قصه حياتي التي لاتطاق مجابة

عنوان الموضوع : قصه حياتي التي لاتطاق مجابة
مقدم من طرف منتديات نساء الجزائر

قصه حياتي التي لاتطاق





السلام عليكم ورحمة الله وبركاته


اليوم راح انزل لكم قصه ..

علشان تاخذون العظه والعبره منها وما تمشون نفس الطريق الي انا مشيت فيه..

لن النهايه كانت مقفله وما قدرت ارجع ..

لنه ضااع عمررري.



خلووني من المقدمه وخلوني ادخل على القصه على طوول ..


انا بنت تزوجـت وانا عمري 19 سنـه فكنـت طفله يعني ماني مفتحـه مثل بنات هذي الاياام ...


المهم بعد ما تزوجـت صارتـ مشاكل الي لازم ولابد انهاا تصيرر لكل واحده متزوجه ..

بـس كانت مشاكلي كل مره تزيد بدل ما تنقص ..

كنت مره اصغيرره ..

وزوجي يبغاني غصب ولا با لطيب احمـل..

وانا مافي يدي اي شـي .. وهذي هي اهم مشكله في حيااتي انا اعاني منهاا ..

ما اكذب عليكم ..

ماني صالحه مع زوجـي ..

هو عنيد وانا عنيده ..

وعلشان هذا السبب صارت المشاكل تزيد بدل ما تنقص..

وبصراحـه زوجي بعد الله يهديـه ماكان من ذو العقوول الرجيحه ..

كان مو مبالي ..يحب السلطه ..يحب يتحكم فيني ..مايحب اكلم اهلي او ازورهم ..

ووو ... بس اكتفي بذكر هذا الاعيووبـ...والخافي اعظم ..

المهم

مرت اول سنه وثاني سنه وثالث سنه ورابع سنه ومااصار حمل ..

وانا طبعاً ماخليت مستشفى مارحت لهاا وماتمت وحده تمرخ مارحت لهاا

وما تم شيخ ماارحت له ..وحتى العمليات سويتهاا ومانفعني ..

سبحاان الله مع ان الحمد الله ما معي شي ..الي اكشفوه با المووت بعد ان معي

تكيس بسيـــــــــــــــط مرره على المبايض وبـــــــــــــس...

المهم مرتـ السنه الخامسه وانا ما حملت وكل سنه تمر تزيد المشااكـل ..

ويقل الاحتراام بيني وبين زوجي ..

ومرت السنه السادسه ومرت السنه السابعه وماصاار حمل ..

المهم

انا في هذا الوقت كل من احس ان المشاكل الي بيني وبين زوجي مرح تنحل

اطلب منه الطلاق ..طبعاً هو يرفض وبقووه بعد .. ويقولي اسمعي تبغين

الطلااق جيبي افلووسي ..

طبعاً هذا هو الي يهمه .. وهذا الي كااسر اظهري ..اه والله ماتدرون كيف تعذبت ..

والله حيااتي زفت ..استغفر اللـه..

وخاصه ان هو عاارف بظروف ابووي وعارف انه على قد حاله ..

المهم مره خلاص قررت اني انفصل وكان اليوم الثاني راح اروح المحكمه

جااء عندنا با البيت وصار يقولي كلاام الله لايوريكم انه خلاص راح يحل

مشاكلناا وانه راح يسوي لي المستحيل وانه راح يخليني احبه غصب عني

وانه وانه المهم حط القمر لي بيد والشمس بيد ..قالي ووعدني قالي اسمعي يا اترجعين لي انتي ولا انا مرح اتزوج ابد ابد ..

ما ابغي غيركـ ..قلت له واذا رجعت لكـ تفكر تتزوج علي .. قاالـــــــــي


(واللــــــــــــــــــــــــــه مرااح اتزوج عليكــــــــــــ )..


اه والله ما اتمنى حد ينحط .......

