وين اروح؟؟ -تم الاجابة

عنوان الموضوع : وين اروح؟؟ -تم الاجابة
مقدم من طرف منتديات نساء الجزائر

وين اروح؟؟



طبعي كتوم
مااشكي لأحد
غير لقلمي واوراقي
وعايشه على طول بصمت
ويفسرون البشر صمتي تكبر
طبعي رقيق ومااحب احد يغلط علي لأني ماقد غلطت على احد
قبل لا اتزوج مادرست كنت اقول لأبوي ابي ادرس كان يقول البنت من بيت ابوها لبيت زوجها لقبرها..
كان يخاف علينا من خراب المدارس على قلولته.
وسبحان الله عشان عندي اراده قويه لأني اتعلم
تعلمت اكتب واقراء
بعدها بسنين طويله جاء نصيبي وتزوجت واحد من قبيله متشدده ومحافضه اكثر مننا.
بعد مرور 3 سنوات من زواجي حاولت بزوجي انه يخليني ادرس والحمدلله درست سادس
وكنت بكمل لكن لقيت تعقيدات من المدرسه ومن اهل زوجي مايبغون يمسكون عيالي
وقال زوجي خلاص انا اخذتك وعارفك انك ماتدرسين وش تبغين الحين
انا كتبت لكم ابغى اشوف يمكن تلاقون لي حل اهل زوجي كارهيني عشاني متعلمه من دون شهاده وبناتهم شهادات وجاهلات بأمور الدين والدنيا
انا ساكنه معهم بنفس البيت بس ماينادوني اذا جاهم احد ولا اذا راحو لاحد
وزوجي ياهو عندهم ولا مع اخوياه فالقهوه
ولا عندي جيران اروح لهم الله ثم والله اني محبوسه في البيت مااشوف الشمس الا من الشباك
دقيت مره على اخوي اشتكي له يقول ووش تبغيني اسوي اطلقك منه مثلا
مالك الا الصبر ياوخيتي
وهذ انا صابره ولا ادري وشهو المصير.
للمعلوميه اخواني واخواتي كلن نفسي نفسي
وابوي وامي متوفين

>>>>> ردود الأعضـــــــــــــــــــاء على الموضوع <<<<<
==================================

الله يصبر ايش العيشه هاذي حرمينك من الدنيا عيشة الجاهليه المراءه حقيييره عندهم
لا حول ولا قوة الا بالله
اللهم اعينها يااارب فرج همها والله ماعرف حتى ماقدرت احط نفسي مكانك ماني متخيله الوضع

__________________________________________________ __________

حبيبتي اذا اغلقت الابواب باب الله لايغلق
ادعي والحي بالدعاء والصلاه وقومي الليل لو ركعتين
نصيحتي
الدرااااااااااااااااااااااااااااااااااسه
لاتتركينها حطيها هدف بين عيونك
كملي منازل بس تروحين ايام الامتحانات هي ساعه او ساعه ونص كأنك رايحه للمستشفى اوللسوق والمدرسات تفهمينهن وضعك بيساعونك وبتاخذين الشهاده وانتي ببيتك اقنعي زوجك بالمنازل الانتساب
طيب مايصير كذا روحي لخواتك المتزوجات تزاورن
ماعندك عمات تزوريهم خالات بنات عم بنات خال
خوالك زوجات اخوانك اطلعي لاتحبسين نفسك مو زين يسبب اكتئاب
جيرانكم معقوله مالكم جيران حاولي تضبطين علاقتك باام زوجك وخواته شتسوين لازم وخليك مرحه شوي
الله يعينك .فيه تجمعات بالمنتدى صداقات اتعرفي على بنات بنفس منطقتك وتعازمن انتي من وين اذا نفس منطقتي تراك معزومه عندي انا وامي وخواتي اكيد بتونسين
الله يفرج همك ويسعد قلبك ويجبر خاطرك

__________________________________________________ __________

طيب هذاهم بناتهم اخذوا شهاداتهم من غير علم

فيه كتب بكل مكان فيها علم اقراي تثقفي
واحسن كتاب تغنيك عن الكتب كلها
القران الكريم مو اول مرة وتقولي خلاص
لا تدبري وتثقفي **

__________________________________________________ __________

الله يوفقك ويسعدك مالك غير الدعاء وخلي شغلك الشاغل عيالك وزوجك وتقربي لربي وان شاء الله راح تنفتح لك ابواب الفرج والسعاده الله يعوضك عن كل شي كان خاطرك فيه ويرزقك ي عسسل ....https://said.xplainer.net/images/smilies/rose.gif

__________________________________________________ __________

والله حبيتك مدري ليه
وعجبني فيك حبك للعلم والتعلم ما شاء الله تبارك الرحمن
والله يزيدك علم وفهم في امور دينك ودنياك
واصلي منازل وتعرفي على جيران وزوجات اصحااب زوجك واتفقوا تعملوا دوريه كل اسبوع عند وحدة منكم
واهل زوجك كل ما طفشتي انزلي عندهم وخذي معك حلا وقهوة وسولفي معهم وحاولي تكسبين ام زوجك وخواته
الله يوفقك وييسرامور بس لاتجلسين لحالك كثير حتى ما يصيبك اكتئاب بعيد الشر عنك

وانا اعرض عليك صداقتي واخوتي لك ويشرفني اكون اختك