر.. ابعدي عن هذا كله..
لاتفتحين عقله لامر قد يكون غافل عنه....
الرجل دلعيه عطيه حقوقه لو تبين عيونه تاخذينها...
شوفي نقطة ضعفه واستغليها بما يرضي الله...
مصروفكم.. غير مصروف البيت اطلبي مصروف للطواريء لاقدر الله احد يتععب تحتاجون شيء ضروري في غيابه....
ريحي راسك من المشاكل الا اخرها ماتستفيدين الا وجع راسك والهم وكسرت الخاطر..
لاجى يسافر قولي سافر ... قبل ماتسافر (مصروف البيت + مصروف للطلعه اذا بمشي العيال مانبي نسافر لكن ماننخنق هنا بعد بين اربع جدران حنا بشر+مصروف للطواريء)
قولي اهلي بيسافرون وبعد اذنك بما انك دايم تسافر ومشغول بروح انا واولادي معهم ونحتاج مصروف ...
للسكن والاكل والشرب واللعب وغيره اذا وافق اطلبي احد اخوانك وفهميه الموضوع وخليه يسافر معاك ... ومثل ماقلتلك اهم شيء دلعيه فاهمتني ( )
وبعدها شوي شوي عوديه تطلبين شيء وبعدها بفتره شيء
الصراخ والالحاح بتطفشه وتخليه يعاند اكثر ..... ولاتجمعين الطلبات مره وحده يستكثرها
اختك شماليه كفو
__________________________________________________ __________
لا حول ولا قوة الا بالله العلي العظيم
حسبكي ربك ينصرك لو كان بيظلمك ربك مابينسى احد خليكي مع الله
__________________________________________________ __________
لحول الله ياربي
الله يصخرة لك ان شاء الله
__________________________________________________ __________
الصحيح
لاحول ولاقوة الا بالله
للتنبيه فقط بارك الله فيكم..
...