في مثل المواقف الي صارت لي .. والله اني ما اكذب عليكم ادموعي تعبت

اول ما جيت كنت لما اصيح كنت اطلع صووت من القهر وانا اصيح ..

الحين لما اكون ساكته واشوف الشي يقهرني على طوول تنزل دموعي من غير اي صووت

كني صرت خبله .. مجنوونه .. ما احس

على العمووم..


صدقته .. وقلت مو كل مره لي زوج .. خلااص ما دامه جااكـ واعتذر واعترف با الغلطـ الي هو صادر منه هذي خطوه حلووه لحل المشاكل ..

رجعت اول اسبوع صاير طيب وحنوون علي ..

وثاني اسبووع بداا يرجع مثل اووول ..

وثالث اسبوع رجع مثل اوول ..


وما كأنه صاار اي شي ..

هيناا انا قلت مو مشكله انا راح اصلح ان شاء الله

وبعديـن صرت اطووف كل شي علشان بس ابعد عن المشاكل ..

يهيني ويغلطـ علي ويسبني ويضربني وما اقوله شي واظل ساكته لين ما يهدي

با السياره اذا ركبت وتأخرت ثواني بـس اركـب ويجلس يهاوش انتي وانتي

انا مراح اطلعكـ وانا وانا وووالله لااوريكـ ووو..

ومع كـــــــــــــــــــــــــــــــــــــل هذاا انا صاابره واقوووول يااارب فرج عني


ومع هذاا كلـــــــــــــــه والله ثم والله اني ما قلت حق امي ولا حق اختي الكبيره

قلت ما ابغي امي تتعب لنها تعباانه .. وما ابغي اضيق صدرهاا ..

المهم كل من يصير اي شي اجلس اصيح من غير ما اخلي اي حد يدري عني ..

قلت هذا الي ربي كتبه لـي ..

ربي كتب لي اني ما اجيب طفل ينفعني اذا كبرت ..ولا يقوولي ماما..

والناس الي نظراتهم ابد ماترحم.. وتجريحهم لي بشكل مباشر وغير مباشر..


وابشركم بعد.. اهل زوجي الي هم عماته وخالته ..


داايم يحنوون على زوجي تزوج تزوج من ثالث سنه من زواجناا لين يومكم ...

واخر شي ..

هذي المره الي ماني قاادره انسهاا ..

حرقت قلبي ولع قلبي عليهاا عجزت انها تنطفي ..



كنت مبسوطه وامورنا بدت تزين اشووي ..

الا واسمع ان امه جالسه تخطب له..

عااد امه ماشاء الله عليها مو اول مره يعني من قبل خطبت له وحده

وطول الوقت تحن وتزن عليه .. تزوج وتزوج وهو يصارخ عليها يمه ماابغي اتزوج..

بس عااد هي ما تقدر تتنازل قالت دامه موراضي بسوي الي في راسي

ويجي اليوم وجابت لي هديه كبيره لو شنهو يصير مرااح انساهاا ابد..

مراح انسى الي سوته لي..

رايحه عند نااس ..ويوم اطلعت كلمت بنتهم قالت لها ابغي اخطبها حق ولدي ...

انا مت قهر ..

ليه وشو انا امسويه لهاا والله اني اعدها مثل امي وكنت احبها وكنت اعزهاا

وكنت ما ارضى حد يتكلم عليها مهماا يكوون ..ومع هذاا هذا الي يجيني منهاا

..مع انهاا ......

مقدر اقولكم كل شي ..

لن مابي حد يعرفني ..

وما اقوول الاا حسبــــــــــــــــــــــــــــــــــــي الله على من ظلمني

حسبـــــــــــــــــــــــــــــــــــــــي الله على من ظلمني


....

ياارب ياارب يا كريم ورني فيهم عجـــــــــــــــائب قدرتكـ ...

ياارب ورني فيهم يووم ..

