ما بدي زعل امي يطول...ساعدوني

عنوان الموضوع : ما بدي زعل امي يطول...ساعدوني
مقدم من طرف منتديات نساء الجزائر

ما بدي زعل امي يطول...ساعدوني



السلام عليكم ورحمة الله وبركاته

في البداية انا صبيه عمري 19 سنه تقريبا مخطوبة من 5 شهور ونص

واحنا عندنا ما منغطي وجوهنا يعني منتحجب بس ما منغطي على وجهنا

خطيبي ما شاء الله عنه اخلاق واداب واحترام ودين بصلي بصوم بخاف ربه

خطيبي عمره 33-34 سنه في البدايه لما وافقت صليت صلاة الاستخارة 10 مرات يمكن وكل ما اصلي صلاة الاستخارة ارتحله اكتر ولما كنا نقعد مع بعض عشان نتعرف على بعض قبل ما نرد الموافقه ارتحله اكتر

انا وخطيبي قعدنا مع بعض 5 مرات جلسات نتعرف فيها على بعض

بعد كل هادا استخرت لاخر مره ارتحتله بشكل عجيب ووافقت

انخطبت ومرقت فترة شهرين وانا وخطيبي عم نتفاهم اول باول لحد اجت فتره حسيت كرهته ما عدت بدي اياه تعوذت من الشيطان وقلت ان شاء الله خير

تحملت جفاءه الي بالايام ما كان يتصل ولا يفكر يسأل عني ولا شي

تمر 3 او 4 ايام وهو ولا يسأل

وخلال هالفتره كنت كل ليلة اكتب الشغلات الي بتدايئني منه ولما اجا بعد اسبوع تقريبا قررت اني اطلع هاي الاوراق ونتفاهم

طلعت الاوراق وجبت قلم وحكينا بكل شي حكيتله عن كل الشغلات الي متدايئه منها ويومها بكيت حكيتله لو انا مش معنيه اكون معك كنت ما عملت هاي الحلول وعم حاول لاقي حل كنت حكيت خلص ما في نصيب بس انا عارفه انك شهم ورجال وراح تسندني وتكون جنبي حكيت هيك لانه لما شافني طلعت الورقه والقلم حكالي شو بدنا نتعلم(صدمنيhttps://said.xplainer.net/images/smi...7-vzp7onvp.gif)

المهم بعد ما خلصت انا كل كلامي حكالي هادا الي حيريحك حكيتله طبعا

حكالي خلص الي بدك اياه بصير

ومن تاني يوم صار انسان تاني معي متل ما بدي انا واحسن حتى

هون بلشت حبه بصدق واتعلق فيه واسأل عنه واحب يجي عنا

طبعا الفتره الي ما كان يسأل عني فيها ولا يتصل ولا يجي كانت امي على علم وكانت عارفه اني متدايئه ومقهورة

وبعدها حست هي انه نفسيتي عم تتحسن عم اضحك والعب كنت مبسوطه

وهي صارت تعطينا مجال نقعد مع بعض لحالنا عشان نتفاهم على كل اشي

ما بخبي هالفرص الي اعطتنا اياها قربتنا من بعض وتفاهمنا على كل شي الحمدلله

بهالفتره الي امي كانت تسمح لنا انه نقعد مع بعض كان يطلب انه يقبلني وانا كنت ارفض وكنت احكيله بيجي وقتها

وما كان يصر علي ولا يضغط علي

قبل يومين كنا قاعدين انا وهو وانا كنت متدايئه من شغله لدرجة اني بكيت هو بس شاف دموعي حسيته انجن بلش يسال شو في وانا لما شفت حنيته علي ما بعرف ليش زاد بكاي

لحتى ضمني لصدرة بديت اهدى واحس اني عم ارتاح

مر اكتر من ربع ساعه وانا نايمه على صدره وكان يحكي معي ويهديني لحتى هديت على الاخر وما عدت بكيت

وانا حاطه راسي على صدره حسيت بشي غرييييب حسيت ما بعرف شو بس جد حبيييييييته كتير وانا حاطه راسي على صدرة وما كنت حابه اقوم

ما بعرف شو يلي صار نادي علي رفعت راسي اتطلع عليه حكيتله نعم حبيبي أمرني حكالي ما يامر عليكي ظالم

