احب شخص ولكن ...! الطبيب يجيب

عنوان الموضوع : احب شخص ولكن ...! الطبيب يجيب
مقدم من طرف منتديات نساء الجزائر

احب شخص ولكن ...!



بسم الله الرحمن الرحيم
السلام عليكم .. خواتي فـ الله أبي بس حل منكم تدلني على اللي أنا أبيه!
بدخل باالموضوع ع طول ... أنا عمري 23ودائما ادعي ربي أنه يرزقني باالزوج بكل ما أتمناه من صفه تكون موجوده فيه .. لاكن لحد الان لم يتقدم لي أحد ودائما افكر ليش لحد الان مايجيني احد فاعوذ بالله من الشيطان دائما اقول ليش محد يخطبني هل انا شينه ولا شنو=(
فـأقول النصيب بيد الله ومالي غير الدعاء ....
المهم انا لي صديقه مقربه جدا لي كل ماكلمتها قلت لها ابي اتزوج ..وفي يوم من الايام قالت لي عن شخص يقرب لها حكت لي عنه فسألتني تبغينه .. فقلت أنا لا اعلم اذا كان هو نصيبي ولا لا .. قالت لي صديقتي انا راح اكلمه وراح اقوله عنك وراح اشوف ردت فعله .. فمرت الايام وتصلت علي صديقتي وقالت لي أني كلمته عندك ومن كلامه انه اعجب بشخصيتك .. فانا اخذت الامر بمزحه وجلست اضحكhttps://said.xplainer.net/images/smi...7-9ndhrgbt.gif وهي تقولي من جد كلمته عنك!! https://said.xplainer.net/images/smi...7-9ndhrgbt.gif ...فصار الامر أنه كل ماكلمت صديقتي تتكلم عنه وتعطيني كل اخباره فاحس اني تعقلت فيه وهو ما يعرفني ولا عمري كلمته بس انا اسمع اخباره واهو يسمع اخباري من صديقتي .. الى درجت أني احس هو الرجل المناسب لي والله العظيم من كلامها عنه كل الصفات اللي ابيها موجوده فيه ..ودائما افكر فيه بس ماخبرت صديقتي اني ابيه يعني لمحت شوية تلميحات لعل وعسى يأتي ويخطبني .. فصار لي تقريبا نص سنه وانا كذا ..يعني ابيه وهو الشخص المناسب لي ومايروح من بالي ماغير افكر فيه ..الى درجت من يومين تقريبا كلمتني صديقتي وقالتي لي أنه يسال عنك ... صرت افكر حيييل ..ابيه يجي ويخطبني بس مو عارفه كيف ..
حتى صديقتي ساالتني مره وقالت لو يجيك عادي تخذينه قلت لها لي اشرف اذا كان نصيبي اني اخذه .. << يعني ماقلت لها ايه ابيه استحيت من صديقتي..https://said.xplainer.net/images/smi...7-9ndhrgbt.gif
ولاني عارفه كيف اقولها خليه يجي ويخطبني .. هو عمره 27او 28..
" لمحت لها مره وقلت هو يبيني .. فقالت لي هو يستحي وما يتكلم بس احيانا اذا اتصلت فيه وكلمته يسال عنك وعن اخبارك ...؟
كيف يعني ؟! .... ماني فاهمه ليش يسال عني .. ؟! ايش اسوي انا..؟!https://said.xplainer.net/images/smi...7-n0gfapyo.gif
يعني بقلبي هو الشخص اللي ابيه وخلااااااااااص
ساعدووووني ابي حل عطوني رأيكم تكفون ...
طولت عليكم بس اللي ترد علي والله لا ادعيلها بظاهر الغيب ان ربي يرزقه ما تتمنى ويعطيها على قد نيته يارب

>>>>> ردود الأعضـــــــــــــــــــاء على الموضوع <<<<<
==================================

وعليكم السلام حبيبتي اقولك شي بس بدون زعل ، كيف تأكدتي انو صاحبتك ما تتسلى بيك؟ ما اقصد انها انسانه سيئة لا سمح الله لكن كثيييييير بنات يحبو يعملو هالحركات مع صاحباتهم بس تشوفها ملهوفه عالزواج تبدي تعمل معاها هالحركات هي مفكرة انها مزحة اوانها راح تشغلك شوية وتشوف كيف راح تتصرفين وما متخيله حجم الاذيه اللي تسببها لما ينكشف المقلب ، بعدين ايش معناها لما تقولك انا لما اكلمه و اتصل فيه يسأل عنك يعني هي وهو بينهم تلفونات ؟؟؟؟ وايش نوع العلاقه بينهم؟؟؟ موضوع غريب والله

