بنات زوجي زعلت عليه وراح يغازل ..!!!! مجابة

عنوان الموضوع : بنات زوجي زعلت عليه وراح يغازل ..!!!! مجابة
مقدم من طرف منتديات نساء الجزائر

بنات زوجي زعلت عليه وراح يغازل ..!!!!



سلام عليكم اخواتي

بنات زوجتي فيه صفه كل زوجه تتمناها في زوجها قولو مشاءالله

بس شكلي انا ابي اخرب على نفسي

بنات انا اوليه سويت حركه مدري صح او غلط انا وربي عارفه انها غلط بس وربي مدري كيف سويها متندمه حييل


بنات انا متزوجه واموووت في زوجي وزوجي يمووت فيني

بنات هوه دايم نسهر سوا ونسولف ومبسوطين يعني في الشهرين يسهر مرره وحده مع اصحابه وتكوون ساعه او ساعه ونص بالكثير

لانه هوه يقول انا مااحب اسهر معهم وانتي في البيت لوحدك

ودايم يقولي ليش اطلع مع الشباب وزوجتي موجوده زوجتي اولى بيه اطلع معها والفلوس الي اقط بها مع الشباب زوجتي اولى فيها

ودايم مع بعض ويقول انتي حاولي لاتخليني اذكر الشباب انا ماصدقت اتزوج وافتك منهم ومن مغازلهم وكل يووم وهم في سوق وخرابيط

قلت اوكي وربي نسيته اصحابه كل سهراته معي ونطلع

المهم انا امس زعلت عليه لاني قلت ابي السوق ونام ماصحى الى الساعه 12 في الليل وزعلت وقام وحاول يراضيني بس انا زعلانه

المهم اليوم اوليه الساعه 8 بعد صلاة العشاء قالي يالله نبي نروح البرج لان مشتهي نتعشى من البيك يالله قومي الحين وغيري ملابسك وهياء نبي
نبي نروح السوق واخذي الي تبينه ونتعشى في البيك ونرجع وبكره بعد نروح سوق ثاني اذا نقصت عليك اغراض

انا مااديته وجه << هذا اكبر غلط مني

مسويه زعلانه

المهم قعد يحاول فيني مرره انا مو راضيه وبنات وربي قاعد يترجاني بس انا كنت ابيه يعرف غلطه عشان ثاني مرره اذا قال ليه كلمه اعتمدها << هذا اكبر غلط

المهم هوه مشتهي يتعشى من البيك لانه متعود كل بعد سبوع نروح نتعشى منه

المهم حاول فيني مررره لين جات الساعه 9 ونص وانا مو راضيه اروح

قالي وربي عادي انتي الخسرانه انا الحين ادق على فلان واحد من اصحابه يروح معي << يابنات فلان هذا صاحب حريم معروف عنه حق حريم تلاقينه كل يووم في صالون يقشر في البشره ويحط كريمات ورايح لسوق يمووت في البنات << حسبي الله عليه

المهم دق عليه وحط اسبيكر يبي يقهرني المهم يسولفون وعاش من شافك ومدري وش

قال زوجي يافلان هوه اسمه خالد ياخالد انت وينك قال والله شوفني ابي اخذ دش ابي اروح لسوق قال زوجي انت لسه على حركاتك ماتركتها قال ومستحيل اتركها

قال زوجي طيب ياخالد تبي نروح البرج نتعشى من البيك قال خالد لزوجي واخيرا تبي تطلع ايوه ياشيخ روح شوف الناس شوف اخر الموضه شوف البنات الي يفتحون النفس وانت بس عند المدام الي تقول اول واحد يتزوج انت

انا هنا خلاص ابي اتجنن

قال زوجي طيب تعرف احد يدخلنى << لانه ممنوع دخول الرجال بدون عوائل قال خالد ياعمي ماعليك فيه بنات واجد هناك ادق عليهم كلهم يتضاربون على الباب البنات عشان يدخلوني قال زوجي حلو

اجل بسرعه عليه قال دقايق بس اخذ دش واجيك قال زوجي اوكي

يابنات وربي زوجي سكر التلفون وانا خلاص شويه وابكي من القهر هوه عرف اني خلاص وصلانه معي قال والله يافلانه انتي الي تحديني على هذا الشئ من اليوم اقلك هياء وانتي مسويه زعلانه على شئ ماله داعي

والله يافلانه الي هيه انا والله اني احبك بس انتي الله يصلحك

وربي هوه جالس يابنات على الكنب ولا له نفس يروح احسه يبيني انا اروح معه <<< لانه هوه قبل يقول هم اروح معهم كل بنت يكلمها كل بنت يغازلها كل بنت يرقمها

وزوجي يقول خلاص الحين انا متزوج ولاابي اخونك

وربي يابنات قلت له خلاص يافلان انا ابي اروح بس دق عليه وقله خلاص < لاني عارفه انه خالد هذا يبي يخربه يبي يفر له راسه يبي يرغبه في البنات والخرابيط

