7 سنين وولد عمتي صابر مجابة

عنوان الموضوع : 7 سنين وولد عمتي صابر مجابة
مقدم من طرف منتديات نساء الجزائر

7 سنين وولد عمتي صابر




السلام عليكم ورحمه الله وبركاته



اخاااف كثييير من مسألتين هي زواج الاهل والزواج عن حب .. والسبب الزواجات الي بمحيطنا معظممها كانت فاشله وسببت حساسيات بين الاهل
واما اللي انبنت عن حب ادت لانعدام ثقه واساسها كان مرره ضعيف وعلى وشك الانهيار


انا أؤمن بالزواج التقليدي لابعد الحدود ... لاني الحمدلله مؤمنه ان التوفيق من الله وراح احبه بالنهايه .. وبالعكس هو راح يبذل جهده حتى احبه




عمري الحين 22 وادرس بالجامعه ... وابوي الله يهداه طفش كل الخطاطيب وانا عارفه انه في باله شخص معين ...ابوي وعماتي يتمنون اني آخذ ولد عمتي

كنت رافضه الفكره من جذورها :
1- لاني احب خواته مررره وما ابي اخسرهم بيوم بسبب مشكله تافهه او يتحسسون مني خصوصا اني مررره مسالمه
2- توقعاتي ان منظور ابوي وجدتي مادي ويفكرون بمصالحهم من ورا هالزواج
3- اني كتومه كثير و احب الخصوصيه بحياتي وايفه من تدخل الاهل
4- مستحييل آخذ عن حب


انــــا اقّدر مشاعر ولد عمتي حييل وانه هو يبغاني من قلبه ويتمناني.. وصار له 7 سنين وامه تكلم ابوي عن الموضوع .. خصوصا انه عمره الحين 28
وانا بقراره نفسي قمت اميل له 15% من فتره بسيطه فقط بسبب تمسكه فيني .. لكن عقلي رافض فكره زواج الاهل او حتى زواج الحب لو من طرف وااحد ..

بالفتره الاخيره .. اضطريت ابين لابوي اني مو راضيه بولد عمتي واعانده .. ف اي احد يخطبني من طرف امي كنت اوافق مبدئيا (وابوي كان يظل ساااااكت ومايعلق ع الموضوع بالمره .. خصوصا بعد ما واجهته بسالفه تطفيش الخطاطيب بدون سبب وجيه )



ولما يجون يشوفوني وقبل الخطبه الرسميه بكم يوم .. فجأه ابوي يقلب ااالدنيا بدون سبب واضح وباسلوب مو حلو.. وكل شي يتفركش

وهالحركه صارت بآخر 3 مرات .. وحسب كلام امي اكيييد السالفه فيها بيت عمتي " مع العلم انه ابوي جدا كتوم وغامض ولا يحب حتى امي تتدخل وتناقشه بافكاره "

المشكله انا مو فاهمه ابوي هل انه عطاهم كلمه ؟.. او انه قال لهم انتظرو البنت لين تخلص دراسه (لاني ما اشوف اي خطوه رسميه من جهتهم) ؟ .. مو عارفه بشنو يوعدهم من وراي


وبععد آخر مره :

اللي عرفته من بنات عمتي " خواته " انه هو كان يتضااااااايق حيييل لما احد يجي يشوفني وتصك فيه الدنيا .. << هنا يمكن بديت أتقبله شوي .. بنفس الوقت ما فهمت لشنو تلمح بضبط
ومن فتره بسيطه تقول لي بنت عمتي " ليش ابوج ماله كلمه وحده؟ " .. وقتها انا بالمرررره ما فهمت كلامها ولا كنت اعرف اهي شنو تقصد



سؤالي الحين :
# هل ممكن اللي صار في البدايه " يعتبر خطبه على خطبه" حسب كلام ربيعتي خصوصا اذا ابوي وافق وعطى كلمه لعمتي مبدئيا؟

اذا نعم .. لكن ابوي ما سألني حتى ولا شاورني ! (بغض النظر لو كنت متقبله الموضوع مؤخرا في قراره نفسي وعقلي رافضها) ؟



# " تتوقعون بعد اللي صار ...ممكن ولد عمتي يرجع يكلم ابوي ولا غير راايه لا عاد يبيني لانه كرامته انجرحت ؟

انا خايفه محد يخطبني بعد حركات ابوي وتطفيشه للخطاطيب .. وعلى كلام خالتي انه ما في احد يتمنى يخطب وهو عارف انه راح بنرفض + معاملة ابوي الراقيه لهم ><


# وهل صبره 7 سنين يعتبر انه جدي بالموضوع ومتعلق فيني وانه انتقاني بعنايه ؟



>>>>> ردود الأعضـــــــــــــــــــاء على الموضوع <<<<<
==================================

الله يعين

وتزوجي اللي فيه الخير وولد الحلال

والاقارب ياكثر كلامهم
اهم شي لاتعلقين نفسك فيه وتحبينه وبالاخير اهل مايوافقون او يدور غيرك

