ربة بيت فاشله-الرجاء دخول ربات البيوت فقط// -تم الاجابة

عنوان الموضوع : ربة بيت فاشله-الرجاء دخول ربات البيوت فقط// -تم الاجابة
مقدم من طرف منتديات نساء الجزائر

ربة بيت فاشله-الرجاء دخول ربات البيوت فقط//

السلام عليكم سيداتي //

اتمنى تكونو بالف عافيه

بدخل بالموضوع
عمري 21 سنه عمري ماطبخت اكله ببيت اهلي وانا الان متزوجه من ثلاث شهور
تدلعت بالايام الاولى وكنت اخذ من المطعم بس الان خلاص راحت ايام الدلع وزوجي ما شاء الله عليه يحب الاكل ويحب ياكل بشهيه طلب مني
اطبخ من يدي كل يوم واي شي اسويه ياكله مع اني اطبخ
وما اقدر اكل من طبخي هههه اروح اطلب من برا وهو يفضل اكلي عن المطعم ومن ايام الخطوبه
وهو يطلب من اتعلم
واقوله بعدين بتعلم واكسل ادخل المطبخ واتعلم من امي ولاحد علمني ولا هتم بهذا الشي
واعتمد ع الشغاله بكل شي اما الان وضعي تغير
وادعو لي امر بحاله نفسيه من البيت ماقدر ارتب البيت ولا انظفها مع اني اسكن انا وزوجي بس وهو الحمدلله يساعدني كثير بنظافة البيت لكن الشيء الوحيد اللي ماعرفت له
هو الطبخ تعقدت منو
كنت ادخل الانترنت واتعلم اكلات لكن انا لسه مبتدئه والمقادير غريبه واحس اني ماعرف اساسيات الطبخ
اختي تعلمني احيان بالتليفون من الاكلات السهله اليوميه
بس اي شي اسويه ماحس طعمه حلو وماعرف اش اطبخ
ممكن تقولولي اي وحده فيكم في بيتها مثلا
اش تطبخ كل يوم
ياريت كل وحده تدخل تقولي اش تطبخ كل اليوم
وتقول الاكلات السهله
واطبخ اش من اكله واش يكون جنبها يعني رتبولي الاكلات رجاء
واذا ماعندكم مانع تكتبو لي الطريقه وياريت تكون سهله
الله يعطيكم على قدر نواياكم الطيبه
وبانتظار ردودكم

يارييت تفيدونيhttps://said.xplainer.net/images/smilies/rose.gif

>>>>> ردود الأعضـــــــــــــــــــاء على الموضوع <<<<<
==================================

ياعمري الف مبروك الزواج وبعدين محد جا من بطن امه متعلم وحلو انه مساعدج في بعض الامور والطبخ اسهل شي بالحياه وراح تتعلمين ،، انا بقولك عن شغلات بسيطه بس الطرق انتيً وشطارتج ،، يعني مثلا الغدا اهم وجبه تطبخين فيها ،،والحمدلله رجاجيلنا مريحينا يموتون بالعيش والدجاج واللحم ،، كبسه ،، وانتي شكلي مره كبسة لحم والاحسن تسوين طباخج بطنجرة الضغط اسرع وغالبا انجح ،، يعني بعطيج ك مبتدئه ،، هاتي اللحم او الدجاج قطعيه ونظفيه بطحين وملح وخل وغسليه عدل وحطيه على جنب كشنيً بصل بس شويً يصفر حطي شوي ثوم ولومي اسود هاتي الصحاري اللي لونه اصفرً احلا شي .. وحطي ورق غار حبتين وتكونين مقصره النار واهم شي الكشنه هي تحليً الطباخ،، وخمس حبات هيل وكم حبة مسمار وعودين دارسين وقطعي طماط حسب رغبتج انا اقطعه مثل البصل جوانح او طرنشات ماطري شيسمونه واحط بعده بهاري وانا افضل بهار القصيمي الاصفر تلاقينه عند العطارين ريحته تهبل خنيييينه بالطباخ.. واحط قفشه اجمونتو او ملح الابيض مال الماجي وملح عادي واحط اللحم او الدجاج واسبكه شوي وحسب رغبتج تبين تحطين صلصه او لا براحتج ،، وبعدين حطي ماي حار يغطيه وسكري جدر الضغط واحسبيله اذا لحم ربع ساعه واذا دجاج تسع دقايق واطفيه بس احسبي من تدور صفارة الجدر .. بعدين حسب نوع الرز تكونين عامله حسابج اذا رز مزه او ابو كاس تغسلينه من تغطين الجدر وتنقعينه واذا رز باب الهند تغسلينه بس تقفلين النار .. تنتظرين ليما توقف الصفراه شيليها وحطي على مكان البخار بياله تحوش البخار ماًيطلع فوق،،بس يخلص البخار ويهدى الوضع افتحي الجدر واكبسي العيش حسب رغبتج تبين الدجاج تطلعينه وتحمرينه بالفرن او بالزيت قلي كيفج سكري الجدر عدل بسً شوفي مقدار المرق على العيش لازم الشي الليً يغطيه بس يادوبك طالع شويً فوق الرز قفلتيه بس تدور الصفاره قصري النار وخليه سبع دقايق وطفيه ،، سويلح معاه سلطه او ايدامات حسب رغبتج متعدده عاد لج متسع الحريه ومعاهم حلا بارد كريم كراميل او حلا الايس كريم او طبقات الجلي وحبتين فاكهه احلى غدا .. وكل يوم شكلي مره كبسه حمرا مره صفرا مره رز ابيض وايدامات مره سليق اقولج تعاليلي خاص واعلمج طبخات حلوه ولذيذه وما ؤاح تتعبج والعشا غالبا صواني او ساندويتشات شاورما او كودو او خضار بيطول الشرح تعاليلي خاص اتفاهم معاج ياعمري اعتبريني اختج العوده او امج اللي يريحج ياعمري انطرج .. موفقه الموضوع ماينكتب بصفحه يبيله شرح

