طلبتكم ردو على الاقل بدعوه مجابة

عنوان الموضوع : طلبتكم ردو على الاقل بدعوه مجابة
مقدم من طرف منتديات نساء الجزائر

طلبتكم ردو على الاقل بدعوه



https://said.xplainer.net/images/smi...7-dbttwedi.gif

السلام عليكم ورحمة الله وبركاته

اخواتي الغاليات

بدخل بالموضووووع عالطوووول لان ماعندي وقت

بصراااحه انا قبل الزواج مااهتم بنفسي
ايام الدوره خاصه كنت اعاني من ضغوط العمل بالبيت وتنظيفه ومافيه احد يخدم بالبيت غيري والبيت كبير لجدتي
واخدم كل اللي فيه غسيل وكوي وتنظيف
ومذاكرة للي يدرسون واهتم بكل صغيره وكبيره ومااخلي احد يحتااااج ابد
عودتهم واعتمدوا علي بكل شي واروح لبيت اخواتي اذا صارو حوامل اساعدهم
وانتبه لاطفالهم وحتى حريم اخواني
شخصيتي مررره ضعيفه وكله اناظر خاااطر امي وبس
ومااهتم بدراستي ماافضى الا في الليل وعسى القى وقت انااام واهتم بجدتي في مرضها وغلطت لان تحملت كل شيء فوق طااقتي وخليتهم يعتمدون علي
وارحم الشغالات اللي يخدمون البيوت احس بمعانتهم لان انا مثلهن مررره
واذا طلعت لقرايبي وشفت شغاله وحده تشتغل عالطوووول انا سيدااا اساعدها ارحمها لاننا كثيرين ماشاءالله
والبنات العجااازات وامهاتهم مغير يعطوني عيووووون اهلكت صحتي حسبي الله ونعم الوكيل والله اشيل اشياء ثقيله مثل الغاز والزوالي الفرشات بالحوش واغسل الحوش الكبير كل هذا كوم واشياء ثانيه كوم وصحه افقدها كل يوم
وماصدقت على الله يجيني زوج الا اوااافق عليه
وتعالي يالهموم الثانيه انضغطت من حركات الدخان والسهر والضياع باكمله فاقد شيء الخوف من ربي المهم انا كتومه وصرت اتعب وقلت خلاص انا ماعلي منه حقوقه بقوم بها وغيره بطقاااق
والحين بدا يتغير وانا مرتاااحه لشيء هذا ويبغاني احمل صار لنا سنه ونص متزوجين ومافيه بيبي لحد الان خصوصا اخوانه اللي تزوجوا بعدنا عندهم عيال ماشاءالله وهو وده يصير ابو لدرجه قال بوديك تفحصين بس انا متاكده ان مافيني شيء<<لان قبل الزواج فحصت على الرحم اشاعه وقالت الدكتوره راح تحملي من اول شهر بعد الزواج لان المبايض عندك ممتازه<<رايحه ادور العافيه وتعطيني زود على اوجاعي عينها<<هذي لقافتي لو مارحت كان ابرك
لان قل الزواج رحت لها عشاني احس بالام في الرحم وشكله طااالع من الشغل والضغوط وكنت اعاني من قولون عصبي وحتى اشيل اشياااء ثقيله علي علما بان عمري الحين 23 وزوجي 25

وخااايفه يطلع المانع للحمل هو امراض الرحم ميلان وهبوط وغيره الله يكافيني الشررررر
والله كل شهر انا وزوجي ننتظر بعدين نتعب مشكلتنا اني اعاني من الام وخايفه اروح افحص ويقولون اشياء وحتى اذا تفاءلت وخذت باني مافيني شيء على قولت الدكتوررره اخاف هم مايقدرون يكشفون الامراض اللي قلتها ميلان وغيره

هل اذا رحت يقدرون يكشفونها واتطمن لللاخر
علما باني مااقدر اروح للمرخات الحريم اللي يعالجون صعبه علي والظروف ماتسمح........

