زوجي اهانني بسبب حبة اناناس ادخلو وشورو علي جزاكم الله خير -لصحتك

عنوان الموضوع : زوجي اهانني بسبب حبة اناناس ادخلو وشورو علي جزاكم الله خير -لصحتك
مقدم من طرف منتديات نساء الجزائر

زوجي اهانني بسبب حبة اناناس ادخلو وشورو علي جزاكم الله خير



السلام عليكم ورحمة الله وبركاته

يمكن تكون قصتي تافهه او تضحك بس وايد مضايقتني ...

السالفة وما فيها ان قبل كم يوم كان زوجي جايب معاه دجاج مشوي وأناناس مقطع وكانت اخته توها والده ببنت وطبعا كان عندهم ضيوف والضيوف اغلبهم من اهله .. قمت قلت له اذا خلصت من الدجاج اترك لي شوي عشان اتعشى منه المهم عطاني اياه وعطاني معاهم حبتين اناناس وقال لي خذيهم معاج , خذتهم ورحت فوق غرفتي عشان اتعشى براحتي لان ما اقدر اكل قدام الضيوف , وتوني ما كملت لقمتي الا يتصل لي ويقول لي انزلي تحت زادو الضيوف المهم كلت بسرعة ورميت كل شي بالزبالة ومعاهم قطع الأناناس لاني من السرعة وعشان ما اتاخر ما حسيت اني رميت الأناناس معاهم , المهم بعد ما ضيفت الناس وراحو وتمو شوي استاذنت منهم وقلت لهم انا عندي دوام باجر الصبح وطلعت اكوي الثياب وبعدها رحت غرفتي انام , وكلها نص ساعة الا يوقظني من النوم ينازعني ويقول لي ليش الاناناس في الزبالة ويطالعني بنظرات كلها غضب . اعتذرت له وبررت له انه انا ما انتبهت من السرعة وما جات على هاي . بعد راح يتكلم عن اشياء صارت من زمان ويتهمني بالأهمال والبرود . قلت له انت بحياتك ما عاملتني قدام اهلك الا كخدامة قمت فيهم وقمت فيك . كله تدور علي الزلات . قال لي انقلعي واخمدي يا ....... سب وكلام وانتو ادرى . سكت عنه وقعدت ابكي وطار النوم من عيني وجاني بعدها يعتذر لي قلت له انا عذرتك وايد وتحملتك وتحملت اهلك والحين خلاص ما احبك مثل اول . سكت ونام وانا الحين ما ابي اكلمه وما عندي رغبة اكلمه للعلم كل مرة يدور علي الزلات واتحمل واسكت لاني كنت احبه واحترمه بس الحين حسيت اني كرهته ولين اليوم ما اكلمه او ارد على اتصالاته لما اكون في الدوام .
ملاحظه نسيت اقول لكم ان من يوم اكتشف اني رميت الاناناس بالزبالة ذكرته ان لما كنت معاه بالسيارة رمى عني كيس الجبس بالشارع ولا حشم نعمة الله وما زعلت عليه ولما ذكرته عصب علي وقال الوضع يختلف ... وقلت له ترا فرق بين الواحد اللي ينسى والشخص المتعمد ومع ذلك سامحتك .. وقام يصرخ علي واتهمني اني ما احترمه وان لساني طويل .
والحين ولأول مرة اطنشه وما اكلمه وما ودي جذي بس كرهته ومب بايدي . واسلوبه معاي بدون اهله زين ومع اهله يعاملني كخادمة عشان يوريهم اني متزوجة لخدمته .
شورو علي وانصحوني عزيزاتي هل اللي انا سويته صح لان صدقوني ما صارت عندي الرغبة هاي بمقاطعته الا من اسلوبه .
وسامحوني على الإطالة .

>>>>> ردود الأعضـــــــــــــــــــاء على الموضوع <<<<<
==================================

الله يكون بعونك زوجك نفسية !! وقفيه عند حده قولي له يا تعاملني مثل الناس ولا كل تبن وطلقني ماني خدامه عند الي خلفوك ! اذا تبين الطلاق اتمنى اني افدتك :) < عصبت

__________________________________________________ __________

اكيد ما لازم تسمحي له يتطاول عليك بالكلام حتى لو كنتوا لوحدكم وجربي توقفيه عند حده خصوصا اذا ما في اطفال

__________________________________________________ __________

وليش تخدمين اهله وش اللي جابرك الوحدة تتزوج عشان تعز نفسها وترتاح مو تخدم اهل زوجها اطلبي منه يجيب لك بيت واصري عليه دايم حتى يحس ان بنات الناس موخدم له ولاهله

__________________________________________________ __________

[SIZE=4] والله ما اعرف شو احكيلك
غير الله يعينك ويصبرك عليـه
..
[/size]

__________________________________________________ __________

اختي الغالية
اتحمليني شوي الي صار معك شي عادي ويمكن يحدث بين معظم الازواج وبوجود الاهل او عدمه لكن بوجود الاهل الوحدة فينا بتكون حساسة اكتر
عادي الرجال ممكن يعصبو والحلو انه زوجك تراجع احمدي الله في ازواج مايتراجعو هذه نقطة لصالحه
لازم انك تستوعبي وتمتصي غضبه والاهم ماتجاوبي الا لما يرووق عالاخر صدقيني بحكي لمصلحتك
استهدي بالرحمن وادعيله الله يهديه دايما على لسانك (لاحول ولاقوة الا بالله ) سوف تشعري بالفرق