حالتي صعبة مادري ايش اسوي الطبيب يجيب

عنوان الموضوع : حالتي صعبة مادري ايش اسوي الطبيب يجيب
مقدم من طرف منتديات نساء الجزائر

حالتي صعبة مادري ايش اسوي



[font=Arial]مساء الخير
انا بدخل في الموضوع على طول والله حالتي مايعلم فيها الى الله ماليت من عيشتي صرت متشائمة ويائسة وساعات اتمنى الموت اه بس انا عمري 28 ماتزوجت احس ماالي حظ اتمنى اني اتزوج واعيش مثل البنات والله نظرات الناس لي ماترحم حتى ابوي يقول ماعاد بقى الى كم سنه واذا ماتزوجتي بتنثبرين عندي وماراح ياخذك الى ولدعمك (يعني اذا ولدعمي رحمني وعطف على ) والله انا انسانه حساسةحيل انا كان فيه واحد يبغيني من يوم انا كنت في الثانوية بس امي رفضت لانه موظف جندي ولاخلص الثانويةامي تقول بناتي مازوجهم الا مهندسين اومدرسين هوماتقدم بشكل رسمي هو كانت اخته وعمي(هواخو زوجة عمي) يلمحون لنا ابوي كان يبيه بس امي رافضة وابوي مايدري ان امي قالت لهم هذا الكلام طبعا انا ماكنت افكر في هذا الموضوع لانه كنت افكر بدراستي وبس مافكرت ولاحسيت فيه الى يوم قعدت في البيت خصوصا في هذي الفترة مع انه تزوج وعنده بنت مو راضي يروح عن بالي في ذيك الفترة هو كان مهتم فيني كان يتابع نتائج الثانوية ويدق على اخوي ويسأله وبنت عمي (هو خالها )تجيب لي صورته ومره من المرات كنا عند عمي وكنا جالسين في الملحق وكان البيت مطفية انواره يعني اذا لحد يطل من الدريشة جو البيت على الملحق يشوف ولااحد يدري عنهاالمهم انا كنت في الحوش انا وبنت عمي وهو طلع قدامي والله ماعرفت وش اسوي وهي ماقالت خالي داخل وبيطلع وانا متأكده انه متفق هووبنت عمي المهم ماقالت لاحد على هذا الموضوع وطلع الى البقالة يجيب اغراض ونسى جواله في البقالة والله ذايك الايام مافكرت فيه ولافي اهتمامه والي صار يمكن له اكثر من 7سنوات هذا الموضوع ماحد يدري عنه واول مره اقوله لاحدحاول اكثر من مره بس امي ترفض ياليت جاء وخطب راسمي كان ابوي وافق المهم دخلت الجامعة وفي السنه الاخيرة خطبني واحد بس لما قالوا لي الموضوع خفت ورفضت على طول من غير تفكير جاء يخطب العصر وجائه الردبالرفض المغرب والله اني ذا الحين منحسفه قد شعر راسي واقول لو اني مارفضت كان ذا الحين متزوجةبس انارفضته لانه كان يدخن وكان ساكن بالشرقية وانا ابي اكون عنداهلي في الرياض وقلت رابي يعوضني خير من ترك شي لله عوضه الله خير منها بس للاسف بداء اليأس والهم يصيطر علي حاسة بالواحده فاقدة الحنان الكل تزوج حتى الي اصغر مني تزوجواوانا لا صرت اكره عيشتي صرت احس ان الله يكرهني (والله مو بيدي ادري من ابليس )بس وش اسوي الكل يتريق على مرة امي زعلت مني وقالت لولاالحياء كان زوجتك وافتكيت منك حتى لوكان هندي والله كلمنها هذي مانسيتها لها اكثر من سنه واحد من اخواني الصغار يقول هذي من يبيها وحتى اذا تزوجت ماراح يعطيها مهرالا خمسةالاف وغيره ةغيره من الكلام الجارح حتى اخواني الي اصغر مني بيتزوجون والله الكلام الي اسمعه يجرح مره خالتي انخطبت ورفضت قال اخوي ليش ترفض تبي تقعد مثل غيرهاحاسه اني وحيده وضعيفة ويائسةمليت من الحياه حاسه اني الكل يكرهني وحظي نحس حتى المدرسة الي كنت ادرس فيها وهي مصدر التسلية والرزق الوحيد ظلموني وطردوني واهلي يضحكون على يقولون انتي من يتحملك حتى ولو كانت مزحه تجرحني مادري وش اسوي كرهت كل شي وصار تفكيري بالزواج مصيطرعلي ابي انزوج صرت افكر بالشخص الي كان مهتم فيني صرت اتخيل اني منزوجته واعبش كل الي يصير بين الزوجين بالتفاصيل وانا على فراشي كانه احد معي وصدقوني والله مو بيدي بس من الفراغ العاطفي الي اعيشه لانه مافيه احد مهتم فيني صرت كل يوم على هذا الحال بس والله خايفة يكون هذا العادة السرية لاني ماعرف عنها شي وانا خايفة اكون وقعت فيهامادري وش اسوي كل الي ابيه اني اتزوج واعيش مع زوجي بالحلال بس اليأس صيطر علي احس اني وحيدة والكل يكرهني واناهلي مايحبوني وهذا الاحساس ماجاء من فراغ لانه اي شي يبغونه خواتي يجيهم وانا لا هم يلبسون يانطلون وانا لا والعذر انتي كبيرة مع العلم اني اخواتي في الجامعة يعني موصغار ومره اخوي اخذاختي للمطعم وعشاها وانا في البيت ماخذني اطلبه يجيب لي جوال ايفون من راتبي وكان رافض وقبل كم اسبوع جاب لاختي جوال هدية جالكسي حسيت بالقهر انا اقول خذ الفلوس وجب لي جوال واختي جاب لها هديه والله قعدت ابكي من القهر مع العلم انا دايم ابكي وابكي في الحمام على شأن ماحد يشوفني ويحس اني ضعيفة مع اني ضعيفة في الحقيقة من الداخل اذا بغيت اروح لسوق شوفوا الذل حتى مرة في العيد اخوي مارضى يوديني للسوق وانا متاكدة انه بكره لمى يتزوج اول ماتقول له زوجته ودني على طول بيوديها أنا عايشة بوحدة حتى اكثر من مرة افكر انتحر وصرت اتمنى انه اموت واتخيل انه اهلي ماراح يأثر فيه ولاراح يبكون علي واشياء كثيرة تدور في داخلي مع العلم اني تحلم في الثعابين والله تعبت من الحياه ومن كل شي