وخل كل الي صاار لـي يصير لكل من ظلمني يااارب العـالميـن ياارب

ياارب يا رحيم ارحمنـي وفرج عني همي وويسر امووري وسهلهاا


يااارب انت اعلم بحاالي ...

وما يعلم الغيب الا انـت

ياارب ياارب يا حبيبي ..جعل كل من غلط علي واهانني وما قدرت ارد حقي

ياارب انكـ تاخذ حقي منهم في الدنياا وقدام عيني قبل الاخرره ...

ياارب ما الي الا انـت فا انصرني ياارب على من عاداني ...


وفــــــــــــــي الاخيرر...

ابغي ردوودكم لـي ودعاائكم لـي ..

وقوولو لي وشو اسووي على حـالـــــــــــي ووشو اسووي دلوونـي

مالي الا الله ثم انتم ..

انا الحيـــــــــــــــــــن خلااص ماعااد فيني اصبر اكثر من كذاا

احس ان صبري نفذ والله نفذ ....

وابغي اطلـب الطلااق ..

لعل وعسى ربــــــــــــــــــــــي يرزقني با اخير من هذاا .. يعزني

يحبني اناا .. مو اشيااء فيني مخصصه..

ما يرضى حد يغلطـ علي ,,
يخااف علي .

اذا طحت مريضه هو بنفسه يوديني المستشفى ..

ابغيه يعدني بنته قبل لايعدني زوجه له ..

ماا ابغيه يرفع يده ابد علي مهما يصيرر..

ما ابغيه يحرمني من العالم ومن الناس ومن الجمعه .. ومن ومن .

ابغيه يحن علي ..

ابغيه يكتم اسرارناا ..
ولايقول حق امه كل شي..


ابغي يعرف اني حرمه والحرمه ضعيفه بطبيعتها حـتى وان علت صوتهاا

ومهما زعلـت هذا الي عندهااا بس وسلاحهاا الدمووع


ابغيه ما يخليني اناام وانا متضايقه او دمووعي على خذي ..

ابغيه اذا شافني اصيح ..يسألنـي وشو الي مضيق صدركـ

لاتحاتين راح احل مشاكلـكـ

ابغي احس ان ورااي رجـاالـ

مو مثل الحيـن الي يبغي يهيني عااادي مو عنده اي مشكله ..

بس وخااصه اهله ..

عاادي عندهم هذا اذا ماصار يضحكـ معهم علي ..

دلووني ...واللـه اني تاايهه

ضاايعه ..

ما ادري وشو اسووي ..

طول عمري اطلب من ربي انه ييسر امووري ..

وداايم ادعي ربي واقوول ربي لاتذرني فردا

والحمد الله

اللـه يخليكم عاارفه ان الكلاام مو مرتـب لن عيووني متغرقه من الدمووع ماني شايفه الحروف زيـن

بـس الي ابغيه منكم الي عندها حل حق الحرااره الي في قلبي الي عجزت ..

والله عجزت اطفيهاا يوم عرفت ان امه الي طول ما اما موجوده عندهم ..

وانا حاطتهاا فوق راسي ..وحاطتها في عيوني ..
تخطـب حق ولدهاا .. وانا طالعه من عندها توي واضحكـ لها وفي وجهها..


والله الناار ليـن الحيـن في قلبي عجزتـ والله عجزتـ انها تبرد ..

لاتقوليـن هوني الاموور .. مقدر ..

تعرفون ليـه .. لنه هو عاجبه الوضع وعاادي عنده ويقوولي امي ما اغلطت..

قلت له اوكيه مو مشكله اذا صرت انت موكلها من قبل مو مشكله بس انهاا تتصرف على كيفها هذا الي يطعن..

يعني هو قبل من نفسه قالهاا انا ابغي اخطـب وانبسطت مرره وراحت واخطبت له وبعديـن خذ لها الشبكه وجهزو بس هو بعديـن قال لاااء ماابغي تزوج..

