قصتي كلها قهر !! -لصحتك

عنوان الموضوع : قصتي كلها قهر !! -لصحتك
مقدم من طرف منتديات نساء الجزائر

قصتي كلها قهر !!



https://said.xplainer.net/images/smilies/rose.gif السلام عليكم ورحمة الله وبركاته https://said.xplainer.net/images/smilies/rose.gif


انا ام وعندي 5 اطفال متزوجه من 15 سنه
قصتي بدت من يوم زواجي (( زواج تقليدي )) ماشفته الا يوم العرس

حبيته من قلبي لان اول مره بحياتي احب وكان عمري وقتها 23
طبعا من ليلة العرس اذكره خاني يوم يسال صاحبه عن صاحبته وقاله لا تقولها اني تزوجت ولا تعطيها اي معلومات عني !!
اول شئ ضاق خلقي وبعدها قلت دام مايبيها تعرف شئ عنه معناتها انه الحمدلله راح يستقر ويترك عنه السوالف هذي https://said.xplainer.net/images/smi...7-vzp7onvp.gif
لكن مع الاسف زوجي طبعه خوان وما يترك الخيانه ,,,

زوجي كان دايم يسافر بروحه وكنت اطنش واقول ان شاءالله يعقل وصل سن اللاربعين وهو بعده على خيانته لي انا مو قاصرني شئ والله ولله الحمد حلوه ونظيفه ومرتبه والبيت دايم على نظافه وكامل من كل شئ ومهتمه فيه وبعياله واغار عليه موت ,
لكن قبل 5 شهور سافر مصر قعد اسبوع لانه يشكي من التعب والشغل (( يشتغل من الساعه 7 الصبح ما يرجع الا الساعه 4 العصر))
يرجع البيت يتغدا ينام ويطلع لربعه وسهر وما يرجع الا الساعه 2 بالليل
ماشوفه الا نص ساعه وربي متحمله عشان عيالي بس طفح الكيل مرضت نفسيا والسبب هو ,, نرجع لموضوعنا سافر مصر اسبوع ورجع يوم رجع كان من احسن ما يكون يضحك ويسولف وتعدل شوي بس لاحظت انه تلفونه دايم معاه وما يتركه ابد الصراحه شكيت !
تركته لين نام واحذته وشفت فيه مسج من وحده مصريه تقول له وحشتني موت فينك اتصلت عليك اليوم الصبح ومرديش (( صكت فيني الدنيا )) كل العمر هذا بعده ما تاب والقهر رايح بيت الله وكنت متصوره انه خلاص دام راح بيت الله تاب وعقل بس مع الاسف استخف اكثر
اتصلت عليها وقلت سو بينج وبينه ؟؟ قالت مافي شئ وهو اللي يتصل دايم مش انا وهو قالي انه مطلق زوجته وعنده ولد (( وربي قهر )) انا طبعا فضحته قلت انا زوجته وعندي منه 5 يهال ولا عاد تتصلين فيه
المهم قعد من النوم ولا كان فيه شئ ما كلمته , بس هي الحقيره قالت له زوجتك اتصت فيني وهو انصد وحلف الف يمين انه كانت متصله بالغلط في مصر وسولف معاهاوعلقت معاه قلت حتى لو غلط ليش تعطيها رقمك قال خلاص انتهى الموضوع وسكريه ومابي تتكلمين فيه وعدت السالفه قبل شهلر سافر المغرب وليته ماسافر من يومها وانا معاه ما نتكلم ولا حابه اكلمه وكل ما تجي عيني بعينه اكرهه وربي اكرهه صرت ما واطن اشوفه لان كل ما شوفه احس في خيانته تذبحني لان قبل يسافر قلت له احلف على كتاب الله انك ما راح تخوني ما رضى يحلف وقلت طيب وربي ماعاد اكلمك ولا عاد اهتم فيك وسافر وبعد ما رجع نفس الشئ شفت رساله من وحده بس كلامها كان قوي له يعني انه معاها (( بينهم فراش )) وهي الحقيره تقوله متى تجي المغرب لاني مشتاقه لحضنك
والله بموت قهر ليش الخيانه لو انا اللي اخونه راح يسكت ؟؟
الله يحفظني وعساني ماكون مثله
شنو الحلبرايكم استمر معاه ولا اطلب الطلاق وارتاح نفسيا انا وعيالي بعيد عنه لانه والله مرضني نفسيا وصرت اخذ حبوب اكتأب https://said.xplainer.net/images/smi...7-vzp7onvp.gif

>>>>> ردود الأعضـــــــــــــــــــاء على الموضوع <<<<<
==================================

الله يعينك وصلي الاستخاره أفضل

__________________________________________________ __________

اذاتحسي انك تقدري تعشين بدونه وتكوني مرتاحه اطلبي الطلاق لانه هذي الايام في مرض والكل يعرفه وهو مرض الايدز لاتكوني ضحيت زوج خاين ينتقل لك المرض وتتحسفين انتي كلميه وقولي له لو انت مكاني وتشوف اني اخونك وش تسوي فيني راح ينقهر ويمكن يتحسف الله يهديه منعيه من السفر

__________________________________________________ __________

المشاركة الأصلية كتبت بواسطة malak alrouh https://said.xplainer.net/sedty/buttons/viewpost.gif الله يعينك وصلي الاستخاره أفضل

والنعم بالله (( ان شاءالله ياقلبي ومشكوره على الرد ))

__________________________________________________ __________

المشاركة الأصلية كتبت بواسطة فنون الحب https://said.xplainer.net/sedty/buttons/viewpost.gif اذاتحسي انك تقدري تعشين بدونه وتكوني مرتاحه اطلبي الطلاق لانه هذي الايام في مرض والكل يعرفه وهو مرض الايدز لاتكوني ضحيت زوج خاين ينتقل لك المرض وتتحسفين انتي كلميه وقولي له لو انت مكاني وتشوف اني اخونك وش تسوي فيني راح ينقهر ويمكن يتحسف الله يهديه منعيه من السفر

اولا مشكوره اختي على الرد وماقصرتي
ثانيا مو مسالة اقدر اعيش من غيره ولا لا العيشه على رب العالمين
بس الطلاق محد شجعني عليه من اهلي
والمرض اقصد فيه اني مريضه نفسيا يعني صرت ابجي على اتفه الاسباب ودايم سرحانه ومالي خلق واحس وساع الكون كله ضاق علي
وما اقدر امنعه من السفر اذا حب يسافر ما يقولي الا بعد ما يحجز يعني يحطي قدام الامر الواقع بس انا محتاره فيه مدري اضغط على نفسي واطلب الطلاق ولا اهتم لاكبر راس ولا اسكت واحقره واظل ما اكلمه واعيش عشان عيالي

__________________________________________________ __________

شكرا للادراه الكريمه على طرح مشكلتي لا خلا ولا عدم يارب
ربي يعطيكم الف عافيه وماقصرتوا على فتح المجال لنا عشان نفتح قلوبنا ونشكي اللي فيها من هم