__________________________________________________ __________

اهلين حبيبتي**

اول شي خلي عندك ثقه باكلك حتى لو ماتعرفين ماحد طلع من بطن امه عالم**

دام زوجك حب اكلك ويفضله ع المطعم يعني اكلك مشاءالله حلو**https://said.xplainer.net/images/smi...umb&#91;1].gif

وبالنسبه لطريقتك تطبخين لزوجك وتاكلين من برا مو حلوه ابد**
https://said.xplainer.net/images/smi...8-ehrx1i9o.gifhttps://said.xplainer.net/images/smi...8-n0gfapyo.gif
حلاة الاكل اذا شاركتي زوجك بالاكل نفسه والسفره نفسها**

انا كنت مثلك اول زواجي ماكنت احب اللي اطبخه ماتلذذ فيه**

صرت اسوي الاكل واقعد اتفرج **حسيت زوجي مايتهنى باكله لان مافي احد يشاركه**

صرت اجلس واكل كم ملعقه اسم اني اكل **وماصدق يخلص عشان اروح اغسل**

والحين يخلص هو وانا توني اكل ههههههه**https://said.xplainer.net/images/smi...8-9ndhrgbt.gifhttps://said.xplainer.net/images/smi...ooh&#91;1].gif

عودي نفسك شوي شوي**

وسوي اكل لاهلك وخليهم يذقونه ويعطونك رايهم وتتعلمين من اغلاطك حتى زوجك اساليه كيف الطعم حبيته كذا ولا لا عشان اسويه بطريقه افضل**


وبالنسبه لتنظيف البيت خصصي لك يومين بالاسبوع مثلا الاثنين والجمعه عشان تتقيدين بنظامك وبترتاحين**

والغسيل خصصي له يوم بعد مثلا الخميس عشان يكون الجمعه الكوي وتجهزين ملابس دوام زوجك**

وبكذا يترتب يومك**https://said.xplainer.net/images/smilies/icon18.gif

والطبخات الغداء يفضل رز اذا كان زوجك من محبينه مع شوي سلطه او مرق او ملوخيه**

والعشا مكرونه او صواني دجاج في اشياء كثيره سهله للعشا**

مو شرط تنوعين كل يوم نوعي مره او مرتين بالاسبوع يعني عادي غيري روتينك بكل شكل

والله يوفقك ويفرجها عليك ادعيلي اتمنى اكون افدتك**https://said.xplainer.net/images/smi...8-dbttwedi.gifhttps://said.xplainer.net/images/smilies/rose.gif

__________________________________________________ __________

اخواتي الغاليات
حروف من الروح
اعقل خبله
اشكركم ع الرد اللي افادني
وان شاء الله اطبق اللي قلتوه بكل عزيمه
الله يويفقكم يارب ويعطيكم على قدر نواياكم
دعواتي الصادقه لكم،،
بانتظار ردود بقية العضوات

__________________________________________________ __________

لاشكر على واجب

وان شاء الله راح اساعدك بكذا طبخه ع الخاص ان شاءالله انطريني قريب

__________________________________________________ __________

اكيييد رح انتظرك
شكرا على كرم اخلاقك ومساعدتك