ورجع لـي وبعديـن جااتـ امه بعد سنه وخطبـت له من وراه ومن ورااي ..

وشـو اسووي

ساعدووني .انا الحين افكر اتطلق من هذا واتزوج واحده زوجته تكون ميته لني ماودي اكون ابد ابد زوجه ثانيه وماابغي اغث اي حرمه مهما يكوون .
ويكون عنده اعيال علشان اذا ماقدرت اجيب له محد يقوله تزوج
..

>>>>> ردود الأعضـــــــــــــــــــاء على الموضوع <<<<<
==================================

والله ياقلبي مدري ايش اقولك الله يصبرك بس صراحه ماينعاش معاه صح من حقه يتزوج لاكن مو بدي الطريقه فوق ما الواحد يتحمل اسلوبه كدا يعمل


استخيري واللي ربي كاتبه بيصير واذا مو قادره تصبري اكتر خلاص اطلبي الطلاق واحكي للشيخ كل شي وظروفك وهو يحكم لكي

والله يرزقك باللي احسن منه

__________________________________________________ __________

والله مدري اش اقولك حياتك ماتنطااااااق

ادري ان الطلاق مو حل

بس يمكن ربي مو كاتب لك تجيبي من هالانسان لانه مافيه خير لكي

اسمحيلي زوجك مافيه خير

واذا كنتي ضامنه ان في واحد ثاني بيتقدم لك او تقدري تعيلي نفسك

لان الحياه صعبه ف توكلي على الله واطلبي الطلاقَ

__________________________________________________ __________

يَ حيييييييييييياتتتِي والله الدنييآ ما تسوى تسوين بنفسك كذآ بس بقولك شي واتمممنى ما تزعلين آلغغغلط ككله منك انتتي ليش تتزوجين وعممررررك 19 ليييييييش !!؟ ليشما كملتي درآستك حبيبتي انا ماراح ازيدهآ عليك لأني حآسه فيكك وفي حيآتتكك بس ما اقول الا اللهم انصصر كل ظظآلم آللهم انصر كل ظظآلم يَ رب يَ مجيب الدعوآت , والدنيا حلوه ترى تطلقي منه وارمممي كل شي ورآآآ ظهرك ليش تكدرين خآطرك على دنيااا فآنيه دنيا راح تروحين وتخليننها واذا اي احد تكلم عليك و قدآممكك قولي ربببي رآح ينصرني وترى الشمآتته مو زينننَهه ! ردي لكل من يتكلم عليك هيني من يهينكك لأأن هالدنيآ ما عآدت تنفع فيها الطيبه الطيبــــــه صآرت عدم والله يفرج همممك عآجلآ غير آجلآأ ويصلح حآلك وينصرك على من ظلمك يً رررب

أختتك في الله : نووف

__________________________________________________ __________

مظلووم ***

لآ توآخذوووني موآصله يوم كآممل ,

__________________________________________________ __________

والله ياقلبي انا حاسه فيك وبمعاناتك الله يصبرك ويعينك
شوفي حبيبتي انا عندي لك دوا مضمون باذن الله 100%
انتي ماعمرك سمعتي عن الاستغفار ووش فوائده وربي انه شي عجيييييييب افتحي قوقل وابحثي عن قصص عجيبه في الاستغفار وشوفي بعيونك والله لو كنتي تتمني شي وتشوفينه انه من سابع المستحيلات يصير باذن الله راح يصير بكثرة الاستغفار + قراءة سورة البقره يوميا + قيام الليل+ واهم شي حسن الظن بالله
اشكي لربك وادعي بكلللل اللي فقلبك وربك مراح يخيب ظنك
وانا مجربه كثير و في شي فبالي اتمناه راح يتحقق قريب ان شاء الله

وعلى فكره انا عمري 16 وادري مالو داعي ادخل هنا بس حبيت افيدك بشي باذن الله حيسعدك اذا سويتيه واستمريتي عليه
الله يشرح صدرك ويفرجلك همك