طيب تخيلي لو كان كلامها صح وانه معجب بيك فعلا تتوقعي انها راح تقوللك عيوبه؟؟ اكيد لا راح تنقللك الاشياء اللي تحبينها بس و مستحيل تقولك انه مصاحب بنات او عصبي اواي صفة ماتحبينها خاصة انها صاحبتك وتعرف اللي تحبيه واللي تكرهيه من مواصفات

فبصراحه لو كنت مكانك ارحم نفسي من هالتعب اللي مااعرف آخرته و اقول لها بصراحه لو كان هو او غيره قصده شريف يروح يكلم ابوي مو تلفونات و يستحي و مايستحي وحركات المراهقين، و بطلي تساليها عنه واذا هي قالت لك شي لا تبيني لها انك ملهوفه و مو مصدقه و بالعكس اثقلي شوية عليها و لو كان فعلا معجب بيك و قصده شريف وناوي يتزوج من الاصل فراح ياخذ خطوات و لو كان لعب وحركات عيال بلاها أحسن مما تتعبي قلبك عالفاضي ، والله يوفقك

__________________________________________________ __________

كلاااااااااااااااااااااام سليم تماما

مشكورة طامعة في رضا ربي

تحيااااااااتي لك مشكلتي

__________________________________________________ __________

حبيبتي اسمحيلي لاحظت من كلامك انتي وايد مستعجلة ومتهورة لا تتهوري يا عمري رايح تندمين
صح ومسسسسسسستحيل ربيعتج رايح تقووول عيبوبه
انتي سألتي نفسسسسج
ليشش ما تزوج الى الحينه ...؟؟؟؟
حبيبتي ما ابيج تنصدمين بعدين ....
حبيبتي لو كنت مكان ربيعتك بسوي نفسسسس الشي و مستحيل انقل اخبارها
انتي ادعليالله يجيك واحد من باب بيتكموصدقه يتزوج
وليش تبين تعرفين اخباره ؟؟؟؟؟
انسى حبيبتي انتي مسسسسسسسسسسسسسسسسستعجه كبري عقلك شششوي
انتي ما تعلقتي فيه لا تكلي الشيطان يغويج جولي لربيعتك لا تخبريني اخباره اذا يبيني باب بيتنا مفتوح ما يبي الله معاه لا تنخدعيييين
الله يرزقك الزوج الصالح

__________________________________________________ __________

السلام عليكم ورحمة الله وبركاته

الاخت طامعه في رضا ربي ماقصرت جزاها الله خير كفت ووفت ..

اختي صاحبه المشكله ولو انه ليست لديك اي مشكله بالاساس سوى اوهام .
صراحة من قراتي لموضوعك ومشكلتك مبين انه صديقتك من النوع المخادعه يعني للاسف دعابه وخدعه ومقلب فيك لكي توهمك وتشغلك ولازالت توهمك ولا ادري الى متى وانا مستغربه بالاساس انتي تخجلين من كلامها دون تفكير ؟؟ هل فكرتي في كلامها عندما قالت .؟ وذكرتي في رسالتك انتي ايضا (اذا اتصلت فيه وكلمته يسال عنك وعن اخبارك ...؟) اختي هل فكرتي ؟؟ ماذا قالت هل تمعنتي ؟ في قولها ؟ لو فرضا انه خطبك وتم كل شيئ هل ترضين يكلم صديقتك ويستمر معها بالاتصالات والمكالمات اليس لديك غيرة اليس لديك شخصيه ؟؟؟ اختي فكري بعقلك ولا تتوهمي ولا تصدقين صديقتك .. وذكرتي انه مرت نصف سنه ؟؟ يعني للان انتي متوهمه ولم تفيقي او لو تستوعبي من الدعابه والتمثيليه والاوهام ...!
اختي انصحك ان توقفيها عن حدها ولا تلقي لها بالا ولا تهتمي بما تقوله وابعدي عنها نصيحه ..اني اشفق عليك ..اختي ان تريدين شيئا استخيري الله في كل شيئ واستغفري ربك كثيرا وادعيه ان سميع الدعاء بدل ضياع وقتك في اوهام وافكار واحلام الجئي الى ربك واطلبي منه الرزق والله مجيب الدعوات ..

لا اله الا الله

استغفر الله العظيم


فيفي ..

__________________________________________________ __________

الله المستعان بس كلام الاخوات صحيح وانشاء الله يكون ولد حلال ومن نصيبك