__________________________________________________ __________

حبيبتي كان ابوي زي كذا حركاته لمن يجون الخطاطيب علشان ولد عمي وذحين الحمدالله متزوجه ومرتاحه والله ذكرتيني بنفسي
قبل 4سنين الله يوفقك بس دام انك تعرفين اخواته اسأليهم واتأكدي منهم تقبلي مروري

__________________________________________________ __________

شوفي عقلك وش يبي ونفذيه
بالاخير الراي رايك ومحد ماله شغل

__________________________________________________ __________

شكلكم فاهمين الزواج التقليدي غلط مو توافقين عليه على طول و تتزوجيه و بعدين تحبيه لا يجيكي خطيب يطلب ايدك من ابوك تشوفينه يوم الشوفة عجبك و حسيتي في قبول توافقين و تصير الملكة و انتي خلي فترة الملكة طويلة مو بعد اسبوع يكون الفرح لا خليها اطول و بالفترة هذه اتعرفي عليه خلاص هو يعتبر شبه زوجك و شوفي اخلاقه و طبعه و اكيد بتمر عليكم ظروف تعرفيه فيها هل بيوقف معاكم هل بيكون رجال اصيل و لما يكون يعصب بيوم هل بيغلك على الكل تعرفي اخلاقه بالفترة هذه لانك خليتيها طويلة و اذا كان يمثل باخلاقه انه طيب لازم ينكشف بالفترة الطويلة هذه و هذه فترة تعارف اذا خلاص ارتحتي له و عرفتي اخلاقه و مبسوطة حددي يوم الفرح و انبسطي و اذا تصرفاته ما عجبتك و بانت عليه اخلاق مو حلوة فركشي الزواج و قولي ما ابيه وعندك سبب مقنع مثلا اخلاقه اكتشفتي انه بخيل بشرط في فترة التعارف هذه الي هي فترة الملكة ما تخليه يلمسك لانك ممكن ترفضيه بعدين اذا وافقتي عليه بيوم الفرح كل شيء يصير . انا برايي هذه افضل طريقة و كمان حلال يعني المفروض البنت يوم يجيها خطيب و تسمع عنه كلام حلو و هو يبيها اول شيء تستخير الله و اذا ارتاحت توافق على الملكة و تتفق مع ابوها انها تطول فترة الملكة عشان تتعرف عليه و تعرف اخلاقه و طبعه و بعدين ارتاحت خلاص يحددون الفرح ما ارتاحت تفركش كل شيء و عندها سبب واقعي مو عشان ما تحب الزواج التقليدي لمجرد انهم ممكن يغصبونها عليه وتتضر تحبه بعد الزواج لا انتي عندك فترة تشوفين اخلاقه فيها و عند ك حرية الاختيار ياما ترفضين و عند اسباب مقنعة يا انك توافقين و ربي يكتبلك الي فيه الخير , بعدين الزواج الي عن حب يعني تتعرفين على شخص اصلا من البداية المفروض ما تتعرفين على شخص الي يبغيكي يجيكي و يطق الباب مو تعملين شيء ما يرضي اهلك و اكبر غلط لانه غالبا ما يكون يبغي يلعب عليكي ((هذا توضيح للبنات الي يبغون يتزوجون عن حب و تعارف )) اقول للبنات الي يبغون يتزوجون عن حب وتعارف عند فترة الملكة تقدرين تتعرفين عليه و تحبيه و اذا ما عجبك ترفضيه اهم شيء انه جاكي بالحلال و طق باب بيتكم , الزواج التقليدي الي يجي العريس و يخطب و الاب يوافق و تنغصب البنت عليه بدون ما تتعرف عليه بفترة الملكة او يكون لها راي اعتبر هذا الزواج مو افضل طريقة .

افضل طريقة هي الي فوق انا اقول دام انه قريبك يبغيكي و متمسك فيكي استخيري الله و اذا ارتحتي وافقي و بفترة الملكة اعرفيه اخلاقه و طباعه و اذا ارتحتي حددي يوم الفرح و الله يهنيكي انتي تقولين ما تبغين عشان ممكن يصير حساسيات بين الاهل و ممكن انك تخسريهم ليش انتي سلبيه تفائلي بالخير تجديه وممكن تتقوى علاقتك معاهم اكثر و يكون هو انسب زوج ليكي , لعلمك في كثير زواجات من اقارب ما صار حساسيات و الناس فرحانين و اهل و في زواجات مو من اقارب و في مشاكل يعني الشيء يعتمد على الشخص و اخلاقه مو عشان هذا قريبي و هذا لا , لازم تتفائلي و تفكري بايجابية مادام قريبك متمسك فيكي استخيري الله وشوفي اذا ليكي نصيب معاه بياخذك و اذا لا ما رح ياخذك استخيري و قوليلنا

__________________________________________________ __________

Up up


Up