اتطلع بعيوني وانا ضحكت وما عرفت كيف صار وباسني وانا نسيت حالي وانا متأكده انه هو كمان نسي حالي

ما في مشكله هون

المشكله انه امي عرفت انه باسني ما زعلت مني لهيك زعلت لانه في حد حكالها وانا حانجن واعرف مين الي شافنا وحكالها

حاسستها متدايئه مني

براحه انا مش حاسه اني غلطت ما بعرف ليشhttps://said.xplainer.net/images/smi...7-n0gfapyo.gif يمكن لاني بحبه وعارفه انه ان شاء الله ما في شي حيفرقنا الا الموت

شو بتنصحوني احكي لامي وكيف ابرر الموقف الي صار

حاسه بشي كابس على نفسي

يا ريت تنزلوا الموضوووووع بسرعه لانه ما بدي اطول الزعل مع امي

ويا ريت ما ينحذف موضوعي

بعرف انه كلامي كتير مخربط بس ما بعرف هادا يلي طلع معي وبعرف انه في شغلات ما في داعي الها احكيها بس ما بعرف هادا الي طلع معي

والسلام عليكم ورحمة الله وبركاتهhttps://said.xplainer.net/images/smi...7-yds6b3uo.gifhttps://said.xplainer.net/images/smilies/ANSmile05.gifhttps://said.xplainer.net/images/smilies/ANSmile05.gif



>>>>> ردود الأعضـــــــــــــــــــاء على الموضوع <<<<<
==================================

اختي الصغيرة اولا انامستغربة ان خطيبك اكبر منك بكثييير بس مومشكلة مدام انتي مرتاحة منة بعدين اذا كان كتابك مش مكتوب معناه لسى ماصارزوجك رسمي ليش تجلسي معك لحالك لانة يعتبر بهذي الفترة اجنبي عنك لازم يكون فية أحدجالس معكم عشان ماتعطي للشيطان فرصة والرسول صلى الله علية وسلم يقول ماخلى اثنان الاوكان الشيطان ثالثهم .يعني اليوم بوسة وبكرة شي ثاني لازم ماتجلسي معة لحالك واذا صارلاي سبب وجلستوا وحدكوا لاتعطية فرصة ابدا لا لبوسة ولاغيرها خلي كل شي بعد الزواج صدقيني اذا اخذمنك كل شي الان بعد الزواج بيصير كل شي عندة عادي حاولي ماتثيرية حتى مايطلب منك شي ثاني اويروح لوحدة ثانية يفرغ فيهاطاقتة اناسفة على
الكلمة بس انامع امك لمازعلت لان الي عملتية غلط حاولي ماتعيدينها واعتذري من امك وفهميها انها غلطة وماريح تتكرر بعدين صدقيني كل شي بعدالزواج احلا والله يوفقك ويستر عليك وترضى عنك امك

__________________________________________________ __________

اختي اوولا لازم تكوون علاقتك فيها تماام

وبعديين حاولي تبرريلها موقفك وتحكيلها ليسس باسك وما قلتيلهاا

ويمكن تتفهم

__________________________________________________ __________

وعليكم السلام ورحمة الله وبركاته

حابه اعلق على شخصيتك قبل ان اتحدث في موضوع مشكلتك ..ماشاءالله تبارك الرحمن واضح
جدا من سردك لموضوعك انك انسانه واضحه تماما وكل شيئ بقلبك مسطر امام الجميع
الشخصيات التي تتصف بهذا النوع من الوضوح تكون دائما مريحه وتبعث على الإطمئنان
الله يعطيك على قد نيتك ان شاءالله ويكتب لك حياة سعيده آآآآآآمين يارب

بالنسبه لموضوعك من ناحية الحكم الشرعي للخلوه مع خطيبك ما قصرت الأخت بنت النور الله يعطيها العافيه كفت ووفت

