هل اللي اسويه صح ولا غلط؟؟؟ مجابة
عنوان الموضوع : هل اللي اسويه صح ولا غلط؟؟؟ مجابة
مقدم من طرف منتديات نساء الجزائر
هل اللي اسويه صح ولا غلط؟؟؟
السلام عليكم ورحمة الله وبركاته
بنات انا حبيت واحد حب جنوني لمدة 3 سنوات
وكل يوم نكلم بعض جوال لساعات طويله
تعلقنا ببعض
لدرجه اني ممكن اكنسل وجبة الغدا او العشا بس عشان اقفل على روحي غرفتي واقعد اسولف معاه جوال
المهم اننا صرنا بعدها نشوف بعض مثلا بملاهي او مكتبه او مطعم او اي مكان احنا نحدده بس نشوف بعض من بعيد لبعيد
المهم هو بعدها تغير من ناحيتي واحسه عادي مايهتم انه يتصل وقطع مسجاته الحلوه عني
ولو انا اتصلت مايرد ولو رد يقول مشغول اكلمك بعدين ويجي بعدين ومايكلمني
الى ان جا يوم وقال يابنت الناس يشهد الله علي اني حبيتك من قلبي و عارف انك تبادليني نفس الشعور لكن حبي لك ماقدر اواصل فيه اكثر من كذا واحنا لازم نترك بعض ونبقي الذكريات والصوره الحلوه بقلوب بعض
ووصاني اني امسح رقمه وايميله وانساه نهائيا
وقال انه راح يخطب بنت من اهله
انا بصراحه زعلت بس لاني احبه نفذت كلامه لمدة 8 شهور
بس من شدة الكبت اللي بداخلي وشدة شوقي وحنيني اضفته عندي من جديد بإيميل ثاني واكلمه بصفتي ولد مثله ويسولف معي واقوله اني ولد واحب وابي مساعدته وكيف اتعامل مع البنات وهو يتفاعل بالسوالف ويعطيني طرق واساليب لجذب البنات وكل هذا وهو يحسبني ولد
وبعد اساله وانت شخبار قلبك ويقول كنت على علاقه مع وحده بس قريب انفصلت عنها والقلب خالي والحين ادور على غيرها وقلت كيف قال انا ماحب الروتين احب بين فتره والثانيه اتعرف على بنت جديده لان اذا بقيت مع وحده امل منها بعد فتره وانا بصراحه انصدمت بقوه من كلامه بس اجاريه بالكلام واكمل على اساس اني ولد واقول اي والله وانت الصادق لازم الواحد يغير وقال ايه والحين شكلي لقيت صيده كبيره
بنات انا مقهوره منه
ودي مرات اواجهه واقوله تراني انا فلانه وسويت كذا عشان اكشفك على حقيقتك ياحقير
ومرات اقول خل اكمل معاه كولد عشان اضل على طول وياه واخذ اخباره بهالطريقه
سؤالي هنا هل اللي قاعده اسويه صح ولا غلط
وهل اللي انا فيه امر طبيعي ولا مرض
لان صار عندي هوس بشي اسمه فلان( اللي حبيته)
وللحين مو مستوعبه انه خلاني وتركني للابد
>>>>> ردود الأعضـــــــــــــــــــاء على الموضوع <<<<<
==================================
لا ياحبيبتي من باعك بيعيه هذا وهو معترف لك
المفروض تكرهينه مو تواصلين معاه
اصلا العلاقات هذي اخرتها لكن بعض البنات
غبيات يحبون اللي يضحك عليهم ويلوعهم
نصيحه انسيه وشوفي حياتك صح واتركي العلاقات اللي مالها اي داعي
__________________________________________________ __________
شوفي ياقلبي اشي الحرام نهايتة مكدة معروفة وحمدي الله سبحانة انة ماصار شي بينك وبينة اولا ياحبيبتي ما تسوية امسحي رقمة والايميل ثم توبي الى الله ودعي ربي ان الله يعوضك بلحلال اكثري من الاستغفار وشغلي نفسك بشي ينفعك ثم اشكري الله انة ما عتدى عليك لكانت مصيبة اختي اقعدي مع نفسك وفكري لو انة صار شي لكان ايش صرتي الان عليك باصلاة في وقتها وبعدي وحذري كل الحذر الحذر عن الحرام انا اكرر هذي الكلمة حتى تعرفي انة مو حلال الحب هذا حب من الشيطان سراب لكن عن تجربة الحب الحلال هو الي بعد ازواج فقط وعن والله والله العظيم اني مجربتة بكل صدق واخلاص فكري يا بنتي في كلامي ونشاءالله ربي يرزقك بعريس عاجل غير اجل امين (حاولي تقطعي صلتك به من الان ومن ترك شيا لله عوضة الله خيرا منة )الله يسعدك ويوفقك ويشرح صدرك للخير وانا ياقلبي تحت الخدمة
__________________________________________________ __________
ومرات اقول خل اكمل معاه كولد عشان اضل على طول وياه واخذ اخباره بهالطريقه ؟؟؟
أين كرامتك من هالكلام؟
عجيييبببببب والله عجيببب؟
__________________________________________________ __________
المشكلة انك عرفتي نيته
بعد هذا انت اخبر!!!!!!!!!!!
__________________________________________________ __________
حبيبتى استغفرى الله كثيرا وتوبى قبل ان تموتى على هذه الحالة
اعوذ بالله