>>>>> ردود الأعضـــــــــــــــــــاء على الموضوع <<<<<
==================================

الله يهديك بس كل شي قسمه ونصيب انت ماكبرتي والله صدقيني بكره بجيك الأحسن وبتشوفي الله. ماينسى عباده والله يرزقك بزوج الصالح يارب

__________________________________________________ __________

ربنا يرزقك الانسان اللي يقر عينك وتكوني قره عينه ويصلح حالك

__________________________________________________ __________

السلام عليكم
أختي سبب زواجك والله أعلم أنتي مصابة بمرض روحي تحتاجين رقية أنتي أستمري على البقرة يوميا بعد صلاة الفجر وأي وقت يس والرحمن والاستغفار مع أنني أتوقع أنك مصابة بمس عاشق من كلامك حيث أنة هو السبب في كثرة التفكير بلجنس لاتهملي حالك ولاتبكين بلحمام الجن يدخلون الجسد بهذه الطريقة ونصيحة أدخلي موقع الخير للرقية الشرعيه سوف تجدين كل الحلول أن شاء الله
دعواتك لي بشفاء

__________________________________________________ __________

ياعزيزتي انتي ليش زعلانه نصيبك ربنا ماامر فيه الى الان لقوله تعالى (ان كل شئ خلقناه بقدر )
كثير بنات تزوجوا بالثلاثين وبعضهم ارامل وبعضهم مطلقات كل هذا قسمه ونصيب لا تفكري بموضوع الزواج وصدقيني راح يجيك هالامر بدون تعب وتفكيررر
وفيه شئ مهم ياعزيزتي انا احذرررررررررك لاتبكي بالحمام لانه هالمكان مكان قذاره وجن ونجاسه اخاف انه يدخلك شيطان ويجيك مس وانتي تبكين لان الجن يدخلون الانسان وهو في حالة البكاء في هذه الاماكن القذره انتبهي لا يجيك مس من هالحركه
واذا حابه تبكي ابكي وانتي على سجادتك واشكي لله همك وربنا سبحانه بيرحمك برحمته ويستجيب لدعائك واستغفري الله كثييييييير

اما اهلك صدقيني هم يحبونك بس فيه بعض الاهالي مايعرفون يتكلمون بذوق او مايحترمون مشاعر بناتهم دفشيين يعني في تعاملهم لا تتاثرين بكلامهم وطنشيهم عشان نفسيتك ماتأثر على شكلك
وخلك مع ربنا وبس ادعي الله بأوقات الاستجابه وراح تشوفي الفرج القريب

لقوله تعالى (ان مع العسر يسر -ان مع العسر يسرر)تذكري هذه الاياه كلما حزنتي وراح يتغير حالك
ولا تيأسي لان اليأس من الشيطان تعووذي من الحزن وكثير بنات مثل حالتك وانا منهم وتقريبا بعمرك وللحين ماتزوجت بس املي بالله كبير وربنا يعوضنا خيررررررر

كل شئ قسمه ونصيب وقدررررررر

سبحان الله

وربنا يفرج همك ويسترك ويرزقك بالفرج عاجلا غير اجلا اللهم امين



دعواتك لي

__________________________________________________ __________

واضح يااختي ان النظام عندكم في العائله ان البنت لابد تتزوج بدري من الثانويه لاني بصراحه مااشوفك كبيره ابد اوان سن الزواج طاف عليييك لكن اختي ابي اذكرك بش وااااحد خليييه دائما في بالك ان الرزق بيد رب العالمين فقط واذا ربي كاتب لك زوااج راح تتزوجين لو بعد 40 سنه واذا احد جرحك بالكلام من اهلك ردي عليه قوولي لو رب العالميين كتب لي زواج بتزوج واذا ربي ماكتب لو اجتمعت العائله كلها تبي تزوجني ماراح تقدر لان رب العالمين ماكتب اختي لاتنسين الاستغفااااااار الله سبحانه يقوول في القران << وقل استغفرو ربكم انه كان غفاااارا,يرسل السماء عليكم مدرارا ,ويرزقكم بااموال وبنين ويجعل لكم جنات ويجعل لكم انهارا ,,, استغفري بجوامع الكلام مثل استغفر الله الذي لااله الا هو الحي القيوم واتوب اليه عدد خلقه وزنة عرشه ورضا نفسه ومداد كلماته وملئ مابين السماء والارض عدد الاشجار والاحجار والثمرات عدد ما كبر المكبروون وصام الصائمون وطاف الطائفون ,,,,,, ورب العالمين ماراح يخيب ظنك ابدا