ولا راح اعلق على ماحصل بينك وبين خطيبك ..ولكن عندي نصيحه لكِ بخصوص زعل والدتك
روحي لها واحكي لها نفس ماحصل بينك وبين خطيبك بالضبط ، حتى الموضوع او المشكله التي
كنتِ تبكين على صدر خطيبك بسببها احكيها لها ، قد تتفهم موقفك وقد ترفضه ولكن صدقيني
مجرد صدقك معها في الحديث سيجعلك تستعيدين ثقتها بك مجددا حتى لولم تتكلم معك حينها
لكن في قلبها ستكون ابنتها الغائبه قد عادت من جديد، انتِ ابنتها التي ولدتها وتعلم تماما متى
تكونين صادقه ومتى تكذبين ، لذلك افعلي مانصحتك به وهي ستقدر لكِ هذا الفعل

ولكن لاتستعجلي الأمور ، احكي لها ماحصل واذهبي عنها ، اعطيها مجال تستجمع افكارها وتجد
للسماح مساحه في قلبها وفي اليوم التالي قبلي يديها وسترين بعينك نظرات تعبر عن سماحها لك

وربي يبارك لك في ست الحبايب وفي خطيبك ان شاءالله

__________________________________________________ __________

المشاركة الأصلية كتبت بواسطة بنت النور1 https://said.xplainer.net/sedty/buttons/viewpost.gif اختي الصغيرة اولا انامستغربة ان خطيبك اكبر منك بكثييير بس مومشكلة مدام انتي مرتاحة منة بعدين اذا كان كتابك مش مكتوب معناه لسى ماصارزوجك رسمي ليش تجلسي معك لحالك لانة يعتبر بهذي الفترة اجنبي عنك لازم يكون فية أحدجالس معكم عشان ماتعطي للشيطان فرصة والرسول صلى الله علية وسلم يقول ماخلى اثنان الاوكان الشيطان ثالثهم .يعني اليوم بوسة وبكرة شي ثاني لازم ماتجلسي معة لحالك واذا صارلاي سبب وجلستوا وحدكوا لاتعطية فرصة ابدا لا لبوسة ولاغيرها خلي كل شي بعد الزواج صدقيني اذا اخذمنك كل شي الان بعد الزواج بيصير كل شي عندة عادي حاولي ماتثيرية حتى مايطلب منك شي ثاني اويروح لوحدة ثانية يفرغ فيهاطاقتة اناسفة على الكلمة بس انامع امك لمازعلت لان الي عملتية غلط حاولي ماتعيدينها واعتذري من امك وفهميها انها غلطة وماريح تتكرر بعدين صدقيني كل شي بعدالزواج احلا والله يوفقك ويستر عليك وترضى عنك امك

اختي اولا انا بتشكرك على ردك

بالنسبه لفرق السن انا مو حاسه بهالفرق في تعاملنا او في علاقتنا او في اي شي الحمدلله

وبالنسبه للخلوة ما بعرف هيك صار وكنا لحالنا وامي اعطتني الفرصه عشان نتفاهم وبما اننا عم نجهز للعرس وراح نعين موعد فلازم نتفاهم وهي من هذا المبدأ اعطتنا المجال

والله العظيم انا ما بثيره ولا بحاول اعمل هالشي بس هو لما يشوفني بمكياج ولا بدون مكياج باي حالة بشوفني فيها بحكيلي ما شاء الله عنك

وانا بدون مبالغه والله وبشهادة الجميع انا جميله الحمدلله حتى حماتي لما اجت تشوفني هي وخوات خطيبي وزوجات اخوته حماتي(أم خطيبي) بتحكي قدام الكل ما شاء الله عنها لعبة باربيhttps://said.xplainer.net/images/smi...8-9ndhrgbt.gifhttps://said.xplainer.net/images/smi...8-9ndhrgbt.gif

وانا راح حاول صلح الموقف مع امي ان شاء الله

ويسلموو الك مره تانيه

__________________________________________________ __________

المشاركة الأصلية كتبت بواسطة كاتمة الجروح https://said.xplainer.net/sedty/buttons/viewpost.gif اختي اوولا لازم تكوون علاقتك فيها تماام وبعديين حاولي تبرريلها موقفك وتحكيلها ليسس باسك وما قلتيلهاا ويمكن تتفهم

الحمدلله اختي انا علاقتي بامي تمام وجدا مثاليه هي صديقتي وامي واختي وكل شي لي بالدنيا

وان شاء الله انا بررتلها الموقف وان شاء الله هي تتفهم يا رب

يسلموو على ردك https://said.xplainer.net/images/smilies/rose.gif