بجد انا محتاجه اتكلم مع حد -لصحتك

عنوان الموضوع : بجد انا محتاجه اتكلم مع حد -لصحتك
مقدم من طرف منتديات نساء الجزائر

بجد انا محتاجه اتكلم مع حد



السلام عليكم ورحمه الله وبركاته

بصراحه انا بقالى كتييير اوى مدخلتش موقع سيدتى واللى فكرنى بيه لما حسيت نفسى اتكلم مع حد جه فى بالى قسم مشكلتى اللى كنت ديما بدخله علشان اقرى المشاكل واحاول ارد عليا يمكن اساعد حد حتى لو بكلمه تريحه
بس النهارده انا بجد نفسى اتكلم معاكوا وتقولولى رايكم
انا يمكن مشكلتى بسيطه بس تعبانى نفسيا جدا
انا من حوالى فتره كده مش طويله كنت بتصفح صفحه مشهوره لمدينتى على الفيس بوك ولاقيت دعوه لحفل خيرى فى مركز الاورام لاطفال من شاب واللى كان حاطط نمرته علشان اللى هيجى ويحب انه يستفسر عن مكان المركز فانا قررت انى اروح واشارك فى عمل خيرى واخدت نمره الشاب علشان استفسر عن المكان وجه يوم الحفل وروحت انا وصديقه ليا فاتصل بالشاب واخبرنى بالمكان وفعلا ذهبت واتعرفت على البنات اللى هناك واللى كانوا قمه فى الاخلاق وبعد ان تزحام الحفل بالقائمين عليه للتجهيزه وجدت شاب ينظر اليا بشكل ملفت ولاكنى تجاهلت الامر وانشغلت بالحفل وبعد قليل لاقيته جاى عليا وبيسألنى انتى اللى كلمتينى علشان تستفسرى على المكان فاستغربت ازاى عرف ان انا من وسط كم البنات الجبار اللى كان معانا فقلتله ايوه انا ولما نتحدث الا قليل وكان عن تنظيم الحفل وبعد حوالى ساعتين اتى اليا ليستأذنى فى انه هيمشى علشان عنده ظروف ويسألنى لو كنت عايزه حاجه ولو انى احتجت حاجه اكلمه يعنى وطبعا انا محبتش احرجه وقولتله طيب ولاكن محتطتش فى دماغى وكملت الحفل حتى انتهائه وروحت ومن اليوم ده هو مبطلش رسايل ومكلمات وانا مش برد عليه لانه مينفعش طبعا ولاقيته بعتلى اضافه على الفيس فاقبلت الاضافه فقط لكى يطلعنى عن جديد الاعمال الخيريه عن هذه الجمعيه لانى ملحقتش اعرف حاجه عنها او اخد نمر حد من البنات اللى كانوا هناك ولاكنى بعتله وعرفته انى اصلا مش بضيف صبيان نهائى وقولتله سبب اضافتى ليه وبعد فتره من المنهده معه فى رسايله واللى منكرش انى كنت بميل انى ارد على رسايله مع العلم انى قسم بالله ماكنت بكن ليه اى مشاعر حتى لما جه يوم وعبر عن حبه ليا وانه معجب بيا جدا وانه عايز يتقدملى بعتله لانه مشفش حد فى اخلاقى واحترامى فى بنات الزمن ده يوميها انا قررت انى امسحه وانهى كلامى معه لانى مش بحبه وفعلا مسحته ولاكنه استمر فى انه يكلمنى وانا مردش ويبعت رسايل على انى لازم اديله فرصه ولاكنى مردتش غير مره وهزقته فيها وقولته كفايه بقى ولاكنه برضوه لم ييأس فأخبرت صديقات لى فقلولى اديله فرصه يمكن يكون فعلا بيحبك وانه لو قاصده يلعب بيا مكنش قال يتقدملى مع العلم انى ظروفى فى البيت صعبه جدا ووالدى سامحه الله لا يتقى الله فينا ويمكن مشفتش يوم حلو فى بيتنا وكنت يمكن محتاجه حد يهون عليا شويه وقولت يمكن هو اللى يعوضنى فصارحت