تطلقت .. يا بنات تطلقت وأخشى أن أموت قبل أن أراه

عنوان الموضوع : تطلقت .. يا بنات تطلقت وأخشى أن أموت قبل أن أراه
مقدم من طرف منتديات نساء الجزائر

تطلقت .. يا بنات تطلقت وأخشى أن أموت قبل أن أراه



بسم الله خير من ذكر

والصلاة والسلام على أطهر من ولد

بنات .. أخوات ... أمهات

والله قبل أكتب غصت في عيوني دموع القهر

يا ناس أسمعوني
أنا من فترة ثلاث سنوات تزوجت قريبي .. أصغر مني بثلاث سنوات

تزوجته رغم عدم رضى أهله .. يعني كانو حابينه يتزوج أصغر .. وكانوا يبونه يتشافى أكثر لأنه مريض

المهم تزوجنا
وسبحان من أمره بين الكاف والنون
قسم بربي صب الله حبه علي صبا صبا لدرجة ما يعلم فيها غير ربي وكنت أخفيها .. خفت يقولون خير إن شاء الله ماسرع حبيتيه وأنتي ما بعد عرفتيه
بعدها عشت معه شهر ونص وهو بدا يتصرف تصرفات تدل على مرضه
بس قسم بالله يا بنات كنت أتضرر من هالتصرفات وهو حبه بقلبي يكبر

ومره صارت بينا مشكله هو إختلقها وأنا وربي مادريت عنها
وفجأة قرر الطلاق>> رغم والله علمي بفرط حبه لي

صدمني هالقرار وذبحني وأنا حية وبلعته مثل ماتبلع الجمرة وكابرت

كابرت ماهنت علي نفسي يطلقني ويرضى يتركني بلا سبب
المهم وافقت على الطلاق

ومت يا ناس سبعين موته من هالقرار

بعدها رجعني لذمته وأنا فالعدة مادريت
لما دريت طرت طرت من الفرحة

لكن أحد أقاربه أفسد الأمر وكشف سر بيني وبين زوجي أغضب أهلي
ونزل بين عائلتنا وعائلتهم خط أحمر

وأنخرست ماعاد أقدر أقول أبيه لاتطلقوني منه
ماعاد قدرت
خفت تشب المشاكل بين العايلتين بسببي

خفت أصر على الرجعة له ثم ينكبني مرة ثانية وتنكسر عيني عند أبوي
خفت وما أمنت شيء
بعد فترة أهلي طلبوا منه طلاقي وطلقني غصب

وأنا غصب إدعيت إن الأمر عادي وهو وربي ماهو عادي
قسم بالله ربي شاهد إني أبكيه إلين تتنفخ عيوني وينخرس فمي غصب

قسم بالله قسم بالله إني أحبه ولاهذا الشيء بيدي

ماأدري عسى بالمقادير إني أشوفه

شوفوا أنا حلفت إني أحبه وأحلف بعد إنه يحبني بس الوالي قاسي

دريت بعدين أنه شكى وبكى ونادى وسوى اللي يقدر عليه بس فات الفوت
ودريت إن أهله عشان يهدونه
(كرهوه فيني)
وش تبي بها .. بكره تجيب اللي أبرك منها.. بكرة تتزوج بنوته وصغيرة

وماأدري بعدها وش صار

الله الله الله حسيب قريبه... الله ينتقم منه.. الله يجازيه بعمله....
أويلاه يا بنات ليته ما طلع في حياتي
طلع علي ودمر كل شيء
قسم كنت برجع لزوجي بس هو خربها
الله حسيبه>> يا قد ما أكرهه

الله أكبر يا كثر مادعيت ربي...

ما عاد بقى له عندي غير صوره>> تخيلو صورة
أكلمها أكلمها ولاترد الصورة
ياما ضميتها على صدري وبكيت ياما شميها ياما حبيتها

كل ماطالعت بصورته قلت كيفك اليوم وعساك بخير؟
بعد ناسي أكلت شربت طيب تحس بجوع ودك تقول شيء
طيب يا صاحب الصورة تذكرني>> وربي يفوق اللي لك عندي كل اللي لك بقلب أمك..
متى ربي يلم الشمل ويصلح الحال

أويلاه ياقلبي بموت بقهر بس بقابل ربي ما سامحت قريبه أبد
الله الله لايحلله ياقد ماخرب بيتي

الله أكبر يا كثر مامر علي بالمنامات وحاكيته وحاكاني>> بس هاه منامات مافي شيء من الحقيقة << الواقع شين وردي

أويلاه من قريبه وبس

بنات بيني وبينه طلقتين
تهقون يرجع ويصلح حاله .. تهقون لو يرجع برجع أنا

أنا بصدري براكين وكلام كثير ما قلته أخاف يعرفني حدا بسرد القصة


دعووووووووووووووووتكن ترى ماعاد بالحال حيل

>>>>> ردود الأعضـــــــــــــــــــاء على الموضوع <<<<<
==================================

الله يهدي بالج ويكتبلج الي فيه الخير

مالج الا الصبر والدعـــــــــــــــــــــــــــــاء

__________________________________________________ __________

الله يكتبلك الى فيه خير لك .. حبيبتي الى باعك بيعيه لا تفكري فيه,, بقولك كلمه قول حسبي الله ونعم الوكيل,,

__________________________________________________ __________

الغاليه تعوذي من ابليس واسال الله يكتب لك الخير يارب واحتسبي عند ربك كل شي وتذكري كلام ربك جل وعلى ( وعسى ان تكرهو شيئا وهو خير لكم وعسى ان تحبوا شيئا وهو شر لكم والله يعلم وانتم لاتعلمون ) خلي هالايه بين عيونك وصلي استخاره وادعي ان ربي يكتب لك الخيره اذا فيه خير لك يسخره ويرده لك واذا مافيه خير انه يصد بقلبك عنه ويعوضك احسن منه ويرضيك به والله يوفقك يارب ويشرح صدرك ويسخر لك كل قلب قاسي والله تاثرت مررره من قصتك بس ترى الحياه ماتوقف عند شخص معين يمكن ربي صد به منك وخلى قريبكم يتدخل عشان وجوده بحيالتك مو خير لك انتي تخيلي بعدين حياتك ولو ربي كتب لك اولاد شنو راح تتخيلين حياتك بعد وهو مو مضمون انسان متردد واهله بهالطريقه اسال الله يكتب لك الخيره سواء معه ولا مع غيره ويوفقك يارب
دعواتي لكhttps://said.xplainer.net/images/smilies/rose.gif https://said.xplainer.net/images/smilies/rose.gifhttps://said.xplainer.net/images/smilies/rose.gif https://said.xplainer.net/images/smilies/rose.gif

__________________________________________________ __________

حبيبتي استغفري دايما..

وادعي ربك اذا كان فيه خير لك يردك..

الله يسر امرك ويفرج همك..

__________________________________________________ __________

ما أزيد على كلام البنات ..

وادعي ربك ..إذا كان في رجعته لك خير ..يرده لكِ


تمنياتي القلبيه ..