كيف أرجع رغبته فيني.. -تم الاجابة

عنوان الموضوع : كيف أرجع رغبته فيني.. -تم الاجابة
مقدم من طرف منتديات نساء الجزائر

كيف أرجع رغبته فيني..



بنات انا مملكه من سنه ونص اول ماملكت كنت مثل اي بنت فرحانه بخطيبي وخطيبي فرحان فيني لكن مشكلتي اسمع لكلام الناس كثير أو بالاصح لكلام خواتي وخواتي عندهم افكار غريبه يعني زوجك لازم يصير خاتم باصبعك وإذا ماسمع كلامك لازم تسوين له ولازم تذكرينه ليل ونهار يحمد ربه لانه تزوجك ومن هل الكلام..وانا من النوع الطيب اصدق وكل الكلام الي اسمعه اروح اصبه في اذن زوجي واجرحه واهينه مسكين..كان المفروض ان زواجنا يكون شهر 6السنه الماضيه لكن بسبب اسلوبي معه كان يأخره..وكل مره يحاول يعدلني ويفهمني ان الزواج اكبر من كذه ارجع اتعدل فتره ثم ارجع مثل اول وعلى هل حال..كل تأخيره فيها خيره..من زمان مستأجر الشقه ومأثثها بس يبغى يتأكد مني..عرفت غلطي ولالسه اشوف الزوج عبد معليش على هل كلمه بس هو دايم يقولهـا ومانكر اني اخواتي كانوا مخيليني ان الزوج كذه وإذا ماخليتي زوجك عبد يعني انتي اهنتي نفسك وذليتها بس مع الايام تعلمت وشفت وفهمت وعرفت ان كلامهم غلط..
زوجي من النوع البارد او كذه تخيلته يعني مايقولي كلام حلو ولايهتم يزورني او يكلمني..وانا تعودت على اسلوبه وصرت مااهتم الى درجه اني نسيت اني متزوجه او بتزوج يوم جهزت ماشريت اغراض المتزوجين وقلت زوجي مايهمه لنا سنه ونص عمره ماقالي كلمه حلوه ولاقد طلبهاولاقد تكلمنا في الامور الخاصه كل شي بينا نقاشات ومشاكل..بس امس قالي كلمه خلتني اوقف واعيد التفكير في امور كثيره..
هو كان تعبان من فتره يقولي رجلي من تحت فيها حراره ويوم راح الدكتور سوى تحاليل وإشاعات ماصار عنده شي بس ماخفت سالته قلت له ايش قالك الدكتور قالي يقول تزوج وتخف قلت له ايش دخل الزواج بالتعب قال الزواج شفاء لكل الامراض بس الله يسامح الي حرمني من هل شي..سكت ولاعرفت اتكلم..
عمري ماتخيلت انه يبغى يتزوج يمكن تضحكون من كلامي بس جد من بداية ماعرفته وهو بارد ولايهمه شي حتى لمى كنت اغيب عنه ايام مايدق على جوالي يدق على جوال ابوي ويكلمه مثلا مره غبت عنه ثلاث ايام مادق علي ابدا بس دق على ابوي وسلم عليه بعدها انا كلمته قلت له حركات ايش عندك مكلم عمك قالي ابدا عادي اسلم عليه وفقدتك قلقت عليك وحبيت اطمن قلت له ماعندي جوال تدق تطمن ولا ناسي الرقم..سكت ومارد..
انا موعارفه ليش يتصرف كذه..هل اسلوبي معه هو السبب..اول ماملكناكنت جداا سيئه معه وقاسيه وكل شي ابيه يتنفذ لي وصراخ واوامر بس بعدين فهمت وعقلت..
هل اقدر ارجعه لي مثل اول..؟؟
او هو اساسا طبعه كذه ..

>>>>> ردود الأعضـــــــــــــــــــاء على الموضوع <<<<<
==================================

والله مدري شقولك حبيبتي الزوج مو عبد وماعليك من كلام خواتك وناس بالعكس حلو التفاهم بين الزوجين زوجك شارينك لو مايحبك كان ماصبر سنه ونص يختبرك انك بتتعدلين لو لا واحد غيره طلق من زمان اذا كان بارد على قولتك انت دلليه حتى لو ماسال عنك انت دقي عليه واسألي وبينيله انك متلهفه عليه غيري اسلوبك الزوج مثل الطفل يبي من يدلعه ويدلل ه ووو وفيه اشخاص مايعبرون بلسانه بس بعد الزواج بتشوفين حبه لك بحركات اذل على كذا ولا تسمعين لكلام اناس ابد سوي المقتنعه به انت والي يرضي زوجك وبس والله يوفقك

__________________________________________________ __________

انتي عرفتي غلطك
وهذا اهم خطوه
ابدائي بالتغير وعادي لو تصارحيه بكل اللي سمعتيه بس لاتقولي خواتك
وقولي يالله حدد الزواج
وحبيبتي الزواج مو كلام حلو وبس
الزواج اعلى من كذا
الكلام الحلو والرومانسيه عوامل للزواج المثالي
الله يهنيكم ويسعدكم وخلاص دلع
والف مبروك مقدما ونصيحه لاتسمعي لاي احد يسلطك على زوجك اسمعي للي يعطيك نصائح انك تطيعي زوجك وتسعديه من غير مايفقدك هذا احترامك حياتك الزوجيه ملك لكما انتما وبس وكل شخص له شخصيه تختلف عن الاخرين فما يصلح لزوج اختك مايمشي على زوجك والعكس ايضا صحيح ودمتي بود

__________________________________________________ __________

ببساطه هو انسان محترم وبيحبك جدا جدا وعشان كده كان لما بشتاقلك بكلم ابوك مش انت افهمي بقى وهو مستني الزواج عشان يطلع كل كبت هذه السنين الله يهديك حبيبتي اديك عرفتي غلطك قهرتيه مشاكل اسمعي خلاص من هنا ورايح كلام حلو وكوني هادئه ورزينه وربنا يسعدكم يارب
لا تسمعي كلام لا صاحبات ولا اخوات ولا اي حد زوجك تحترميه وتسمعي كلامه مادام في رضى الله

__________________________________________________ __________

الله يجزاكم خير على المرور..

والله أدري انه غلط اسلوبي معه بس تعرفوت تاثير الكلام..
وانا غيرت اسلوبي معه جداا وصايره هاديه وفرفوشه واكلمه بكل احترام وتقدير واناقشه بنعومه..
والحمدالله هو مبسوط..
بس كلام اخواتي مايخليني اتهنى كم يوم ويرجعون يحطون سالفه في راسي...

ادعولي ان ربي يشغلهم بنفسهم ويتمم موضوعي على خير...


انا موعارفه كيف اتصرف معهم ...

__________________________________________________ __________

والله عادي تقولين لهن بكل بساطه لا اريد ان نتكلم عنه واريد ان اعامله كما يحلو لي ولما تتزوجن عاملن ازواجكن كما يحلو لكن يعني ببساطه اغلقي هذا الباب بالمره وكوني حازمه