امى واخوتى الاكبر سننا (متزوجين ) ورحبوا كثيرا بالموضوع ولانه صارحه شاب ميترفضش وتتمناه اى بنت واهله ناس محترمه من انصار السنه ووالدته منقابه واهله لغايت الان اشهد لهم بكل خير وحسيت ان اهله هيعوضنا هم كمان عن دفئ البيت اللى اتحرمت منه طوال عمرى وتطورت العلاقه بنا مع العلم ان برضوه مكنتش بحبه ولا حتى كنت شايفه انه فتى احلامى ولاكن كنت مقتنعه بيه وعادت الايام واحنا بنتكلم على الفيس وقليل على الموبايل بس كلام عادى يعنى بسأله عنه علشان اعرف اكتر عنه وكده ومكناش بنتقابل بس كنا بنشوف بعض فى المظاهرات اثناء ثوره 25 يناير المجيده او فى حفالات خيريه او زياره ايتام او دار مسنين وبصراحه متقابلناش غير مره واحده لانه كان نسى معايا مفاتيحه فى حفله يوم اليتيم وكان لازم نتقابل علشان ادهالوه وكله بعلم والدتى واخواتى فى كل مره شوفنا بعض وفضلنا نتكلم فتره طويله بس حبيته اوى وحبيت عالته جدا وحسيت بالامان بجد بس حسيته هو اللى بقى بيتغير او بمعنى بدأت احس يمكن ان احنا بحبه اكتر بدأ يجرحنى لدرجه انه يجرحنى ويقولى ما معناه انى وحشه ومش جميله وانه احلى منه وبعدين يقولى انتى طخينه اوى بهزار وكأن كلامه عادى مع العلم انى عاديه ميتقلش عليا وحشه ومش طخينه ولاكنى مش رفيعه بدأ يجرحنى وكأنه بيقولى اه بحبك رغم انك مش ماليه عينى مثلا مش عارفه والله ايه قصده وبعدين الاقى كومنتات ليه على صور بنات بدأت اضايق لاغيت لما لاقيته كاتب على البيدج بتاعته على الفيس هو ليه البنات لما بنشوفهم من بعيد بيبقوا حلوين ولما بنقرب منهم بيبقوا وحشين وانا ببقى احلى منهم حسيت انه بيتكلم عليا مع العلم انه شكله عادى جدا لدرجه ان فى الاول انا مكنتش راضيه بيه لانى حسه انه مش اللى بحلم بيه ومع ذالك تغاضيت وقولت ده حاجه بأيد ربنا وبجد انا لما حبيته اوى بقيت شايفه انه احلى راجل فى الدنيا بجد انا فى حاله اكتئاب وقولت انا هكلمه وقوله انت لو شايف انك اتسرعت فيا رغم انها وجعتنى بس انا قولت هقولهلوه وقولتله لو اتسرعت انا ممكن ننهى الموضوع وهو لسه فى اوله ولو مش هتقدر تجاوب علشان متجرحنيش مش لازم تقولها فى وحشى وانا هفهم لاقيته زعل وقالى انتى بتقولى ايه ارحمينى انتى عليه عايزه تنكدى عليا وقسم بالله انه ما هيرد عليا ومن يوميها وانا على طول بقوله انت مش بتحبنى خايفه على شكلى قدام اهلى بعد ما الموضوع خلاص يعنى بقى شبه خطوبه حسه بجرح اوى ومش عارفه بقول لو هو بيحبنى هيشوفنى احلى واحده زى ما انا شايفه احلى واحد حاولت اخس بس جالى اكتئاب لانى مش شايفه اى سبب مقنع انى اخس وانه المفروش يحبنى زى ما انا معقول هو مش بيحبنى واحده صاحبتى قالتلى هو ممكن عايز يكسرك شويه لانى فعلا ممكن بتعالى ساعات بدون قصد والله بس هو بيحبنى وفيه حاجات كتير تبين ده لغايت دلوقتى بس انا مش عارفه هو عايز ايه ولا هو بيقول كده ليه طب انا المفروض اعمل ايه وانا بحبه جدا قولولى اعمل ايه؟؟؟

