أختى لبست الكفن مرتين فى إسبوع واحد!!!!! - الشريعة الاسلامية

عنوان الموضوع : أختى لبست الكفن مرتين فى إسبوع واحد!!!!! - الشريعة الاسلامية
مقدم من طرف منتديات نساء الجزائر

أختى لبست الكفن مرتين فى إسبوع واحد!!!!!



"]السلام عليكم ورحمه الله وبركاته

حبيت أفضفض معاكم فى موقف هزنى جدا وعرفت إن الدنيا متستاهل إننا نغضب ربنا أبدا

الموضوع إنى بروح درس لتفسير قرءان كل إسبوع و بيحضره عدد كبير جدا من الأخوات

واليوم ده الأخت اللى بتلقى علينا الدرس إقترحت علينا إننا حنخلى الدرس الإسبوع ده

درس غسل وتكفين الميت

ساعتها حسيت إنى مبسوطه جدا لأنى بحب دروس الغسل والتكفين علشان بستفاد منها جدا

طبعا أنا عمرى ما حغسل حد لأنى جبانه جداااا ومعنديش الجرأه على ده


لكن ما يمنعش إنى أحضر الدروس دى لأن فيها عبره وعظه وتذكير بالأخره وترك للدنيا الفانيه اللى لا تعدل عند الله جناح بعوضه

مش حطول عليكم

بدأنا فى تحضير المكان علشان نشرح الدرس بطريقه عمليه وحضرنا الأدوات كمان وكل حااااجه تمام


لكن ناقص أهم شئ!!!!!

الاخت اللى حنطبق عليها الدرس

مين؟؟ مين؟؟

أكيد مش أنا



وعلى طول هى

قالت أنا....

وكانت أختى فى الله (أم........) الله يكرمها ويعزها ويرزقها الجنه

قالت أنا اللى حتغسل وحتكفن علشان الكل يستفاد وإن شاء الله ححتسب الأجر والثواب عند الله

وفعلا بدأ الشرح والكل مركز جدا لدرجه إنك ترمى الإبره ترن والكل عينيه بتنزل فى دموع من غير ما يحس بيه اللى قاعد جنبه


وبدأنا نسأل نفسنا هو ده مصيرنا ..هى دى نهايتنا


طيب إيه بس اللى بينسينا إن فيه يوم زى ده حيعدى على كل واحده فينا

وأختنا (أم ......) لسانها ما وقف عن التسبيح والإستغفار طول الدرس و لقيتها بتوشوش الأخت المغسله بتقول لها أمانه

لما حموت إنتى اللى حتغسلينى

وبعد الغسل بدأت الاخت تلف الكفن وتشرح لنا شكل كفن المراه وشروطه وبدأت تشد الكفن وتربط

وأختنا(أم........)تقول لها لفى كمان ميهمكيش يا حاجه

شدى وإقفلى كمان وطبعا الموقف ده خلانا كلنا بنعيط فيما عدا أختنا (أم .....)

كانت مبسوطه ووشها منور أكتر من كل مره بشوفها فيها

خلص الدرس وانا حسيت برهبه جوايا هزتنى وقلت أنا لازم أعيد حساباتى من أول وجديد مع إنى دى مش أول مره أحضر دروس غسل وتكفين


ويشاء السميع العليم أننا نسمع خبر وفاه أختنا (أم ......) بعد الدرس ب3 أيام فقطكأنها كانت بتعمل بروفه قبل وفاتها سبحان الله

وفعلا

غسلتها أختنا بناء على وصيتها

إنا لله وإنا إليه راجعون الله يرحمك يا (أم......)ويجعل مثواك الجنه

يااااااه أد كده الدنيا صغيره ماتستاهل معصيه ربنا دقيقه واحده


يارب يارحيم يا حكيم يا واسع المغفرهارزقنا حسن الخاتمه

إلهى

أرحمنا واسترنا فوق الارض وتحت الأرض ويوم العرض عليك

ياريت كلنا ندعى لها بالرحمه والمغفره ولأموات المسلمين جميعا

السلام عليكم ورحمه الله وبركاته


==== منقووووول ====


[/font][/center] [/COLOR][/SIZE]

>>>>> ردود الأعضـــــــــــــــــــاء على الموضوع <<<<<
==================================

الله يرحمها ويغفر لها ويسكنها فسيح جناااااته والله يا اختي كلام فعلا صح الدنيا لا تساوي جناح بعوضه
الله يجزاك الخير على هذا الموضوع

__________________________________________________ __________

رحمها الله واسكنها فسيح جناته

__________________________________________________ __________

اللهم ارحمها واسكنها فسيح جناتك
الدنيا زائلة والموت قريب اللهم احسن ختامنا
جزاك الله عالموضوع

__________________________________________________ __________

صح لسانك الله يحمني من شر اذنوب

__________________________________________________ __________

الله يرحمهـا ويغفـرلهـا ويوسـع مدخـلهـا
ويجعـل قبرهـا روضـة من ريـاض الجنـة
سبحـان الله يـومهـا


.