ردوا علي اكيد ماراح تفهموني بس انا من التعب والضيق اكتب كل شيء سرد


واذا ماتبون تردون ادعوووولي من قلبكم اني احمل هالشهرررر يارب

والمتزوجات اللي ماعندهم ويصلح اللي عندهم ويزوج البنات اللي توهم يارب امين

اللهم لاتذرني فردا وانت خير الوارثين
سبحانك اللهم وبحمدك اشهدك واشهد حملة عرشك انك انت الله لااله الا انت استغفرك واتوب اليك

محبتكمhttps://said.xplainer.net/images/smilies/rose.gif

اتمنى طفل احضنه

>>>>> ردود الأعضـــــــــــــــــــاء على الموضوع <<<<<
==================================

آلله يرزقكـ بآلذرييه آلصـآلحه

آعذريني يآلغلآ مآعندي خلفييه في هآلآمؤؤر~~||
لكـ ؤدي ؤآحترآمي

__________________________________________________ __________

الله يرزقك بـيـبي صغير يملى عليك حياتك وقريب ياارب بس انتي لا تعبين صحتك كثير وحتى نفسيتك ترا هالشي يأثر كثير ع بنات فما بالك باللي تبغى حمل وبجد انا ماعنددي خلفيه عن هالامور ومااملك الا اني ادعي لك بظهر الغيب تقبلي حبي وودي يالغلا،،

__________________________________________________ __________

انا من رأئي تروحي للمررخه احسن لك يمكن الطبيبات مايقدر يكشفوا ميلات الرحم وهالامور وخصوصا انك انتي قلتي انك كنت تشيلين الثقيل وتشتغلي كثير وهذا كل يطلع عليك بعد الزواج زي ماصار لأختي

البنت المفروض في بيت اهلها ماتكرف وتشتغل اشغال صعبه وخصوصا بوقت الدوره مرررره خطييييييير ويخرب رحمها ويسوي لها مشاكل بالمستقبل لكن انتي انشاء الله مايكون فيك شئ حاولي تروحي لممرخه اذا كانت المبايض زينه عندك ولا تقولي عين ولاشئ كل هذا في ارادت الله وهذا هو المكتوب لك

وانا اعرف وحده جلست 4 سنين بدون اطفال وهي سبحان الله ماعندها لا هي ولا زوجها مشاكل صحيه ابدا لكن ربي ماكتب لها للحين اطفال وبعد ال4 سنين ربي رزقهم اولاد وبنات وهم هالحين رجال وبنات كبار كل هذا على صبرهم ودعائهم لله واتركي المعاصي لانها الذنوب احيانا تحرمك من الرزق انتبهي وادعي الله سبحانه واستغفريه بنيه غفران ذنبك اولا ثم بنيه الانجاب وربنا يرزقك بذريه الصالحه عاجلا غير اجلا

__________________________________________________ __________

اول شي عسسسى ربي يرزقـك ويرزقني الـذريـه الصآالحـه .

والشي الثآنـي بالنسبـه للنزول ترى مايعرف لـه الا الممرخآت وله علامآت حاولي تبحثيـن عنهآ بالنت وتتآكـدي ..

وانا اشوف انه لازم تروحين للدكتورهـ واخصآئيـه وتكشفي على نفسـك ويكشف معآك زوجـك .. بس عشآن ترتآحيـن ..

وغيـر هيـك ترى كثرهـ التفكيـر تمنـع الحمـل .. حآولي تشغلي نفسـك بآذكآرك والاستغفآر والصلاهـ اخـر الليل والاكثار من الدعآء ..

انا لي سنتيـن من سقطت مآحملت والحمـد لله رآضيـه بما كتب الله لي ورحت كشفت والحمـد لله سليمـه بس ربـك مآكتب لنآ ..

وبالآخيـــر عسسسسى ربي يرزقـــك ويفـرح قلبـك وعقبآإأل ماتدخليـن الشهـر الجآي تبشريننآ ..
بس لاتفكري ولاتتضآيقي ياقمـر انبسطي بحيآتك واستانسي ولاحقه ان شاء الله على شقآء الاطفال ..

موووووووووفقه ياقلبي....

__________________________________________________ __________

حبيتي معلشي اللي في يوم من الايام ساعدتي حدان شالله بيوقفولك وأنت جايبة صبي حلو ياااااااااااااااااااااااااارب اطعمهابالذرية الصالحة ان شالله خير