>>>>> ردود الأعضـــــــــــــــــــاء على الموضوع <<<<<
==================================

أختي قرأت مشكلتك و صعبتي عليا كثيييير بس مش حقول لك أنا عندي خبرة في الحجاة دي و لا فاهمة الرجال 100 ف 100 بس إلي حقول لك الرجل طفل صغير بعقل رجل كبير و حاجة ثانيه الراجل لما الحاجة اتكون بعيدة عنهم أو صعبت المنال بالنسبه ليهم بيفظلو يتمسكنو حتى يتمكنو د مثل مغربي المهم لما بيوصلو الحاجة إلهم عايزنها بيبدؤو يتمرضو أي بيبدؤو يثقلو و يخلو البنت هي إلي تسأل و هي إلي بتعتدر حتى لو مكنتش هي الغلطانه يعني هم بيرمو الصنارة و لما تشبك خلااااص بيسيبوك زي السمكة في الشبكة فهماني طبعا و د كل لأن الولد بيفكر بعقلو أما البنت ياحراااام قلبها أول حاجة بتفكر بيه بنمشي ديما ورى قلبنا أما العقل بيكون ملغي في الحلات د ههه لكن صدقيني لو الأن فكرتي بعقلك و لغيتي قلبك حتكوني أحسن فكري بعقلك أختي هو إلي بادر بالكلام هو إلي قالك الأول إنه معجب بيكي و بيحبك هو إلي جاء لعندك هو إلي فرض نفسو عليكي كل ده هو إلي كان سباق ليه مش إنتي يعني إنتي جا دورك حقول لك تعملي إيه حتقلي خاااااالص لو إتصل بيكي الجواب يكون قد السؤال إزيك ؟الحمد لله أخبارك ؟تمام شو عملتي النهرده؟ زي إمبارح كده حتى السؤال متسأليش فيه قالك باي قليلو باي باي. هههه و بكده حيسأل نفسو في إيه ؟ المهم إنتي ثقلي أوي و سبيه حتى لو مكلمكش ثاني و العلاقة إنتهت حتكوني إنتي إلي مش عيزاه مش هو فهماني أما بالنسبة لعائلتك إخترعي كذبة بيضة قللهم مثلا أنا مش حاسه إني حكون سعيدة معاه ياااريتو صرف نظر عني و شاف وحدة ثانيه و في الأخر حطي في بالك إنك مش حتوصلي إلا للمقدر و مكتوووب يعني لو هو راح لحال سبيله ده مش نصيبك و لو تم النصيب حيكون هو إلي مكتوب لك فهمتيني و الله يعينك لو عازه أي جواب راسليني على الخاص سلام

__________________________________________________ __________

شوفي حبيبتي زي ماقالت الاخت الأشياء كلها وهي بعيده بتكون أحلى وجذابة اكثر وانتي بذكائك تقدري تكوني حتى وانتي قريبه محافظه ع جمالك بعينه وجاذبيتك
يعني إثقلي ولا تحسسيه أنك خلاص بإيده ولا تسأليه كثير عن رأيه بشكلك او بجسمك حتى ماتفقدي قدامه ثقتك بنفسك
وحاولي تستعجلي بالخطوبة والزواج لو سمحت لكم الظروف وحسيتي بالفترة الجاية انه يناسبك وممكن تعيشي معاه
راجعي حساباتك معاه وبجديه من الآن
والله يكتب لك اللي فيه الخير

__________________________________________________ __________

لو ثقلتي وما سألتي وراه ..وسبتيه على راحته ..حيبان اذا كان هو يبغاكي ولا لاء..؟؟
اذا كان يبغاكي صدقيني حيسير يجري وراكي ويسأل عنك ويحاول يرضيكي..واذاكان خلاااص ما يبغاكي صدقيني ثقلك ماراح يأثر فيه شي وحتعرفي ساعتها انك مش مهمه بالنسبه له..حاولي تضغطي على نفسك وتنشغلي عنه كثيرررر وسيبيه على راحته..والله يكون بعونك..

__________________________________________________ __________

هلا حياتي
انا مع كلامي خواتي اثقلي عليه اذا يريدك يخطبك واذا قصده يلعب اتركيه افظل الك وخليك قدامه واثقه من نفسك لا يهمك كلامه

__________________________________________________ __________

https://said.xplainer.net/images/smilies/rose.gif والله حبيبتي انتي غلطانة من الاول بكلامك معاه حتى لو برضى الاهل المفروض من اولها يا اما خطبك او سبتيه وما كلمتيهوش حتى لو عشان الاعمال الخيرية وانتي الان نصيحة ما عاد تكلميه لانه لو شاريكي بيعرف عنوان بيتكو بيتقدم رسمي وبتعملو كتب كتاب ولو ماطل معناته خلص اتركيه وربنا بيعوضك باحسن منه
واعلمي ان من ترك شيئا لله عوضه الله خيرا منه https://said.xplainer.net/images/smilies/rose.gif اتمنالك التوفيق https://said.xplainer.net/images/smilies/rose.gif