مبحبش حماتي تيجي عندي مجابة

عنوان الموضوع : مبحبش حماتي تيجي عندي مجابة
مقدم من طرف منتديات نساء الجزائر

مبحبش حماتي تيجي عندي



مبحبش حماتي تيجي عندي
يا جماعه انا اهل جوزي طيبين اه بس مش بحبهم اوي ع عكس ما كنت بحبهم اوي و انا مخطوبه
و اكيد انا مش بقول كده مني لنفسي اكيد كل ده ف تراكمات جوايا

و هي ان اصلا المفروض ان اهل العروسه هما اللي بيفرشو شقتها
لا جوزي قالي اهلي كانو عايزين يفرشو معاكي الشقه المهم انا حاولت اتهرب كتير منه ان اهلي هيجو من السفر يفرشولي و بلاش تعب و كده و كمان معايا اخواتي

قام قالي ليه هو انتي خايفه من حاجه انتي مش حاجتك زي الفل قولتله اه طبعا و كمان قالي معلشي يعني هما عايزين يفرحو بحاجه ابنهم قولتله و ماله المهم انه اصر انهم هما اللي هيفرشو و انا قرايبي خليهمك مرتاحين عشان منتعبهومش المهم قولت ماشي يا بت و ايه يعني

خلتي جت بقي قبل الفرح بيومين و جت معايا الشقه عشان تفرشها معايا و كده
و عشان الشقه اللي اتجوزت فيها دي بتاعه ابوه اصلا فكانو موجودين لاخر لحظه و خالتي جت زي الضيفه قعدوها ف اوضه و بقيت انا العروسه متعفره و بغسل و بمسح و حماتي معايا

و بعدين انا مكنتش اعرف ان العروسه بتبهدل نفسها كده و كانت حماتي الكل حس حتي اخواتها انها متسلطه و والله كانت الشقه زباله و انا خلاص هتجوز

المهم ادبست و اتجوزت و عدت الليله انا ليا ف الشقه دي اوضتين و صاله و هما ليهم اوضه حاطين فيها سريرن و دولاب بحجه ان لو حد جالنا من اهله او من اهلي يبات يعني و كمان عشان انا متجوزه ف الشقه اللي هي من مساكن الشركه و ده
ممنوع اصلا

المهم قولت يا بت عاادي
و قعدو كتير قوي ميجوش ع لسه عرايس بس كنا كل ما نروح لهم تمسك فينا و تقول باتو وانا كنت بضايق و كمان جوزي كمان كنت احلالاه و انا عندهم و ااقوله لا و مينفعش بتكسف و كده


المهم بعد كام شهر بقو يجو و افوجء ياختي انتي و هي ابوه معاه المفتاح طبعا اتغاظت جدا و عدتها مع نفسي من غير ما اكلم جوزي

و كمان جوزي جت عليه وقت كتير بيشتغل اه لكن الفلوس مش مكفيه متعرفيش ليه مع انه بياخد مرتب حلو

و برده جه وقت الثوره و قعد من الشغل مانسني و البيت فاضي و امه تيجي تقولي عندك بصل طماطم توم ااقول لا و كل التوجيه ليا ابقي هاتي سمنه اطبخي بيها ابقي سوي و اعملي و كانت تيجي و متلاقيش كيس البريل اللي لغسل بيه و والله العظيم تلاته بتيجي تلاقي التلاجه فاضيه من جبنه لبيض لغيره و مش بتقول لابنها عيب كده ميصحش و كلامها ليه لازم الواحده تستحمل يعني كل ده و لازنم ابقي خرصا

و برده كانت تقولي حاطه الغساله ف الحمام ليه حطيها ف اوضه السفره الحمام كده ضيق


و قولت لا مليون مره و كل مره تتكلم ع تقنعني و برده انا ع اللي ف دماغي

المهم من كام شهر حصل مشكله بيني و بين جوزي و اخته كانت عندنا و كل ده ع زهقت من قاعده البيه من غير شغل و قعد يقولي كنتي قاعده ف فيله

انا مكنتش قاعده ف فيله بس طول عمرنا بيتنا مستور

المهم قالي خلاص روحي ع ابوكي و زقني من العبايه و كنت حامل ف 7 و اخته تقولي لا متمشيش بس اسلوبك نرفزه و هو يتشال و يتحط المهم سيبته و مشيت و جاري شافني و انا برزع الباب و معيطه

و كل ده اخته شايفاني اني غلطانه عشان عليت صوتي مش بقولكم عايزني خرصا ارضي و خلاص

المهم اخته اصلا كانت بايته عندنا مش بقي لقت البيت مخروب و سيبت البيت و مشيت مش تتكسف ع دمها و تقوم ماشيه لا قعدت و راحو لمهم الاتنين تاني يوم و عرفت اني غضبانه و محدش عبرني عامله فيها العاقله اللي ملهاش دعوه

و كمان و اللله قبل كده ابوه و امه كانو جايين و كنا انا و هو و اخته بره طبعا حمايا معاه المفتاح و الله ببص من الشباك و انا جايه لاقيته دخل فتح الشقه و دخل و والله بقيت انا اللي ضيفه