قلت له خلاص دق على خالد وقله انا ماابي اروح جاني ضرف قال بعد ايش يافلانه انا عطيت الرجال كلمه والرجال يبي يجيني عيب اقله كذا والمهم جلست ابكي انا قالي والله يافلانه من اليوم اقلك هياء هياء هياء وتقولي لا الحين تبكي المهم قام والبس ثوبه واخذ شماغ مكوي وتعطر

بنات وربي قلبي يبي ينحرق

وخلص واتصل عليه خالد هذا وطلع وانا وربي ابكي من القهر قلت ليش ارفض واخليه يروح للبنات كله مني انا

هوه يحاول مايخليني ابكي يقوول انا مدري اروح او بس الفلف معه شويه وارجع

بنات كذاب وربي انه يبي يسكتني بس

طلع وراح الى الحين مارجع الساعه الحين 12 ونص , اخر الليل


بنات ابي حل اخاف يتعود كل شويه يطلع مع هذا خالد الله لايوفقه ياررب

ابي حل امانه ابي اكوون يوم يرجع ابين له انتي واثقه فيه ابي اغير كل حاجه حتى انسيه هذي الطلعه الزفت

>>>>> ردود الأعضـــــــــــــــــــاء على الموضوع <<<<<
==================================

اعذريني حبيبتي انت السبب لانة جلس يترجاك بس سبحان الله في ابعض حريم لاترجاهم الرجال زادو عند والواضح انة يحبك تجنبي العناد اختي واذا في يوم مالبالك طلب كوني اقل غضب وازعلي بدلع وارضي بسرعة لان احس زوجك يخاف الله لانةعلمك وش طبيعة خوياه حتى تبعدينة عنهم بذكاءك وحنانك فلا تقسين نصيحة مني

__________________________________________________ __________

لا حول ولا قوة الا بالله حبيتي انتي السبب ما في داعي تزعلى وتكبري الموضوع حاولي تقعدي معه وتفاهمي معها بلاش تخسري

__________________________________________________ __________

قالوها ياحبيبتي ((يستاهل البرد من ضيّع دفاه))


لاتزعلين ياااعمري .. لكن اذا كان رب العالمين عذر النايم حتى لو فاتته صلاه

((والنائم حتى يستيقظ))

تجين انتي وما تعذرين زوجك وهو بس راحت عليه نومه


الله يهديك بس...


ما ادري احس ان اللي طلع معه هو متفق معاه عشان يعطيك درس


لانك بصراحه مصختيها ...


تصدقين ياقلبي انا نفس طبيعتك ذي وذا الشي يقهرني نت جوه


ودي اصير بسرعه ارضى مع اني اسامح بسرعه

بس ما ادري وش يسمونه ذا تغلي ولا وشوا؟؟


وتصدقين احس الطاسه بدت تنقلب فوق راسي

يعني صار زوجي ماعاد يحايل كثيير فيني لازعلت

طفش مسكييييييييييين من كثر المحايل

والله راح تندمين لاتتغلين واااجد ترى والله يطفشون ومعاهم حق

عشان كذا انصحك يااااقلبي لاني زيك وودي يرجع زي اول يحاايل فيني بتغلا شوي بس


وباطير قبله..ههههههه مابيشوف الا عباتي فوق رااسي


ههههههههههههه


خذيها نصيحه من اختك عسى الله يديم الحب بينكم ياااارب


ويحفظ لي زوجي ابو عيالي

وعيالي((بنتي وابني))ويهديهم قولي امين

__________________________________________________ __________

هذا درس لك حبيبتي
والله يحفظه ويسعدكم

__________________________________________________ __________

اختي الغالية اكسبي زوجك باي طريقة والعند ما بيفيد مع الزوج ابدا وهو اكيد كان تعبان لما ظل نايم فانتي لازم تدوري راحته والسوق ملحوق عليه استغفري كثيرا تفرج همومك واعلمي ان افضل النساء الهينة اللينة الودود الولود https://said.xplainer.net/images/smilies/rose.gif لا تعندي كثير مع زوجك وخصوصا ان زوجك يحاول يمشي دغري معاكي بس انتي كبرتي المشكلة وهاذا كله عشان ظل نايم شوفي بلاوي الحريم مع ازواجهم الضرب والاهانة وقلة الاهتمام احمدي ربك ان زوجك شاري خاطرك وراضيه لما يرجع وحاولي ما يطلع من البيت زعلان مرة تانية https://said.xplainer.net/images/smilies/rose.gif
زآخر نصيحة اختي لا تقولي امانة تعتبر شرك اصغر https://said.xplainer.net/images/smilies/rose.gif
ونسيت اقولك اي مشوار بيطلعه زوجك ادعي اللهم اني استودعتك سمعه وبصره وفرجه وان شاء الله ما بيصير خاطرك الا طيب https://said.xplainer.net/images/smilies/rose.gif