مش عارفه ايه ده
و لكما بيجو عندي اولا انا مش بطبخ جوزي قالي ماما هي اللي هتتطبخ قولتله ليه قالي عااادي بس ع تحس انها ف بيتنها و متتعبكيش قولت ماشي بس بقي واقفين ف المطبخ عارفين مكان الحاجه من غير ما يسالوني و كمان بيجو يجيبو اكلهم معاهم و حماتي تقول لبنتها اسلقي مكرونه مش بتكلفني باي حاجه خالص بضايق طبعا عشان ده بيتي انا اللي اعمل فيه


و لا الاسخن بقي اخته مخطوبه تجيب خطيبها عندي و يقدموله ف كاساتي و حاجتي و الله كنت بسيبلهم البيت و اخرج و ده من غير استئذان ليا و لا لجوزي افوجء ان فلان جي و اكون والله موضبه اقلاقي اخته تجيب الفوطه و تنضف طيب ده ايه ده بقي و امها تقولها صبي الحاجه قدمي و البيت بيتي و الناس عارفه انه بيتي و بنتها اللي تعمل ده ايه ده

و بعدين مفيش استئذان انه ينفع و لا لا لا النظام اللي ماشي انهم بيرستئو نفسهم ان فلان جي يعني اجباري و ما عليهم سوي تبليغي فقط لا غير

و مره كنت قاعده ف اوضتي اقلاقي اخته تجيب صاحبتها و تستقبلها و تضايفها و انا معرفش ف اوضتي معرفش و تقعدها ف الاوضه بتاعتهم اللي بقولكم عليها دي و الله بجد قله ذوووق صراحه مبحبهومش يجو و ببقي ع اخري لما بعرف انهم جايين

مش بتوجه ابنها لاي شيء دي حته من كام اسبوع بتقولي ابنك هيحتاج بطنيه صوف قولتلها طيب قوليله عشان يعمل حسابه امال يعني هجيب فلوس منين و جوزي مدلع و مش متحمل مسؤليه و لا قلبه ع بكره ايه

و كمان لما جيت اولد البيه مش معاه فلوس الولاده و بيعني غويشتي عشان اولد و انا عشان ليا ظروووف خاصه و مريضه مينفعشي اي مركز و لا مستوصف اللي حماتي كانت بتقوله ولدها ف المكان الفلاني ب 200 جنيه ترضاها ع بنتها اصلا


اعمل ايه بقي انا شايله كل ده

و بعدين صح من فتره و الله انا مشتريه لابني الهدوم بتاعته من فلوسي و قايله لجوزي دول اخواتي جايبين ليه فا اشتريت ع قدي المهم ملبساه سلوبت لذيذ كده اقلاقيها بتقولي ملبساه ده ليه ده ف البيت اتغااظت انا جايبه الحاجات دي و والله كلها فل الفل عشان اشوف ابني فيها البيت زي الخرووج لبس حلو مش اي كلام


و برده جابت لابني السكاته انا مش عايزه ادهاله و ااقولها اضرارها تقولي ما كل الناس بتاخدها مش بيحصلهم حاجه الكلام ده كلام فارغ


و الصراحه بحس كده ف بخل او انها ماسكه ع القرش ابني كان عمال يعيني عنده انتفاخ و يشد ف نفسه اوي و يزوم فا ابوه جوزي قال ودوه للدكتور حماتي قالت لا انا هعمله نعناع و هيبقي كويس و مكنش كده هنودي للدكتور

و الواد فضل ع كده كذا يوم و شغالين ف انعناع


اعمل ايه قولولي بس الحق يتقال لما كنت عندهم كانو شيلني فوق راسهم و كدا بس كل ده مضايقني يا جماعه و مش قادره انسي

>>>>> ردود الأعضـــــــــــــــــــاء على الموضوع <<<<<
==================================

كل هذه الشياء موجوده في كل البيوت طولي بالك واستخدمي الاسلوب اللطيف في التعبير عن الاشياء الي بتزعجك وشوي شوي حتنحل الامور وانصحك نصيحه لوجه الله ( لسانك ما ينطق الا بالخير والكلام الطيب )

__________________________________________________ __________

اختى اصبرى كل هاذا فى كل البيوت احتسبى عند الله

__________________________________________________ __________

* تذكري أن العصبية و القلق الدائمين يؤديان بك إلى أمراض القلق و الضغط و يؤثران على حيويتك و نشاطك و إقبالك على الحياة ...
* لا تتوقعي الكمال في تصرفات من حولك لأنك إن توقعت هذا فستكون تصرفاتهم مصدر ازعاج لك و خذي الأمور ببساطة و اعلمي أن من يعقد المسائل و يعطيها حجما أكبر من حجمها هو الخاسر دائما
* و لنا أسوة حسنة في رسول الله صلى الله عليه و سلم .. فعن أبي هريرة رضي الله عنه أن رجلاً قال للنبي صلى الله عليه و سلم : أوصني ، قال : " لا تغضب " ، فردَّد مراراً ، قال : " لا تغضب

__________________________________________________ __________

لا بد كل عروسه ممكن يصير لها اشياء تضايقها بس مو لدرجة انك تكرهين اهل زوجك

ادعي ان الله يسخرهم لك

وصفي نيتك اتجاهم ومايكون الا كل خير إن شاءالله

__________________________________________________ __________

صراحتن قلة ادب معاهم مفتاح بيتك ويجوبو خطيب بنتهم أش هوا دا فين عايشين احنا ما اقول الا الله يعينك عليهم وعليكي بصبر ان الله مع الصابرين